ರಕ್ಷಣಾ ಒಪ್ಪಂದ ಉಲ್ಲಂಘಿಸಿದ ಅಮೆರಿಕ: ರಷ್ಯಾ ಆರೋಪ

ಜಪಾನ್‌ಗೆ ಕ್ಷಿಪಣಿ ಮಾರಾಟ: ಆಕ್ಷೇಪ

ಕ್ಷಿಪಣಿ ರಕ್ಷಣಾ ವ್ಯವಸ್ಥೆಯನ್ನು ಜಪಾನ್‌ಗೆ ಮಾರಾಟ ಮಾಡುವ ಮೂಲಕ ಅಮೆರಿಕ ಮಹತ್ವದ ಶಸ್ತ್ರಾಸ್ತ್ರ ಒಪ್ಪಂದ ಉಲ್ಲಂಘಿಸಿದೆ ಎಂದು ರಷ್ಯಾ ಉಪ ವಿದೇಶಾಂಗ ಸಚಿವ ಸರ್ಗೈ ರ‍್ಯಾಬ್ಕೊವ್‌ ಆರೋಪಿಸಿದ್ದಾರೆ.

ಜಪಾನ್‌ಗೆ ಕ್ಷಿಪಣಿ ಮಾರಾಟ: ಆಕ್ಷೇಪ

ಮಾಸ್ಕೊ: ಕ್ಷಿಪಣಿ ರಕ್ಷಣಾ ವ್ಯವಸ್ಥೆಯನ್ನು ಜಪಾನ್‌ಗೆ ಮಾರಾಟ ಮಾಡುವ ಮೂಲಕ ಅಮೆರಿಕ ಮಹತ್ವದ ಶಸ್ತ್ರಾಸ್ತ್ರ ಒಪ್ಪಂದ ಉಲ್ಲಂಘಿಸಿದೆ ಎಂದು ರಷ್ಯಾ ಉಪ ವಿದೇಶಾಂಗ ಸಚಿವ ಸರ್ಗೈ ರ‍್ಯಾಬ್ಕೊವ್‌ ಆರೋಪಿಸಿದ್ದಾರೆ.

‘ರಷ್ಯಾದ ಪಶ್ಚಿಮ ಗಡಿಯಲ್ಲಿರುವ ರುಮೇನಿಯಾ ಮತ್ತು ಪೋಲಂಡ್‌ ಸೇನಾ ನೆಲೆಗಳಲ್ಲಿ ಅಮೆರಿಕ ಕ್ಷಿಪಣಿ ರಕ್ಷಣಾ ವ್ಯವಸ್ಥೆಗಳನ್ನು ನಿಯೋಜಿಸುತ್ತಿದೆ. ಇದು ಒಪ್ಪಂದಕ್ಕೆ ವಿರುದ್ಧವಾಗಿದೆ. ಈ ಬೆಳವಣಿಗೆಯನ್ನು ರಷ್ಯಾ ಗಂಭೀರವಾಗಿ ಪರಿಗಣಿಸಲಿದೆ’ ಎಂದು ಸರ್ಗೈ ತಿಳಿಸಿದ್ದಾರೆ.

‘ಅಮೆರಿಕದ ಕ್ಷಿಪಣಿ ರಕ್ಷಣಾ ವ್ಯವಸ್ಥೆ ನಿಯೋಜನೆಯಿಂದಾಗಿ ಎರಡೂ ದೇಶಗಳ ಸಂಬಂಧದ ಮೇಲೆ ನಕಾರಾತ್ಮಕ ಪರಿಣಾಮ ಬೀರಲಿದೆ’ ಎಂದು ರಷ್ಯಾ ರಕ್ಷಣಾ ಸಚಿವಾಲಯದ ವಕ್ತಾರೆ ಮರಿಯಾ ಜಖರೋವಾ ಗುರುವಾರ ಹೇಳಿದ್ದರು.

‘ಈ ವಲಯದಲ್ಲಿ ಶಾಂತಿ ಮತ್ತು ಸ್ಥಿರತೆಯನ್ನು ಖಾತ್ರಿಗೊಳಿಸುವ ಪ್ರಯತ್ನಕ್ಕೆ ಇದು ವಿರುದ್ಧವಾದ ನಡೆ’ ಎಂದು ತಿಳಿಸಿದ್ದರು.

ಉತ್ತರಕೊರಿಯಾದ ಅಣ್ವಸ್ತ್ರ ಮತ್ತು ಕ್ಷಿಪಣಿ ದಾಳಿಗಳ ಬೆದರಿಕೆ ಎದುರಿಸಲು ಅಮೆರಿಕ ನಿರ್ಮಿತ ಕ್ಷಿಪಣಿ ರಕ್ಷಣಾ ವ್ಯವಸ್ಥೆ ಖರೀದಿಸಲು ಜಪಾನ್‌ ಸರ್ಕಾರ ಡಿಸೆಂಬರ್‌ 19ರಂದು ಒಪ್ಪಿಗೆ ನೀಡಿತ್ತು. ಕ್ಷಿಪಣಿ ವ್ಯವಸ್ಥೆ ಬಲಪಡಿಸಲು ರಕ್ಷಣಾ ಇಲಾಖೆಯ ಬಜೆಟ್‌ ಅನ್ನು ಹೆಚ್ಚಿಸಲು ಜಪಾನ್‌ ಉದ್ದೇಶಿಸಿದೆ. 900 ಕಿಲೋ ಮೀಟರ್‌ ಉದ್ದದ ಕ್ಷಿಪಣಿಗಳನ್ನು ಖರೀದಿಸಲು ಸಹ ಚಿಂತನೆ ನಡೆಸಿದೆ.

