, ‘ಪದ್ಮಾವತಿ’ ಚಿತ್ರ ಇತಿಹಾಸವನ್ನು ಆಧರಿಸಿದ್ದಲ್ಲ: ಸಂಜಯ್‌ ಲೀಲಾ ಬನ್ಸಾಲಿ | ಪ್ರಜಾವಾಣಿ
ವಿವಾದ

‘ಪದ್ಮಾವತಿ’ ಚಿತ್ರ ಇತಿಹಾಸವನ್ನು ಆಧರಿಸಿದ್ದಲ್ಲ: ಸಂಜಯ್‌ ಲೀಲಾ ಬನ್ಸಾಲಿ

‘ನಾನು ‘ಪದ್ಮಾವತಿ’ ಚಿತ್ರದಲ್ಲಿ ಇತಿಹಾಸಕ್ಕೆ ಚ್ಯುತಿ ತಂದಿಲ್ಲ. ಗಾಳಿ ಸುದ್ದಿಗಳಿಂದ ಚಿತ್ರದ ಕುರಿತಾಗಿ ವಿವಾದ ಎದ್ದಿದೆ’ ಎಂದು ಸಂಸದೀಯ ಬನ್ಸಾಲಿ ಸಮಿತಿಗೆ ತಿಳಿಸಿದ್ದಾರೆ...

‘ಪದ್ಮಾವತಿ’ ಚಿತ್ರ ಇತಿಹಾಸವನ್ನು ಆಧರಿಸಿದ್ದಲ್ಲ: ಸಂಜಯ್‌ ಲೀಲಾ ಬನ್ಸಾಲಿ

ಮುಂಬೈ: ‘ಪದ್ಮಾವತಿ’ ಚಿತ್ರದ ವಿವಾದ ಕುರಿತಂತೆ ಮಾಹಿತಿ ತಂತ್ರಜ್ಞಾನದ ಸಂಸದೀಯ ಸಮಿತಿಯ ಎದುರು ಗುರುವಾರ ಹಾಜರಾದ ನಿರ್ದೇಶಕ ಸಂಜಯ್‌ ಲೀಲಾ ಬನ್ಸಾಲಿ, ‘ಚಿತ್ರದ ಕಥೆ ಇತಿಹಾಸವನ್ನು ಆಧರಿಸಿದ್ದಲ್ಲ. 1540ರಲ್ಲಿ ಸೂಫಿ ಕವಿ ಮಲಿಕ್ ಮುಹಮ್ಮದ್ ಜಯಾಸಿ ರಚಿಸಿರುವ ‘ಪದ್ಮಾವತ್’ ಕಾವ್ಯದ ಆಧಾರದ ಮೇಲೆ ಚಿತ್ರಕಥೆ ರೂಪಿಸಲಾಗಿದೆ’ ಎಂದು ಹೇಳಿದ್ದಾರೆ.

‘ನಾನು ಚಿತ್ರದಲ್ಲಿ ಇತಿಹಾಸಕ್ಕೆ ಚ್ಯುತಿ ತಂದಿಲ್ಲ. ಗಾಳಿ ಸುದ್ದಿಗಳಿಂದ ಚಿತ್ರದ ಕುರಿತಾಗಿ ವಿವಾದ ಎದ್ದಿದೆ’ ಎಂದು ಬನ್ಸಾಲಿ ಸಮಿತಿಗೆ ತಿಳಿಸಿದ್ದಾರೆ.

ಬಿಜೆಪಿ ಸಂಸದ ಅನುರಾಗ್ ಠಾಕೂರ್, ಬಿಜೆಪಿ ಮುಖಂಡ ಎಲ್‌.ಕೆ. ಅಡ್ವಾಣಿ ಮತ್ತು ಚಿತ್ರ ನಿರ್ದೇಶಕ ಹಾಗೂ ಕಾಂಗ್ರೆಸ್‌ ಮುಖಂಡ ರಾಜ್‌ ಬಬ್ಬರ್‌ ಅವರಿದ್ದ ಸಂಸದೀಯ ಸಮಿತಿಯು ಬನ್ಸಾಲಿ ಅವರಿಗೆ ಹಲವು ಪ್ರಶ್ನೆಗಳನ್ನು ಕೇಳಿದೆ ಎಂದು ಮೂಲಗಳು ತಿಳಿಸಿವೆ.

