ಬೆಂಗಳೂರು

ಓಲಾ ಕ್ಯಾಬ್‌ನಲ್ಲಿ ಯುವತಿಗೆ ಕಿರುಕುಳ: ಚಾಲಕ ವಜಾ

ನಿರ್ಜನ ಪ್ರದೇಶದಲ್ಲಿ ಕ್ಯಾಬ್‌ ನಿಲ್ಲಿಸಿ 23 ವರ್ಷದ ಯುವತಿ ಮೇಲೆ ಲೈಂಗಿಕ ದೌರ್ಜನ್ಯಕ್ಕೆ ಯತ್ನಿಸಿದ ಆರೋಪದಡಿ ರಾಜಶೇಖರ್‌ ರೆಡ್ಡಿ ಎಂಬ ಚಾಲಕನನ್ನು ಓಲಾ ಸಂಸ್ಥೆ ಕೆಲಸದಿಂದ ವಜಾಗೊಳಿಸಿದೆ.

ಬೆಂಗಳೂರು: ನಿರ್ಜನ ಪ್ರದೇಶದಲ್ಲಿ ಕ್ಯಾಬ್‌ ನಿಲ್ಲಿಸಿ 23 ವರ್ಷದ ಯುವತಿ ಮೇಲೆ ಲೈಂಗಿಕ ದೌರ್ಜನ್ಯಕ್ಕೆ ಯತ್ನಿಸಿದ ಆರೋಪದಡಿ ರಾಜಶೇಖರ್‌ ರೆಡ್ಡಿ ಎಂಬ ಚಾಲಕನನ್ನು ಓಲಾ ಸಂಸ್ಥೆ ಕೆಲಸದಿಂದ ವಜಾಗೊಳಿಸಿದೆ.

ಭಾನುವಾರ ರಾತ್ರಿ ಈ ಕೃತ್ಯ ನಡೆದಿದೆ. ಫ್ಯಾಷನ್ ಡಿಸೈನರ್ ಆಗಿರುವ ಯುವತಿ, ರಾತ್ರಿ 11 ಗಂಟೆ ಸುಮಾರಿಗೆ ಇಂದಿರಾನಗರದಿಂದ ಕ್ಯಾಬ್‌ನಲ್ಲಿ ಬಿಟಿಎಂ ಲೇಔಟ್‌ಗೆ ಹೊರಟಿದ್ದರು.

‘ಈಜಿಪುರದ ನಿರ್ಜನ ಪ್ರದೇಶದಲ್ಲಿ ಕ್ಯಾಬ್ ನಿಲ್ಲಿಸಿದ ಚಾಲಕ, ಏಕಾಏಕಿ ನನ್ನ ಕಾಲುಗಳನ್ನು ಹಿಡಿದುಕೊಂಡ. ಆಗ ನಾನು ಆತನನ್ನು ತಳ್ಳಿ ಕೆಳಗಿಳಿಯಲು ಮುಂದಾದೆ. ಆದರೆ, ಅವನು ಚೈಲ್ಡ್ ಲಾಕ್ ಮಾಡಿದ್ದರಿಂದ ಬಾಗಿಲು ತೆಗೆಯಲು ಸಾಧ್ಯವಾಗಲಿಲ್ಲ’ ಎಂದು ಸಂತ್ರಸ್ತೆ ಹೇಳಿದ್ದಾರೆ.

‘ದಿಕ್ಕು ತೋಚದಂತಾಗಿ ಗಾಬರಿಯಿಂದ ಕಿರುಚಾಡಿದೆ. ಗಾಜನ್ನೂ ಒಡೆಯಲು ಯತ್ನಿಸಿದೆ. ಈ ಹಂತದಲ್ಲಿ ಆತ ಲಾಕ್ ತೆರೆದ. ಕೂಡಲೇ ಕೆಳಗಿಳಿದು ಈಜೀಪುರ ಮುಖ್ಯ ರಸ್ತೆಯತ್ತ ಓಡಿದೆ. ಆ ನಂತರ ಕೂಡ ಸುಮಾರು ನೂರು ಮೀಟರ್‌ನಷ್ಟು ದೂರ ನನ್ನನ್ನು ಹಿಂಬಾಲಿಸಿಕೊಂಡು ಬಂದ. ಅಲ್ಲಿ ಆಟೊ ಹಿಡಿದು ಮನೆ ಸೇರಿಕೊಂಡೆ.’

