ನ್ಯೂಯಾರ್ಕ್: ಭಾರತದಲ್ಲಿ ಗರ್ಭಪಾತಕ್ಕೆ ಒಳಗಾಗುತ್ತಿರುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ ಎಂದು ಸಮೀಕ್ಷೆಯೊಂದು ತಿಳಿಸಿದೆ.
2015 ರಲ್ಲಿ ಭಾರತದಲ್ಲಿ ಅಂದಾಜು 156 ಲಕ್ಷ ಗರ್ಭಪಾತಗಳು ನಡೆದಿವೆ. ಇದಕ್ಕೆ ಮುಖ್ಯ ಕಾರಣ, ಹೆಚ್ಚಿನ ಗರ್ಭಿಣಿಯರು ವೈದ್ಯರ ಸಮಾಲೋಚನೆ ಇಲ್ಲದೆ ಮನೆಯಲ್ಲಿಯೇ ಮಾತ್ರೆಗಳನ್ನು ತೆಗೆದುಕೊಂಡಿರುವುದು ಎಂದು ನ್ಯೂಯಾರ್ಕ್ನ ಗುಟ್ಮಾಚರ್ ಅಂತರ ರಾಷ್ಟ್ರೀಯ ಸಂಶೋಧನಾ ಸಂಸ್ಥೆ ಹೇಳಿದೆ.
‘ಭಾರತದಲ್ಲಿ ಗರ್ಭಪಾತ ಮತ್ತು ಅನಪೇಕ್ಷಿತ ಗರ್ಭಧಾರಣೆ’ ಕುರಿತು ಸಂಸ್ಥೆ ಅಧ್ಯಯನ ನಡೆಸಿದೆ. ಇದರ ವರದಿಯನ್ನು ‘ದಿ ಲ್ಯಾನ್ಸೆಟ್ ಗ್ಲೋಬಲ್ ಹೆಲ್ತ್’ ನಲ್ಲಿ ಪ್ರಕಟಿಸಲಾಗಿದೆ.