ಹೊಳಲ್ಕೆರೆ

ಸರ್ಕಾರ ನಡೆಸಲು ಬಡವರ ಹಣವೇ ಬೇಕಿತ್ತಾ ?

‘ನಾನು ಶಾಸಕನಾಗಿದ್ದಾಗ ಬಡ ವ್ಯಾಪಾರಿಗಳಿಗೆ ಅನುಕೂಲ ಆಗಲಿ ಎಂದು ವಾಣಿಜ್ಯ ಮಳಿಗೆ ನಿರ್ಮಿಸಿದರೆ, ಸಚಿವ ಎಚ್.ಆಂಜನೇಯ ಅವುಗಳನ್ನು ಹರಾಜು ಹಾಕುವ ಮೂಲಕ ಬಡವರಿಗೆ ಅನ್ಯಾಯ ಮಾಡಿದರು’

ಹೊಳಲ್ಕೆರೆಯ ಮುಖ್ಯ ವೃತ್ತದಲ್ಲಿ ಶುಕ್ರವಾರ ನಡೆದ ಬಿಜೆಪಿ ಪರಿವರ್ತನಾ ಯಾತ್ರೆಯ ಪೂರ್ವಭಾವಿ ಸಭೆಯಲ್ಲಿ ಮಾಜಿ ಶಾಸಕ ಎಂ.ಚಂದ್ರಪ್ಪ ಮಾತನಾಡಿದರು.

ಹೊಳಲ್ಕೆರೆ: ‘ನಾನು ಶಾಸಕನಾಗಿದ್ದಾಗ ಬಡ ವ್ಯಾಪಾರಿಗಳಿಗೆ ಅನುಕೂಲ ಆಗಲಿ ಎಂದು ವಾಣಿಜ್ಯ ಮಳಿಗೆ ನಿರ್ಮಿಸಿದರೆ, ಸಚಿವ ಎಚ್.ಆಂಜನೇಯ ಅವುಗಳನ್ನು ಹರಾಜು ಹಾಕುವ ಮೂಲಕ ಬಡವರಿಗೆ ಅನ್ಯಾಯ ಮಾಡಿದರು’ ಎಂದು ಬಿಜೆಪಿ ಮುಖಂಡ ಎಂ.ಚಂದ್ರಪ್ಪ ದೂರಿದರು. ನಗರದ ಮುಖ್ಯವೃತ್ತದಲ್ಲಿ ಶುಕ್ರವಾರ ನಡೆದ ಬಿಜೆಪಿ ಪರಿವರ್ತನಾ ಯಾತ್ರೆಯ ಪೂರ್ವಭಾವಿ ಸಭೆಯಲ್ಲಿ ಅವರು ಮಾತನಾಡಿದರು.

‘ಬೀದಿಬದಿಯಲ್ಲಿ ಗೂಡಂಗಡಿ ಇಟ್ಟುಕೊಂಡು ವ್ಯಾಪಾರ ಮಾಡುತ್ತಿದ್ದ ಬಡವರ ಮನವೊಲಿಸಿ ಅದೇ ಸ್ಥಳದಲ್ಲಿ ಸುಸಜ್ಜಿತ ವಾಣಿಜ್ಯ ಮಳಿಗೆಗಳನ್ನು ನಿರ್ಮಿಸಿದೆ. ಮೂಲ ವ್ಯಾಪಾರಿಗಳಿಗೆ ಹೊಸ ಮಳಿಗೆಗಳನ್ನು ಕೊಡುವ ಭರವಸೆಯನ್ನೂ ಕೊಟ್ಟಿದ್ದೆ.

