ಮ್ಯಾಕ್ಸ್‌ ಆಸ್ಪತ್ರೆ ಪ್ರಕರಣ: ಮಗು ಸಾವು

ಈ ಆಸ್ಪತ್ರೆಯಲ್ಲಿ ನವೆಂಬರ್‌ 30ರಂದು ವರ್ಷಾ ಎಂಬುವವರಿಗೆ ಅವಧಿಪೂರ್ವ ಅವಳಿ ಮಕ್ಕಳು ಜನಿಸಿದ್ದರು. ಎರಡೂ ಮೃತಪಟ್ಟಿವೆ ಎಂದು ಹೇಳಿದ್ದ ಆಸ್ಪತ್ರೆ ಸಿಬ್ಬಂದಿ, ಆ ದೇಹಗಳನ್ನು ಪಾಲಿಥೀನ್‌ ಚೀಲದಲ್ಲಿ ಹಾಕಿ ಕುಟುಂಬದವರಿಗೆ ಹಸ್ತಾಂತರಿಸಿದ್ದರು. ಅವರು ಶಿಶುಗಳ ಅಂತ್ಯಸಂಸ್ಕಾರಕ್ಕೆ ಅಣಿಯಾಗುತ್ತಿದ್ದಂತೆಯೇ,  ಒಂದು ಮಗು ಉಸಿರಾಡುತ್ತಿದ್ದುದು ಗಮನಕ್ಕೆ ಬಂದಿತ್ತು. ನಂತರ, ಮತ್ತೊಂದು ನರ್ಸಿಂಗ್‌ ಹೋಮ್‌ಗೆ ಮಗುವನ್ನು ದಾಖಲಿಸಿದ್ದ ಪೋಷಕರು, ಆಸ್ಪತ್ರೆಯ ನಿರ್ಲಕ್ಷ್ಯ ಖಂಡಿಸಿ ಸಂಬಂಧಿಕರ ಜೊತೆಗೂಡಿ ಪ್ರತಿಭಟನೆ ನಡೆಸಿದ್ದರು.

ಪ್ರಕರಣದ ತನಿಖೆಗಾಗಿ ದೆಹಲಿ ಸರ್ಕಾರ ರಚಿಸಿದ್ದ ಸಮಿತಿಯು, ನವಜಾತ ಶಿಶುಗಳ ಆರೈಕೆ ವಿಷಯದಲ್ಲಿ ಮ್ಯಾಕ್ಸ್‌ ಆಸ್ಪತ್ರೆ ನಿಗದಿತ ಮಾನದಂಡಗಳನ್ನು ಪಾಲಿಸುತ್ತಿಲ್ಲ ಎಂದು ಹೇಳಿದೆ.

ವೈದ್ಯಕೀಯ ನಿರ್ಲಕ್ಷ್ಯ ಸಾಬೀತಾದರೆ ಆಸ್ಪತ್ರೆಯ ಪರವಾನಗಿ ರದ್ದುಗೊಳಿಸುವುದಾಗಿ ಆರೋಗ್ಯ ಸಚಿವ ಸತ್ಯೇಂದ್ರ ಜೈನ್‌ ಈ ಮೊದಲು ಹೇಳಿದ್ದರು.