‘ಸಿನಿಮಾಟೊಗ್ರಫಿ ಕಾಯ್ದೆಯ ಪ್ರಕಾರ ಕೇಂದ್ರೀಯ ಚಲನಚಿತ್ರ ಪ್ರಮಾಣೀಕರಣ ಮಂಡಳಿಯು (ಸಿಬಿಎಫ್‌) ಚಿತ್ರವನ್ನು ಪ್ರಮಾಣೀಕರಿಸಲು 68 ದಿನ ಕಾಲಾವಕಾಶ ತೆಗೆದುಕೊಳ್ಳಬಹುದು. ಹೀಗಿರುವಾಗ ಚಿತ್ರದ ಪ್ರಮಾಣೀಕರಣಕ್ಕಾಗಿ ನವೆಂಬರ್‌ 11ರಂದು ಸಿಬಿಎಫ್‌ಸಿಗೆ ಅರ್ಜಿ ಸಲ್ಲಿಸಿ ಡಿಸೆಂಬರ್‌ 1ರಂದು ಚಿತ್ರ ಬಿಡುಗಡೆ ಮಾಡುವುದಾಗಿ ಹೇಗೆ ಘೋಷಿಸಿದಿರಿ?’ ಎಂದು ಸಮಿತಿಯು ಬನ್ಸಾಲಿ ಅವರನ್ನು ಪ್ರಶ್ನಿಸಿದೆ ಎಂದು ಮೂಲಗಳು ಹೇಳಿವೆ.

‘ವಿವಾದ ಎಬ್ಬಿಸಿ ಚಿತ್ರಕ್ಕೆ ಪ್ರಚಾರ ಗಿಟ್ಟಿಸಿಕೊಳ್ಳುವ ಅಭ್ಯಾಸ ಇತ್ತೀಚೆಗೆ ಹೆಚ್ಚಾಗುತ್ತಿದೆ. ಮಾಧ್ಯಮಗಳೂ ಇಂಥ ವಿವಾದಗಳನ್ನು ಪೋಷಿಸುತ್ತಿವೆ’ ಎಂದು ಸಮಿತಿ ಹೇಳಿದೆ ಎಂದು ಮೂಲಗಳು ತಿಳಿಸಿವೆ.

Comments
ಈ ವಿಭಾಗದಿಂದ ಇನ್ನಷ್ಟು
ಶ್ರಾವ್ಯ ನಾಯಕಾರಾಧನೆ!

ನಾವು ನೋಡಿದ ಸಿನಿಮಾ
ಶ್ರಾವ್ಯ ನಾಯಕಾರಾಧನೆ!

21 Apr, 2018
ಅಂಧರ ಲೋಕದ ಅಂದದ ಪ್ರೇಮಕಥೆ

ಕೃಷ್ಣ ತುಳಸಿ
ಅಂಧರ ಲೋಕದ ಅಂದದ ಪ್ರೇಮಕಥೆ

20 Apr, 2018
ಎಟಿಎಂನಲ್ಲಿ ಒಬ್ಬ ರಗೆಡ್ ಅಧಿಕಾರಿ!

‘ಎಟಿಎಂ’
ಎಟಿಎಂನಲ್ಲಿ ಒಬ್ಬ ರಗೆಡ್ ಅಧಿಕಾರಿ!

20 Apr, 2018
‘6 ಟು 6’ ತಂಡದ ಸವಾಲು

ಈ ವಾರ ತೆರೆಗೆ
‘6 ಟು 6’ ತಂಡದ ಸವಾಲು

20 Apr, 2018
‘ಕೃಷ್ಣ ತುಳಸಿ’ಯ ಪರಿಮಳ

ಚಂದನವನ
‘ಕೃಷ್ಣ ತುಳಸಿ’ಯ ಪರಿಮಳ

20 Apr, 2018