ಮೈಸೂರು

ಹೈಕೋರ್ಟ್ ಆದೇಶ ರವಾನಿಸಿದ ಕೆಎಸ್‌ಒಯು

‘ಮೊದಲ ಹಂತದ ಜಯ ದೊರಕಿದ್ದು, ಮಾನ್ಯತೆ ಲಭಿಸುವ ವಿಶ್ವಾಸವಿದೆ. 2013–14 ಹಾಗೂ 2014–15ನೇ ಸಾಲಿಗೂ ಮಾನ್ಯತೆ ದೊರಕಿಸಲು ಕಾನೂನು ಹೋರಾಟ ನಡೆಸಲಾಗುವುದು’

ಮೈಸೂರು: ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯಕ್ಕೆ (ಕೆಎಸ್‌ಒಯು) 2017–18ನೇ ಶೈಕ್ಷಣಿಕ ಸಾಲಿಗೆ 2 ವಾರಗಳಲ್ಲಿ ಮಾನ್ಯತೆ ನೀಡುವಂತೆ ಹೈಕೋರ್ಟ್‌ ಆದೇಶಿಸಿರುವ ಪತ್ರವನ್ನು ವಿಶ್ವವಿದ್ಯಾಲಯ ಅನುದಾನ ಆಯೋಗಕ್ಕೆ (ಯುಜಿಸಿ) ರವಾನಿಸಲಾಗಿದೆ.

2017–18ನೇ ಸಾಲಿಗೆ ಮಾನ್ಯತೆ ದೊರಕಿಸಿಕೊಡುವಂತೆ ಹೈಕೋರ್ಟ್‌ಗೆ ಕೆಎಸ್‌ಒಯು ರಿಟ್‌ ಅರ್ಜಿ ಸಲ್ಲಿಸಿತ್ತು. ಡಿ.12ರಂದು ಅರ್ಜಿ ವಿಚಾರಣೆ ನಡೆಸಿದ್ದ ನ್ಯಾಯಾಲಯವು ತಾಂತ್ರಿಕೇತರ ಕೋರ್ಸ್‌ಗಳಿಗೆ ಮಾನ್ಯತೆ ನೀಡುವಂತೆ ಆದೇಶಿಸಿತ್ತು. ಈ ಆದೇಶಪತ್ರವನ್ನು ಮುಕ್ತ ವಿ.ವಿಯು ರವಾನಿಸಿದ್ದು, ಯುಜಿಸಿ ಪ್ರತಿಕ್ರಿಯೆಗಾಗಿ ಕಾಯುತ್ತಿದೆ.

‘ಮೊದಲ ಹಂತದ ಜಯ ದೊರಕಿದ್ದು, ಮಾನ್ಯತೆ ಲಭಿಸುವ ವಿಶ್ವಾಸವಿದೆ. 2013–14 ಹಾಗೂ 2014–15ನೇ ಸಾಲಿಗೂ ಮಾನ್ಯತೆ ದೊರಕಿಸಲು ಕಾನೂನು ಹೋರಾಟ ನಡೆಸಲಾಗುವುದು’ ಎಂದು ವಿ.ವಿ ಮೂಲಗಳು ‘ಪ್ರಜಾವಾಣಿ’ಗೆ ತಿಳಿಸಿವೆ.

2015–16 ಹಾಗೂ 2016–17ರಲ್ಲಿ ವಿದ್ಯಾರ್ಥಿಗಳ ನೋಂದಣಿಯೇ ಆಗಿಲ್ಲ. ಹೀಗಾಗಿ, ಈ ಶೈಕ್ಷಣಿಕ ಅವಧಿಗೆ ಮಾನ್ಯತೆಯೇ ಬೇಕಿಲ್ಲ. ಬಾಕಿ ಶೈಕ್ಷಣಿಕ ಅವಧಿಯಲ್ಲಿ ವಿದ್ಯಾರ್ಥಿಗಳು ವಿವಿಧ ಪರೀಕ್ಷೆ ಬರೆದಿದ್ದು, ಫಲಿತಾಂಶಗಳಿಗೆ ಮಾನ್ಯತೆ ಇಲ್ಲದಂತಾಗಿದೆ. ಈ ವಿದ್ಯಾರ್ಥಿಗಳಿಗೂ ನ್ಯಾಯ ದೊರಕಿಸಿಕೊಡುವಂತೆ ಮುತುವರ್ಜಿ ವಹಿಸಲಾಗುವುದು ಎಂದು ಮೂಲಗಳು ಹೇಳಿವೆ.

ತಾಂತ್ರಿಕ ಮಿತಿಗಳಿಲ್ಲ: ಮಾನ್ಯತೆ ಪಡೆಯುವುದಕ್ಕೆ ಪೂರಕವಾಗಿ ಯುಜಿಸಿಯ ಹೊಸ ನಿಯಮಗಳ ಪ್ರಕಾರ ಎಲ್ಲ ಮಾನದಂಡಗಳನ್ನು ಮುಕ್ತ ವಿ.ವಿ ಪೂರೈಸಿದೆ. ಪ್ರವೇಶಪತ್ರಿಕೆ ಶುಲ್ಕ, ನೋಂದಣಿ, ಪರೀಕ್ಷೆ, ಪ್ರಮಾಣಪತ್ರ ಸೇರಿದಂತೆ ವಿವಿಧ ಶುಲ್ಕ ಸ್ವೀಕಾರಕ್ಕೆ ಸಂಬಂಧಿಸಿದಂತೆ ಈವರೆಗೆ ನಿಯಮಾವಳಿಗಳು ಇರಲಿಲ್ಲ.