‘ಆ ನಂತರವೂ ನನಗೆ ಕರೆ ಮಾಡಿದ ಚಾಲಕ, ‘ನಡೆದ ಘಟನೆಯನ್ನು ಮರೆತುಬಿಡು. ದೂರು ಕೊಟ್ಟರೆ ನಿನ್ನನ್ನು ಸುಮ್ಮನೆ ಬಿಡುವುದಿಲ್ಲ’ ಎಂದು ಬೆದರಿಸಿದ. ಆ ರಾತ್ರಿಯೇ ಓಲಾ ಆಡಳಿತ ಮಂಡಳಿಗೆ ಆನ್‌ಲೈನ್ ಮೂಲಕ ದೂರು ಸಲ್ಲಿಸಿದೆ. ಮರುದಿನ ಬೆಳಿಗ್ಗೆ ಮಡಿವಾಳ ಠಾಣೆಗೆ ತೆರಳಿ ನಡೆದ ಘಟನೆಯನ್ನು ಪೊಲೀಸರಿಗೆ ತಿಳಿಸಿದೆ.’

‘ಓಲಾ ಆಡಳಿತ ಮಂಡಳಿಯೇ ಚಾಲಕನ ವಿರುದ್ಧ ಶಿಸ್ತು ಕ್ರಮ ಜರುಗಿಸುವುದಾಗಿ ಹೇಳಿದ್ದರಿಂದ, ಎಫ್‌ಐಆರ್ ದಾಖಲಿಸುವುದು ಬೇಡ
ವೆಂದು ಪೊಲೀಸರಲ್ಲಿ ಮನವಿ ಮಾಡಿದೆ’ ಎಂದು ಸಂತ್ರಸ್ತೆ ತಿಳಿಸಿದ್ದಾರೆ.

ಸುರಕ್ಷತೆಗೆ ಕ್ರಮ

‘ಪ್ರಯಾಣಿಕರ ಸುರಕ್ಷತೆಯೇ ನಮ್ಮ ಹೊಣೆ. ಯುವತಿ ದೂರು ಕೊಟ್ಟ ಕೂಡಲೇ ಚಾಲಕನನ್ನು ವಜಾಗೊಳಿಸಿದ್ದೇವೆ. ಇನ್ನು ಮುಂದೆ ಇಂಥ ಕೃತ್ಯಗಳು ಮರುಕಳಿಸದಂತೆ ಕ್ರಮ ತೆಗೆದುಕೊಳ್ಳುತ್ತೇವೆ’ ಎಂದು ಓಲಾ ಪ್ರಕಟಣೆಯಲ್ಲಿ ತಿಳಿಸಿದೆ.

Comments
ಈ ವಿಭಾಗದಿಂದ ಇನ್ನಷ್ಟು
ಬೆನ್ನ ಮೇಲೆ ನರೇಂದ್ರ ಮೋದಿ ಟ್ಯಾಟೂ

ಅಭಿಮಾನ
ಬೆನ್ನ ಮೇಲೆ ನರೇಂದ್ರ ಮೋದಿ ಟ್ಯಾಟೂ

25 Apr, 2018

ಬೆಂಗಳೂರು
ಚಾಕುವಿನಿಂದ ಇರಿದು ಸ್ನೇಹಿತನ ಕೊಲೆ

ಸಿಟಿ ಮಾರ್ಕೆಟ್‌ ಬಳಿ ನಜ್ಮಲ್‌ ಹುಸೇನ್ (20) ಎಂಬುವರನ್ನು ಚಾಕುವಿನಿಂದ ಇರಿದು ಸೋಮವಾರ ರಾತ್ರಿ ಕೊಲೆ ಮಾಡಲಾಗಿದೆ.

25 Apr, 2018

ಬೆಂಗಳೂರು
ಲೋಕ ಅದಾಲತ್‌ : 17,913 ಪ್ರಕರಣ ಇತ್ಯರ್ಥ

‘ರಾಜ್ಯದಾದ್ಯಂತ ಇದೇ 22ರಂದು ನಡೆದ ಮಾಸಿಕ ಲೋಕ ಅದಾಲತ್‌ನಲ್ಲಿ ಒಟ್ಟು 17,913 ಪ್ರಕರಣಗಳನ್ನು ಇತ್ಯರ್ಥಪಡಿಸಲಾಗಿದೆ’ ಎಂದು ರಾಜ್ಯ ಕಾನೂನು ಸೇವೆಗಳ ಪ್ರಾಧಿಕಾರ ತಿಳಿಸಿದೆ.

25 Apr, 2018

ಬೆಂಗಳೂರು
ತಂದೆಯಿಂದಲೇ ಲೈಂಗಿಕ ಕಿರುಕುಳ ; ಎಫ್‌ಐಆರ್‌ ದಾಖಲು

ಆರು ವರ್ಷದ ಬಾಲಕಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪದಡಿ, ಆಕೆಯ ತಂದೆ ವಿರುದ್ಧ ಕೆಂಗೇರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

25 Apr, 2018
ದೊಡ್ಡಗುಬ್ಬಿ ಕೆರೆಯಲ್ಲಿ ಮೀನುಗಳ ಸಾವು

ಬೆಂಗಳೂರು
ದೊಡ್ಡಗುಬ್ಬಿ ಕೆರೆಯಲ್ಲಿ ಮೀನುಗಳ ಸಾವು

25 Apr, 2018