ಮಳಿಗೆ ನಿರ್ಮಾಣ ಕಾರ್ಯ ಮುಗಿಯುವ ವೇಳೆಗೆ ನನ್ನ ಅಧಿಕಾರ ಅವಧಿಯೂ ಮುಗಿಯಿತು. ನಂತರ ಗೆದ್ದು ಬಂದ ಎಚ್.ಆಂಜನೇಯ ಅವರು ಮಳಿಗೆಗಳನ್ನು ಬಡವರಿಗೆ ಕೊಡದೆ ಹರಾಜು ಹಾಕಿಸಿದರು. ಇದರಿಂದ ಕಂಗಾಲಾದ ವ್ಯಾಪಾರಿಗಳು ಮನೆಯಲ್ಲಿನ ಒಡವೆ, ಆಸ್ತಿ ಮಾರಾಟ ಮಾಡಿ ₹ 8–10ಲಕ್ಷ ಠೇವಣಿ ಕಟ್ಟಿ ಮಳಿಗೆ ಪಡೆಯುವಂತಾಯಿತು. ಸರ್ಕಾರಕ್ಕೆ ವಿವಿಧ ಮೂಲಗಳಿಂದ ತೆರಿಗೆ ರೂಪದಲ್ಲಿ ಹಣ ಬರುತ್ತದೆ. ಸರ್ಕಾರ ನಡೆಸಲು ಬಡವರ ಹಣವೇ ಬೇಕಿತ್ತಾ’ ಎಂದು ಪ್ರಶ್ನಿಸಿದರು.

‘ಭರಮಸಾಗರದಲ್ಲಿ ಶಾಸಕನಾಗಿದ್ದಾಗ ನೂರಾರು ಕಿ.ಮೀ.ರಸ್ತೆ ನಿರ್ಮಿಸಿದ್ದರಿಂದ ಜನರೇ ನನಗೆ ‘ರಸ್ತೆರಾಜ’ ಎಂದು ಬಿರುದು ಕೊಟ್ಟಿದ್ದರು. ಸ್ವಾತಂತ್ರ್ಯ ಬಂದು 70ವರ್ಷ ಆದರೂ ತಾಲ್ಲೂಕಿಗೆ ಒಂದು ಎಪಿಎಂಸಿ ಇರಲಿಲ್ಲ. ಇಲ್ಲಿನ ರೈತರು ಕೃಷಿ ಉತ್ಪನ್ನಗಳನ್ನು ಮಾರಾಟ ಮಾಡಲು ಚಿತ್ರದುರ್ಗ, ದಾವಣಗೆರೆಗೆ ಹೋಗಬೇಕಾಗಿತ್ತು. ಹೊಸದುರ್ಗದಲ್ಲಿದ್ದ ಎಪಿಎಂಸಿಯನ್ನು ಪ್ರತ್ಯೇಕಗೊಳಿಸಿ ತಾಲ್ಲೂಕಿಗೆ ಹೊಸ ಎಪಿಎಂಸಿ ಮಂಜೂರು ಮಾಡಿಸಿದೆ’ ಎಂದು ಚಂದ್ರಪ್ಪ ಹೇಳಿದರು.

‘10 ದಿನಗಳಿಂದ ಕ್ಷೇತ್ರದ ಪ್ರತಿ ಹಳ್ಳಿಗೂ ಭೇಟಿ ನೀಡಿದ್ದೇನೆ. ಎಲ್ಲಾ ಕಡೆ ಜನ ಬಿಜೆಪಿಗೆ ಹೆಚ್ಚು ಒಲವು ತೋರಿದ್ದಾರೆ. ಈ ಬಾರಿ ರಾಜ್ಯದಲ್ಲಿ ಬಿಜೆಪಿ ಅಧಿಕಾರಕ್ಕೆ ಬರಲಿದ್ದು, ಬಿ.ಎಸ್.ಯಡಿಯೂರಪ್ಪ ಮುಖ್ಯಮಂತ್ರಿ ಆಗುತ್ತಾರೆ.

