ಮುಧೋಳ

‘15 ವರ್ಷದಿಂದ ಕ್ಷೇತ್ರದ ಸಾಧನೆ ಶೂನ್ಯ’

‘ಕ್ಷೇತ್ರದಲ್ಲಿ 15 ವರ್ಷಗಳಿಂದ ಯಾವುದೇ ಅಭಿವೃದ್ಧಿ ಕಾರ್ಯಗಳು ನಡೆದಿಲ್ಲ. ನನಗೆ ಸಚಿವ ಸ್ಥಾನದ ಅವಧಿ ಕಡಿಮೆ ಇದೆ. ಆದರೂ ಮುಧೋಳ ಕ್ಷೇತ್ರಕ್ಕೆ ಅಭಿವೃದ್ಧಿ ಕಾಮಗಾರಿ ತರಲು ಪ್ರಯತ್ನಿಸಿದ್ದೇನೆ.

ಮುಧೋಳ: ‘ಕ್ಷೇತ್ರದಲ್ಲಿ 15 ವರ್ಷಗಳಿಂದ ಯಾವುದೇ ಅಭಿವೃದ್ಧಿ ಕಾರ್ಯಗಳು ನಡೆದಿಲ್ಲ. ನನಗೆ ಸಚಿವ ಸ್ಥಾನದ ಅವಧಿ ಕಡಿಮೆ ಇದೆ. ಆದರೂ ಮುಧೋಳ ಕ್ಷೇತ್ರಕ್ಕೆ ಅಭಿವೃದ್ಧಿ ಕಾಮಗಾರಿ ತರಲು ಪ್ರಯತ್ನಿಸಿದ್ದೇನೆ. ದೊರೆತ ಅವಧಿಯ ಸಂಪೂರ್ಣ ಪ್ರಯೋಜ ಪಡೆದು ಕಾರ್ಯಕ್ರಮಗಳನ್ನು ರೂಪಿಸಲಾಗುತ್ತಿದೆ’ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಆರ್.ಬಿ.ತಿಮ್ಮಾಪುರ ಹೇಳಿದರು.

‘ನಾನು ಸಚಿವನಾದ ನಂತರ ಪ್ರಥಮಬಾರಿ ನಗರದಲ್ಲಿ ನಡೆದ ಸಮಾರಂಭದಲ್ಲಿ ಸಾವಿರ ಮನೆಗಳನ್ನು ತರುವುದಾಗಿ ಘೋಷಿಸಿದಂತೆ ಈಗ ಬಸವ ವಸತಿ ಯೋಜನೆ ಅಡಿ ಸಾವಿರ ಮನೆಗಳು, 250 ವಾಜಪೇಯಿ ವಸತಿ ಯೋಜನೆಯಲ್ಲಿ 250 ದೇವರಾಜ ಅರಸು ವಸತಿ ಯೋಜನೆ ಅಡಿಯಲ್ಲಿ ಹಾಗೂ ಕೊಳಚೆ ನಿರ್ಮೂಲನಾ ಯೋಜನೆ ಅಡಿ 250 ಮನೆಗಳನ್ನು ಒಟ್ಟು 1750 ಮಂಜೂರು ಮಾಡಿಸಲಾಗಿದೆ. ಇನ್ನೂ ಅಧಿಕ ಮನೆಗಳನ್ನು ಮಂಜೂರು ಮಾಡಿಸಲಾಗುವುದು’ ಎಂದು ಪತ್ರಿಕಾಗೋಷ್ಠಿಯಲ್ಲಿ ಸೋಮವಾರ ಹೇಳಿದರು.

