ಚಿಂತಾಮಣಿ

ಗ್ರಾಹಕರಿಗೆ ಬಿಸಿ; ರೈತರಿಗೆ ಕೊಂಚ ನೆಮ್ಮದಿ

‘ಉತ್ಪಾದನೆ ಕಡಿಮೆ ಇರುವುದರಿಂದ ಬೆಲೆ ಹೆಚ್ಚಾಗಿದೆ. ಆರಂಭದಲ್ಲಿ ಮುಂಗಾರು ಮಳೆ ಕೈಕೊಟ್ಟಿದ್ದರಿಂದ ಈರುಳ್ಳಿ ಬಿತ್ತನೆ ತಡವಾಯಿತು. ಬಿತ್ತನೆಯಾಗಿದ್ದ ಈರುಳ್ಳಿ ಗಡ್ಡೆಯಾಗುವ ಹಂತದಲ್ಲಿ ಮಜ್ಜೆಗೆ ರೋಗಕ್ಕೆ ತುತ್ತಾಗಿ ಇಳುವರಿ ಕಡಿಮೆಯಾಯಿತು’‌

ಚಿಂತಾಮಣಿ ಮಾರುಕಟ್ಟೆಯಲ್ಲಿ ತರಕಾರಿ ವ್ಯಾಪಾರ

ಚಿಂತಾಮಣಿ: ಇಲ್ಲಿನ ಮಾರುಕಟ್ಟೆಯಲ್ಲಿ ಈರುಳ್ಳಿ ಬೆಲೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿವೆ. ಬೆಲೆ ಹೆಚ್ಚಳ ಗ್ರಾಹಕರಿಗೆ ಬಿಸಿಯಾಗಿ ಪರಿಣಮಿಸಿದ್ದರೆ ರೈತರಿಗೆ ಕೊಂಚ ಬೆಲೆ ತಂದುಕೊಟ್ಟ ನೆಮ್ಮದಿ ಇದೆ.

ಈರುಳ್ಳಿ ಬೆಲೆ 1 ಕೆ.ಜಿ.ಗೆ ₹ 60 ಗಡಿ ದಾಟಿದೆ. ಕ್ಯಾರೆಟ್‌ ಹಾಗೂ ಕೋಳಿ ಮೊಟ್ಟೆ ಬೆಲೆ ತೀವ್ರವಾಗಿ ಏರಿಕೆಯಾಗಿದೆ. 1 ವರ್ಷದಿಂದ ಸ್ಥಿರವಾಗಿದ್ದ ಈರುಳ್ಳಿ ಬೆಲೆ ಹೆಚ್ಚಿರುವುದರಿಂದ ರೈತರಿಗೆ ಖುಷಿ ತಂದಿದೆ. ‘ಈರುಳ್ಳಿ ಆವಕ ಕಡಿಮೆಯಾಗಿದ್ದು ಇನ್ನೂ ಏರಿಕೆಯಾಗುವ ಸಂಭವವಿದೆ’ ಎನ್ನುತ್ತಾರೆ ಈರುಳ್ಳಿ ವ್ಯಾಪಾರಿಗಳು.

‘ಉತ್ಪಾದನೆ ಕಡಿಮೆ ಇರುವುದರಿಂದ ಬೆಲೆ ಹೆಚ್ಚಾಗಿದೆ. ಆರಂಭದಲ್ಲಿ ಮುಂಗಾರು ಮಳೆ ಕೈಕೊಟ್ಟಿದ್ದರಿಂದ ಈರುಳ್ಳಿ ಬಿತ್ತನೆ ತಡವಾಯಿತು. ಬಿತ್ತನೆಯಾಗಿದ್ದ ಈರುಳ್ಳಿ
ಗಡ್ಡೆಯಾಗುವ ಹಂತದಲ್ಲಿ ಮಜ್ಜೆಗೆ ರೋಗಕ್ಕೆ ತುತ್ತಾಗಿ ಇಳುವರಿ ಕಡಿಮೆಯಾಯಿತು’‌ ಎಂದು ವ್ಯಾಪಾರಿ ಅಶ್ವತ್ಥನಾರಾಯಣಪ್ಪ ತಿಳಿಸಿದರು.