ಆಗ ಕೇಂದ್ರ ಮತ್ತು ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ಇರುವುದರಿಂದ ರಾಜ್ಯ ಮತ್ತಷ್ಟು ಅಭಿವೃದ್ಧಿ ಆಗಲಿದೆ. ನೀವು ನನಗೆ ಆಶೀರ್ವಾದ ಮಾಡಿದರೆ ತಾಲ್ಲೂಕು ಕೂಡ ಮಾದರಿ ಆಗಲಿದೆ’ ಎಂದರು. ಜಿಲ್ಲಾ ಪಂಚಾಯ್ತಿ ಸದಸ್ಯರಾದ ಮಹೇಶ್ವರಪ್ಪ, ತಿಪ್ಪೇಸ್ವಾಮಿ, ಶರಣಪ್ಪ, ರಾಜಶೇಖರ್, ಪರಮೇಶ್ವರಪ್ಪ, ಡಿ.ಸಿ.ಮೋಹನ್, ಸಾಮಿಲ್ ಶಿವಣ್ಣ, ಪ್ರವೀಣ್ ಇದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು
ಅಮೃತ್ ಯೋಜನೆ: ವಿವಿಧೆಡೆ ಉದ್ಯಾನ ಭಾಗ್ಯ

ಚಿತ್ರದುರ್ಗ
ಅಮೃತ್ ಯೋಜನೆ: ವಿವಿಧೆಡೆ ಉದ್ಯಾನ ಭಾಗ್ಯ

23 Apr, 2018

ಚಿತ್ರದುರ್ಗ
ಹೊಳಲ್ಕೆರೆಯನ್ನು ಮಲೆನಾಡಾಗಿಸುವ ಕನಸು

‘ಹೊಳಲ್ಕೆರೆ ಕ್ಷೇತ್ರದ ಎಲ್ಲ ಕೆರೆಗಳಿಗೂ ನೀರು ತುಂಬಿಸುವ ಮೂಲಕ ಅರೆಮಲೆನಾಡಾಗಿರುವ ಹೊಳಲ್ಕೆರೆ ಕ್ಷೇತ್ರವನ್ನು ಮಲೆನಾಡು ಮಾಡುವ ಕನಸು ಹೊಂದಿದ್ದೇನೆ’ ಎಂದು ಸಮಾಜ ಕಲ್ಯಾಣ ಸಚಿವ...

23 Apr, 2018

ಸಿರಿಗೆರೆ
ರೈತರ ಸಮಸ್ಯೆಗೆ ಸ್ಪಂದಿಸಲು ಸಿದ್ಧ: ಚಂದ್ರಪ್ಪ

‘ನಾನು ಶಾಸಕನಾದ ಸಂದರ್ಭದಲ್ಲಿ ಕ್ಷೇತ್ರದ ಹಾಗೂ ರೈತರ ಸಂಕಷ್ಟಗಳಿಗೆ ಸ್ಪಂದಿಸಿದ್ದೇನೆ. ಈ ಬಾರಿಯ ಚುನಾವಣೆಯಲ್ಲಿ ಹೆಚ್ಚಿನ ಮತಗಳ ಅಂತರದಿಂದ ಗೆಲ್ಲಿಸಿ ಜನಪರ ಕೆಲಸಗಳನ್ನು ಮಾಡಲು...

23 Apr, 2018
ಮತದಾರರಿಂದಲೇ ಅಭ್ಯರ್ಥಿಗೆ ಹಣ ದಾನ

ಹೊಸದುರ್ಗ
ಮತದಾರರಿಂದಲೇ ಅಭ್ಯರ್ಥಿಗೆ ಹಣ ದಾನ

23 Apr, 2018

ಚಿತ್ರದುರ್ಗ
ಚೆಂದದ ಉದ್ಯಾನಕ್ಕೆ ‘ಟಾರ್ಗೆಟ್ ಟೆನ್ ಥೌಸೆಂಡ್ ತಂಡ’ ಪಣ

ಚಿತ್ರದುರ್ಗದ ಹೃದಯ ಭಾಗದಲ್ಲಿರುವ ಧೀರ ಹುತಾತ್ಮ ಸ್ವಾತಂತ್ರ್ಯ ಹೋರಾಟಗಾರ ಭಗತ್ ಸಿಂಗ್ ಹೆಸರಿನ ಉದ್ಯಾನ ಸ್ಚಚ್ಛಗೊಳಿಸಿ, ಗಿಡಗಳನ್ನು ನೆಟ್ಟು, ಸುಣ್ಣ ಬಣ್ಣ ಬಳಿದು ಉದ್ಯಾನಕ್ಕೆ...

23 Apr, 2018