ಕವಿತೆ

ತೃಪ್ತ

ಬೇಡಿಕೆಯ ಮಂಡನೆ ಸಾಕಪ್ಪ ಸಾಕು ಈ ಮುಖಕೆ ಈ ಸಲಕೆ ಇನ್ನೆಷ್ಟು ಬೇಕು

ಚಿತ್ರ: ಶಶಿಕಿರಣ ದೇಸಾಯಿ

ಆಗಲೂ ಅರ್ಜಿ ಗುಜರಾಯಿಸಿರಲಿಲ್ಲ
ತಾನಾಗೆ ಮಂಜೂರು ದರಖಾಸ್ತು ತುಂಡು ನೆಲ
ಇರಬಹುದು ಚೂರು ಕಹಿ, ಬಾಕಿ ಬೆಲ್ಲ
ಇನ್ನು ಬೇಕೆಂದರೆ ಅದು ತೀರಾ ಸಲ್ಲ

ಆಗ್ರಹಕು ದೈನ್ಯತೆಗು ಅರ್ಥವೇ ಇಲ್ಲ
ಕಾಣಿಸದ ಪ್ರಭುವಿಗೆ ಪುರುಸೊತ್ತೆ ಇಲ್ಲ
ಕೋಟಿ ಕಡತಗಳು ಕೊಳೆಯುತಿವೆಯಲ್ಲ
ಸುಮ್ಮನಿರು ಮಾರಾಯ ಲೋಭ ತರವಲ್ಲ

ಬೇಡಿಕೆಯ ಮಂಡನೆ ಸಾಕಪ್ಪ ಸಾಕು
ಈ ಮುಖಕೆ ಈ ಸಲಕೆ ಇನ್ನೆಷ್ಟು ಬೇಕು
ಯಾರು ಕೊಟ್ಟಿದ್ದರೋ ಗ್ಯಾರಂಟಿ ಕಾರ್ಡು
ಅಳಬೇಡ ಚಪ್ಪಲಿಗೆ ಕಾಲಿರದವನ ನೋಡು

ಧನ್ಯತೆಯ ಹೇಳುತ್ತ ತಲೆಬಾಗಿ ನಮಿಸುತ್ತ
ಪಡೆದುದೆಲ್ಲವ ಮರಳಿ ಕೊಡಲು ಅಣಿಯಾಗು
ನೀ ಬರುವ ಮುನ್ನವೇ ನಿನಗಾಗಿ ಕಾಯುತ್ತ
ನಿಂತ ಸಾಲುಮರಗಳಿಗೆ ನಿಜಕು ಋಣಿಯಾಗು

Comments
ಈ ವಿಭಾಗದಿಂದ ಇನ್ನಷ್ಟು
ಜಕ್ರಿ ಬ್ಯಾರಿಯ ದೇಹದಾನ ಪತ್ರ

ಕಥೆ
ಜಕ್ರಿ ಬ್ಯಾರಿಯ ದೇಹದಾನ ಪತ್ರ

14 Jan, 2018
ಹೊಗೆ

ಕವಿತೆ
ಹೊಗೆ

14 Jan, 2018
ವಿಜ್ಞಾನ ಪ್ರಪಂಚ ಎಷ್ಟು ಪರಿಚಿತ?

ವಿಜ್ಞಾನ ವಿಶೇಷ
ವಿಜ್ಞಾನ ಪ್ರಪಂಚ ಎಷ್ಟು ಪರಿಚಿತ?

14 Jan, 2018
ಸ್ನಿಗ್ಧ ಸೌಂದರ್ಯದ ‘ಸೋರ್‌ತಾಲ್‌’

ಚಾರಣಕಥನ
ಸ್ನಿಗ್ಧ ಸೌಂದರ್ಯದ ‘ಸೋರ್‌ತಾಲ್‌’

14 Jan, 2018

ಸಹೃದಯರ ಸ್ಪಂದನ
ಭೈರಪ್ಪನವರ ಬಾಲ್ಯ ಹುಡುಕುತ್ತಾ

‘ನೋಡ್ರಪ್ಪ... ಉತ್ಸವ ದೇವರು ಊರಾಡಿದಷ್ಟು ಮೂಲ ದೇವರ ಮಹಿಮೆ ಕಡಿಮೆ ಆಗ್ತದೆ’ ಎನ್ನುವ ದೇವರ ಗುಡಿ ಜಗಲಿಯ ಸನ್ಯಾಸಿ ಮಹದೇವಯ್ಯನವರ ಮಾತುಗಳಂತೆ ಕಾದಂಬರಿಕಾರ ಎಸ್.ಎಲ್....

14 Jan, 2018