ಕಾಡುಹಂದಿ ದಾಳಿ: ಟೊಮೆಟೊ ಬೆಳೆ ನಾಶ

‘ಈ ಭಾಗದಲ್ಲಿ ಕಾಡುಹಂದಿಗಳ ಹಾವಳಿ ಹೆಚ್ಚಾಗುತ್ತಿದೆ. ಜಮೀನುಗಳಿಗೆ ತೆರಳಲು ಭಯಪಡುವಂತಾಗಿದೆ. ಕಾಡು ಹಂದಿಗಳು ಹಿಂಡುಹಿಂಡಾಗಿ ಜಮೀನಿಗೆ ದಾಳಿ ನಡೆಸುತ್ತಿವೆ’ ಎಂದು ರೈತರು ಸಂಕಷ್ಟ ಹೇಳಿಕೊಂಡರು.

ಕಾಡೆಮ್ಮೆಗಳು ಪ್ರತ್ಯಕ್ಷ: ಶನಿವಾರ ಹಾಲಹಳ್ಳಿ ಗ್ರಾಮದ ಶಿವಪ್ಪ ಎಂಬು ವವರ ಜಮೀನಿನಲ್ಲಿ ಬೆಳಿಗಿನ ಜಾವ 2 ಕಾಡೆಮ್ಮೆಗಳು ಕಾಣಿಸಿಕೊಂಡಿರುವುದು ರೈತರ ಆತಂಕವನ್ನು ಹೆಚ್ಚಿಸಿದೆ.‘ನಮ್ಮನ್ನು ನೋಡಿದ ಕಾಡೆಮ್ಮೆಗಳು ಚಿಕ್ಕಾಟಿ ಗ್ರಾಮದ ಕಡೆಗೆ ತೆರಳಿದವು. ಅವು ಮತ್ತೆ ಬಂದರೂ ಬರಬಹುದು’ ಎಂದು ರೈತರೊಬ್ಬರು ತಿಳಿಸಿದರು.

ಜಮೀನುಗಳಿಗೆ ದಾಳಿ ನಡೆಸಿ ಫಸಲು ಹಾಳು ಮಾಡುತ್ತಿರುವ ಪ್ರಾಣಿಗಳ ಹಾವಳಿಯನ್ನು ತಪ್ಪಿಸಲು ಅರಣ್ಯ ಇಲಾಖೆ ಅಧಿಕಾರಿಗಳು ಕ್ರಮ ವಹಿಸಬೇಕು. ಬೆಳೆ ನಷ್ಟಕ್ಕೆ ಪರಿಹಾರ ಕೊಡಿಸಬೇಕು ಎಂದು ಒತ್ತಾಯಿಸಿದರು.