ವಿ.ವಿಯ 35 ವಿವಿಧ ಕೋರ್ಸ್‌ಗಳಿಗೆ ‘ಯೋಜನಾ ಪ್ರಸ್ತಾವ ವರದಿ’ಗಳಿಗೆ (ಪಿಪಿಆರ್‌) ಅನುಮೋದನೆ ಪಡೆಯಲಾಗಿದೆ. ಪದವಿ ಹಾಗೂ ಸ್ನಾತಕೋತ್ತರ ಕೋರ್ಸ್‌ಗಳಿಗೆ ಈ ವರದಿ ಸಿದ್ಧಪಡಿಸಿ ಯುಜಿಸಿಗೆ ಸಲ್ಲಿಸುವುದು ಕಡ್ಡಾಯವಾಗಿರುವ ಕಾರಣ ಈ ಕ್ರಮ ವಹಿಸಲಾಗಿದೆ. ಅಂತೆಯೇ, ಯುಜಿಸಿ ಹೊಸ ನಿಯಮಾವಳಿಗಳ ಪ್ರಕಾರ ಸಂದರ್ಶಕ ಪ್ರಾಧ್ಯಾಪಕರ ನೇಮಕ ಆಗಬೇಕಿದ್ದು, ಇದಕ್ಕಾಗಿಯೂ ತೀರ್ಮಾನಗಳನ್ನು ವಿ.ವಿ ಕೈಗೊಂಡಿದೆ. ಹೀಗಾಗಿ, ಮಾನ್ಯತೆ ಪಡೆಯುವ ವಿಚಾರವಾಗಿ ಯಾವುದೇ ತಾಂತ್ರಿಕ ಮಿತಿಗಳು ಈಗ ಇಲ್ಲವಾಗಿವೆ ಎಂದು ಮೂಲಗಳು ಹೇಳಿವೆ.

Comments
ಈ ವಿಭಾಗದಿಂದ ಇನ್ನಷ್ಟು
ವರುಣಾದಲ್ಲಿ ಸಿ.ಎಂ ಮಿಂಚಿನ ಸಂಚಾರ

ಮೈಸೂರು
ವರುಣಾದಲ್ಲಿ ಸಿ.ಎಂ ಮಿಂಚಿನ ಸಂಚಾರ

18 Apr, 2018

ಮೈಸೂರು
ಪುತ್ರ ಯತೀಂದ್ರ ಪರ ಸಿ.ಎಂ. ಮತಯಾಚನೆ

‘ನಾನು ವರುಣಾ ಕ್ಷೇತ್ರದ ಮಣ್ಣಿನ ಮಗ. ಇವನು ನನ್ನ ಮಗ. ನನ್ನನ್ನು ಎರಡು ಸಲ ಭಾರಿ ಅಂತರದಿಂದ ಗೆಲ್ಲಿಸಿರುವ ನೀವು, ಇವನನ್ನು ಅದಕ್ಕಿಂತಲೂ ದೊಡ್ಡ...

18 Apr, 2018

ಮೈಸೂರು
ಸಿ.ಎಂ ನಿವಾಸದ ಎದುರು ಬೀಡುಬಿಟ್ಟ ಬೆಂಬಲಿಗರು

ಕಾಂಗ್ರೆಸ್‌ನಿಂದ ಟಿಕೆಟ್ ಕೈತಪ್ಪಿರುವ ಸಿರಗುಪ್ಪ ಶಾಸಕ ಬಿ.ಎಂ.ನಾಗರಾಜು ಹಾಗೂ ಹಾನಗಲ್‌ ಶಾಸಕ ಮನೋಹರ ತಹಶೀಲ್ದಾರ್ ಅವರ ನೂರಾರು ಬೆಂಬಲಿಗರು ಮಂಗಳವಾರ ರಾತ್ರಿ ಮುಖ್ಯಮಂತ್ರಿ ಸಿದ್ದರಾಮಯ್ಯ...

18 Apr, 2018

ಮೈಸೂರು
ಸಿ.ಎಂ, ಎಚ್‌ಡಿಕೆ ಭರದ ಪ್ರಚಾರ

ವಿಧಾನಸಭಾ ಚುನಾವಣೆಯಲ್ಲಿ ಪ್ರತಿಷ್ಠೆಯ ಕಣವಾಗಿ ಮಾರ್ಪಟ್ಟಿರುವ ಚಾಮುಂಡೇಶ್ವರಿ ಕ್ಷೇತ್ರದಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ಜೆಡಿಎಸ್‌ ರಾಜ್ಯ ಘಟಕದ ಅಧ್ಯಕ್ಷ ಎಚ್‌.ಡಿ.ಕುಮಾರಸ್ವಾಮಿ ಸೋಮವಾರ ಭರ್ಜರಿ ಪ್ರಚಾರ...

17 Apr, 2018

ಮೈಸೂರು
ಪ್ರಸಾದ್‌ ಅಳಿಯ ಹರ್ಷವರ್ಧನ್‌ಗೆ ಟಿಕೆಟ್‌

ಮೈಸೂರು ಜಿಲ್ಲಾ ವ್ಯಾಪ್ತಿಯ ನಾಲ್ಕು ವಿಧಾನಸಭಾ ಕ್ಷೇತ್ರಗಳಿಗೆ ಬಿಜೆಪಿ ವರಿಷ್ಠರು ಅಭ್ಯರ್ಥಿಗಳ ಹೆಸರು ಪ್ರಕಟಿಸಿದ್ದು, ಇನ್ನುಳಿದ ಕ್ಷೇತ್ರಗಳ ಟಿಕೆಟ್‌ ಹಂಚಿಕೆ ಕಗ್ಗಂಟಾಗಿ ಪರಿಣಮಿಸಿದೆ.

17 Apr, 2018