‘ನಗರೋತ್ಥಾನ ಅಡಿ ನಗರದ ಅಭಿವೃದ್ಧಿಗೆ ₹ 25 ಕೋಟಿ ಮಂಜೂರಾತಿ ದೊರೆತಿದೆ. ಇದರಲ್ಲಿ ನಗರದ ವಿವಿಧ 6 ವಾರ್ಡ್‌ಗಳಲ್ಲಿ ಕುಡಿಯುವ ನೀರಿನ ಸೌಕರ್ಯಕ್ಕೆ ಅಗತ್ಯವಿರುವ ಕಾಮಗಾರಿಗಳು ನಡೆಯಲಿದೆ. ಎಸ್‌ಸಿಪಿ ಯೋಜನೆ ಅಡಿ ₹ 50 ಲಕ್ಷ ಹರಿಜನ ಗಲ್ಲಿ, ಕಾಂಬಳೆ ಗಲ್ಲಿ ಹಾಗೂ ಮಲ್ಲಮ್ಮ ನಗರದಲ್ಲಿ ರಸ್ತೆ ಅಭಿವೃದ್ಧಿಪಡಿಸಲು, ಎಸ್‌ಎಫ್‌ಸಿ ಯೋಜನೆ ಅಡಿ ₹2.63 ಕೋಟಿಯಲ್ಲಿ ರಸ್ತೆ ಅಭಿವೃದ್ಧಿ, ₹ 75 ಲಕ್ಷದಲ್ಲಿ ರನ್ನ ಕ್ರೀಡಾಂಗಣದಲ್ಲಿ ವಾಕಿಂಗ್ ಟ್ರ್ಯಾಕ್ ನಿರ್ಮಾಣ ಹಾಗೂ ₹ 1.25 ಕೋಟಿಯಲ್ಲಿ ಈಜು ಕೊಳ ನಿರ್ವಾಣ ಹಾಗೂ ₹ 15 ಲಕ್ಷದಲ್ಲಿ ಓಪನ್ ಜಿಮ್, ₹ 1 ಕೋಟಿಯ ಸರ್ಕಾರಿ ಪಿಯು ಕಾಲೇಜ್‌ದಲ್ಲಿ ಪ್ರಯೋಗಾಲಯ, ಎರಡು ಹೆಚ್ಚುವರಿ ಕೊಠಡಿ ಹಾಗೂ ಶೌಚಾಲಯ ನಿರ್ಮಾಣಕ್ಕೆ ಮಂಜೂರಾತಿ ದೊರೆತಿದೆ’ ಎಂದರು.

‘ಭ್ರಷ್ಟಾಚಾರದ ಬಗ್ಗೆ ಮಾತನಾಡುವ ಹಕ್ಕು ಶಾಸಕ ಕಾರಜೋಳರಿಗೆ ಇಲ್ಲ. ಬಿಜೆಪಿ ಪರಿವರ್ತನಾ ಯಾತ್ರೆಯಲ್ಲಿ ಕೇಂದ್ರ ಸಚಿವ ಅನಂತ ಕುಮಾರ್‌ ಅವರು ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ತಿಮ್ಮಾಪೂರ ಘಟಪ್ರಭಾ ನದಿಯ ಎಡದಂಡೆ ಹಾಗೂ ಬಲದಂಡೆ ಕಾಲುವೆಗಳನ್ನು ನುಂಗಿದ್ದಾರೆ ಎಂದು ಆರೋಪ ಮಾಡಿದ್ದಾರೆ. ಆವಾಗ ಯಾರು ಅಧಿಕಾರದಲ್ಲಿ ಇದ್ದರು ಎಂಬುದನ್ನು ಅರ್ಥಮಾಡಿಕೊಳ್ಳಬೇಕು. ಈ ಯಡಿಯೂರಪ್ಪ, ಶಾಸಕ ಕಾರಜೋಳ ಅವುಗಳನ್ನು ನುಂಗಿದ್ದಾರೆ. ಕಾರಜೋಳರು ಅನಂತಕುಮಾರ್‌ ಮೇಲಿನ ನಿಷ್ಠೆಯನ್ನು ಬದಲಿಸಿ ಈಗ ಯಡಿಯೂರಪ್ಪ ನಿಷ್ಠರ ಬಣ ಸೇರಿರುವುದರಿಂದ, ಯಡಿಯೂರಪ್ಪ ಕೆರಳಿ ಕಾರಜೋಳ ಅನ್ನುವುದರ ಬದಲಾಗಿ ನಮ್ಮ ಹೆಸರು ಹೇಳಿದ್ದಾರೆ’ ಎಂದು ಲೇವಡಿ ಮಾಡಿದರು.

* * 

ಗೋವಿಂದ ಕಾರಜೋಳ ಕ್ಷೇತ್ರಕ್ಕೆ ಏನೂ ಮಾಡಿಲ್ಲ. ಅಧಿಕಾರ ಮದದಿಂದ ತಿರುಗಾಡಿದ್ದೇ ಸಾಧನೆ. ವಿಜಯಪುರಕ್ಕೆ ನೀರು ನೀಡಿದರು, ಬಾಗಲಕೋಟೆಗೆ ನೀಡಿಲ್ಲ ಆರ್.ಬಿ. ತಿಮ್ಮಾಪುರ ಜಿಲ್ಲಾ ಉಸ್ತುವಾರಿ ಸಚಿವ