ನವೆಂಬರ್‌ ಪ್ರಾರಂಭದಲ್ಲಿ ಪ್ರತಿ ಕ್ವಿಂಟಲ್‌ಗೆ ₹ 2700 ರಿಂದ 2900 ರ ವರೆಗೆ ಇದ್ದ ಈರುಳ್ಳಿ ಬೆಲೆ ಕೊನೆಯ ವಾರದಲ್ಲಿ ₹ 3600 ರಿಂದ ₹ 5250ರವರೆಗೆ ತಲುಪಿದೆ. ಕ್ಯಾರೆಟ್‌ ಬೆಲೆ ಸಹ ಅಧಿಕವಾಗಿದೆ. ಕೆ.ಜಿ.ಗೆ ₹ 80 ರಿಂದ 90 ರವರೆಗೆ ಮಾರಾಟವಾಗುತ್ತಿದೆ. ಅಧಿಕ ಮಳೆಯಾಗಿದ್ದರಿಂದ ಕ್ಯಾರೆಟ್‌ ಭೂಮಿಯಲ್ಲಿಯೇ ಕೊಳೆಯಿತು. ಫಸಲು ಕಡಿಮೆ ಆಯಿತು. ಇದರಿಂದ ಬೆಲೆ ಹೆಚ್ಚಳವಾಗಿದೆ’ ಎನ್ನುವರು ವ್ಯಾಪಾರಿಗಳು.

ಕೋಳಿ ಮೊಟ್ಟೆಯ ದರ ವರ್ಷದಲ್ಲೇ ಅತ್ಯಂತ ಹೆಚ್ಚಿನ ದರ ದಾಖಲಿಸಿದೆ. ಚಳಿಗಾಲ ಆರಂಭವಾಗುತ್ತಿರುವುದರಿಂದ ಕೋಳಿ ಮೊಟ್ಟ ಉತ್ಪಾದನೆ ಕಡಿಮೆಯಾಗಿದೆ. ಜತೆಗೆ ಕೋಳಿ ಮೊಟ್ಟೆಯನ್ನು ಚಳಿಗಾಲದಲ್ಲಿ ಅಧಿಕವಾಗಿ ಬಳಸುತ್ತಾರೆ. ಹೀಗಾಗಿ ದರ ಗಗನಕ್ಕೆ ಏರಿದೆ. ಈ ವಾರ ಒಂದು ಮೊಟ್ಟೆ ಬೆಲೆ ₹ 6 ಇತ್ತು.

ಬೆಲೆ ಇಳಿಕೆ: ಒಂದು ಕಡೆ ತರಕಾರಿ ಬೆಲೆಗಳು ಹೆಚ್ಚುತ್ತಿದ್ದರೆ ಸೊಪ್ಪಿನ ಬೆಲೆ ಇಳಿಯುತ್ತಿದೆ. ನವೆಂಬರ್ ಆರಂಭದಲ್ಲಿ ಒಂದು ಕಟ್ಟಿಗೆ 40 ರಿಂದ 50 ಇದ್ದ ಕೊತ್ತೊಂಬರಿ ಸೊಪ್ಪು ₹ 10ಕ್ಕೆ ‌ಇಳಿದಿದೆ. ದಂಟು, ಮೆಂತ್ಯ, ಸಬ್ಬಕ್ಸಿ, ಪಾಲಕ್‌ ಸೊಪ್ಪುಗಳು ಕಟ್ಟಿಗೆ ₹ 10 ರಿಂದ 15 ರೂಗೆ ಮಾರಾಟ ಮಾಡುತ್ತಿದ್ದೇವೆ ಎಂದು ಸೊಪ್ಪಿನ ವ್ಯಾಪಾರಿ
ಸರೋಜಮ್ಮ ಹೇಳಿದರು. ಅವರೆಕಾಯಿ ಮಾರುಕಟ್ಟೆಗೆ ಬರುತ್ತಿದೆ. ಆದ್ದರಿಂದ ತರಕಾರಿ ಬೆಲೆಗಳು ಸ್ವಲ್ಪ ಮಟ್ಟಿಗೆ ಇಳಿಯುತ್ತವೆ ಎಂದು ಬಹುತೇಕ ಗ್ರಾಹಕರು ನಂಬಿದ್ದಾರೆ.

₹ 5250 ಕ್ವಿಂಟಲ್ ಈರುಳ್ಳಿಯ ಗರಿಷ್ಠ ಬೆಲೆ

₹ 90 ಒಂದು ಕೆ.ಜಿ.ಕ್ಯಾರೆಟ್ ಬೆಲೆ

₹ 6 1 ಮೊಟ್ಟೆ ಬೆಲೆ

Comments
ಈ ವಿಭಾಗದಿಂದ ಇನ್ನಷ್ಟು
ಹರ್ಷೋದ್ಗಾರದ ನಡುವೆ ಸುಬ್ರಹ್ಮಣ್ಯೇಶ್ವರ ರಥೋತ್ಸವ

ಚಿಕ್ಕಬಳ್ಳಾಪುರ
ಹರ್ಷೋದ್ಗಾರದ ನಡುವೆ ಸುಬ್ರಹ್ಮಣ್ಯೇಶ್ವರ ರಥೋತ್ಸವ

24 Jan, 2018

ಶಿಡ್ಲಘಟ್ಟ
ತಾಲ್ಲೂಕು ಕೇಂದ್ರಕ್ಕೆ ಆಗ್ರಹ: ಸಾದಲಿ ಬಂದ್‌ ಪೂರ್ಣ

ಸಂತೆ, ಬ್ಯಾಂಕ್‌, ಅಂಗಡಿ ಮುಂಗಟ್ಟು ಬಂದ್‌ ಮಾಡಲಾಗಿತ್ತು. ಜನರು ಸ್ವಯಂಪ್ರೇರಿತರಾಗಿ ಬಂದ್‌ ಮಾಡುವ ಮೂಲಕ ಪ್ರತಿಭಟನೆಯಲ್ಲಿ ಪಾಲ್ಗೊಂಡರು

24 Jan, 2018

ಚಿಕ್ಕಬಳ್ಳಾಪುರ
ಕೆಪಿಜೆಪಿ ಅಭ್ಯರ್ಥಿಯಾಗಲು ಅವಕಾಶ

ಪಕ್ಷದ ಸಾರ್ವಜನಿಕ ಸಂಪರ್ಕಾಧಿಕಾರಿ ತಟ್ಟೀಕೆರೆ ಮಲ್ಲೇಶ್‌ ಮಾತನಾಡಿ, ಪಕ್ಷದ ಗುರಿ, ಧ್ಯೇಯ, ಉದ್ದೇಶಗಳನ್ನು ಇಟ್ಟಿಕೊಂಡು ರಾಜ್ಯದಾದ್ಯಂತ ಪ್ರಚಾರ ಶುರುವಾಗಿದೆ

24 Jan, 2018
ಮಾರುಕಟ್ಟೆಯಲ್ಲೇ ಇಂದಿರಾ ಕ್ಯಾಂಟೀನ್‌ಗೆ ಜಾಗ

ಚಿಕ್ಕಬಳ್ಳಾಪುರ
ಮಾರುಕಟ್ಟೆಯಲ್ಲೇ ಇಂದಿರಾ ಕ್ಯಾಂಟೀನ್‌ಗೆ ಜಾಗ

23 Jan, 2018
ಕೈಗಾರಿಕಾ ವಲಯ ಸ್ಥಾಪನೆಗೆ ವಿಶೇಷ ಒತ್ತು

ಶಿಡ್ಲಘಟ್ಟ
ಕೈಗಾರಿಕಾ ವಲಯ ಸ್ಥಾಪನೆಗೆ ವಿಶೇಷ ಒತ್ತು

23 Jan, 2018