Comments
ಈ ವಿಭಾಗದಿಂದ ಇನ್ನಷ್ಟು

ಬಾಗಲಕೋಟೆ
ಅತ್ಯಾಚಾರಿಗಳಿಗೆ ಗಲ್ಲು ಶಿಕ್ಷೆ ವಿಧಿಸಿ

ದೇಶದಲ್ಲಿ ಬಾಲಕಿಯರು ಹಾಗೂ ಮಹಿಳೆಯರ ಮೇಲೆ ಅತ್ಯಾಚಾರ ನಡೆಸಿ, ಹತ್ಯೆ ಮಾಡುತ್ತಿರುವ ದುಷ್ಕರ್ಮಿಗಳಿಗೆ ಗಲ್ಲು ಶಿಕ್ಷೆ ವಿಧಿಸಬೇಕು ಎಂದು ಆಗ್ರಹಿಸಿ ಇಲ್ಲಿನ ಬಾಗಲಕೋಟೆ ಮುಸ್ಲಿಂ...

21 Apr, 2018

ಬಾಗಲಕೋಟೆ
ಅಬಕಾರಿ ನಿಯಮ ಉಲ್ಲಂಘನೆ; ಚುನಾವಣೆ ಮುಗಿಯುವವರೆಗೂ ಅಂಗಡಿಗಳು ಬಂದ್

‘ವಿಧಾನಸಭಾ ಚುನಾವಣೆ ನೀತಿ ಸಂಹಿತೆ ಹಿನ್ನೆಲೆಯಲ್ಲಿ ಅಬಕಾರಿ ಇಲಾಖೆ ನಿಯಮ ಉಲ್ಲಂಘಿಸಿದ ಆರೋಪದ ಮೇಲೆ ಜಿಲ್ಲೆಯ 17 ಮದ್ಯದ ಅಂಗಡಿಗಳ ಲೈಸೆನ್ಸ್‌ ಅಮಾನತು ಮಾಡಿ...

21 Apr, 2018

ಇಳಕಲ್
ಪಿಬಿಎಸ್‌ 5ನೇ ಸ್ವರ ಸ್ಮರಣೆ ಇಂದು

ಗಾಯಕ, ಮಾಧುರ್ಯ ಸಾರ್ವಭೌಮ ದಿ.ಡಾ.ಪಿ.ಬಿ.ಶ್ರೀನಿವಾಸ ಅವರ ‘5ನೇ ಸ್ವರ ಸ್ಮರಣೆ’ ಕಾರ್ಯಕ್ರಮ ಉದ್ಯಮಿ ರವೀಂದ್ರ ದೇವಗಿರಿಕರ್ ಹಾಗೂ ಸ್ನೇಹರಂಗ ಸಹಯೋಗದಲ್ಲಿ ಇಲ್ಲಿಯ ಅನುಭವ ಮಂಟಪದ...

21 Apr, 2018

ಇಳಕಲ್‍
ಅಪೂರ್ಣ ಕಾಮಗಾರಿ ಉದ್ಘಾಟನೆ: ಟೀಕೆ

ಹನಿ ನೀರಾವರಿ ಯೋಜನೆ ನಾನು ಶಾಸಕನಾಗಿದ್ದಾಗ ಬಿಜೆಪಿ ಸರ್ಕಾರ ಮಂಜೂರು ಮಾಡಿತ್ತು. ಆದರೆ ಅಪೂರ್ಣ ಕಾಮಗಾರಿಯನ್ನು ಮುಖ್ಯಮಂತ್ರಿ ಅವರನ್ನು ಕರೆಸಿ ಉದ್ಘಾಟಿಸುವ ಮೂಲಕ ಕಲ್ಲಿನಲ್ಲಿ...

21 Apr, 2018

ಹುನಗುಂದ
ಜನರ ಒತ್ತಾಯಕ್ಕೆ ಪಕ್ಷೇತರನಾಗಿ ಕಣಕ್ಕೆ: ಎಸ್‌.ಆರ್. ನವಲಿ ಹಿರೇಮಠ

‘ಚುನಾವಣೆಯ ಗೆಲುವನ್ನು ಪಕ್ಷ ಕೊಡುವುದಿಲ್ಲ; ಜನರ ಕೊಡುತ್ತಾರೆ. ಅವರ ಮನಸ್ಸನಲ್ಲಿ ನಾನು ಇದ್ದೇನೆ, ಜನರ ಅಭಿಪ್ರಾಯ, ಒತ್ತಾಯಕ್ಕಾಗಿ ಬಡವರ ಅಭಿವೃದ್ಧಿಗಾಗಿ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧೆ...

21 Apr, 2018