ಜಪಾನ್‌ನ ಈ ನಡೆ ಅಂತರರಾಷ್ಟ್ರೀಯ ವಿವಾದಗಳನ್ನು ಬಲಪ್ರಯೋಗದಿಂದ ಬಗೆಹರಿಸಲು ಸಾಧ್ಯವಿಲ್ಲ ಎಂಬ ತನ್ನ ಸಾಂವಿಧಾನಿಕ ನಿಲುವಿಗೆ ವಿರುದ್ಧವಾಗಿದೆ. ಹೀಗಾಗಿ, ಜಪಾನ್‌ನ ಈ ನಿಲುವು ವಿವಾದಕ್ಕೆ ಎಡೆಮಾಡಿಕೊಡಬಹುದು ಎನ್ನುವ ಅಭಿಪ್ರಾಯಗಳು ವ್ಯಕ್ತವಾಗಿದ್ದವು.

ಉತ್ತರಕೊರಿಯಾ, ಕಳೆದ ಸೆಪ್ಟೆಂಬರ್‌ನಲ್ಲಿ ಜಪಾನ್‌ನ ಹೊಕ್ಕೈದೊ ದ್ವೀಪದ ಪ್ರದೇಶದ ಮೇಲೆ ಕ್ಷಿಪಣಿ ಉಡಾವಣೆ ಮಾಡಿತ್ತು. ಇದನ್ನು ಪ್ರಧಾನಿ ಶಿಂಜೊ ಅಬೆ ತೀವ್ರವಾಗಿ ಖಂಡಿಸಿದ್ದರು. ‘ಯುದ್ಧಕ್ಕೆ ಪ್ರಚೋದನೆ ನೀಡುವ ಉತ್ತರಕೊರಿಯಾ ನಡೆಯನ್ನು ನಾವು ಸಹಿಸುವುದಿಲ್ಲ’ ಎಂದು ಎಚ್ಚರಿಕೆ ನೀಡಿದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು
ಐಷಾರಾಮಿ ಹೋಟೆಲ್‌ ಮೇಲೆ ಉಗ್ರರ ದಾಳಿ: ಆರು ಮಂದಿ ಹತ್ಯೆ

ನಾಲ್ವರು ಉಗ್ರರ ಹತ್ಯೆ ಮಾಡಿದ ವಿಶೇಷ ಕಾರ್ಯಪಡೆ
ಐಷಾರಾಮಿ ಹೋಟೆಲ್‌ ಮೇಲೆ ಉಗ್ರರ ದಾಳಿ: ಆರು ಮಂದಿ ಹತ್ಯೆ

22 Jan, 2018
ಆಡಳಿತ ಸ್ಥಗಿತ:  ಬಗೆಹರಿಯದ ಬಿಕ್ಕಟ್ಟು

ಆರೋಪ–ಪ್ರತ್ಯಾರೋಪದಲ್ಲಿ ತೊಡಗಿರುವ ಮುಖಂಡರು
ಆಡಳಿತ ಸ್ಥಗಿತ: ಬಗೆಹರಿಯದ ಬಿಕ್ಕಟ್ಟು

22 Jan, 2018

ಕುರ್ದಿಶ್‌ ಉಗ್ರರನ್ನು ಹೊರಹಾಕಲು ಕಾರ್ಯಾಚರಣೆ
ಸಿರಿಯಾ ಪ್ರವೇಶಿಸಿದ ಟರ್ಕಿ ಪಡೆಗಳು

‘ಸಿರಿಯಾದಲ್ಲಿ ವೈಪಿಜಿ ನಿಯಂತ್ರಣದಲ್ಲಿದ್ದ ಪ್ರದೇಶಕ್ಕೆ ಟರ್ಕಿ ಪಡೆಗಳು ಪ್ರವೇಶಿಸಿದ್ದು, ಶಸ್ತ್ರಾಸ್ತ್ರ ಸಂಗ್ರಹಾರದ ಮೇಲೆಯೂ ದಾಳಿ ನಡೆಸಲಾಗಿದೆ’ ಎಂದು ಟರ್ಕಿ ಪ್ರಧಾನಿ ಬಿನಾಲಿ ಯಿಲ್ದಿರಿಮ್‌ ತಿಳಿಸಿದ್ದಾರೆ. ...

22 Jan, 2018
ಸಿಖ್‌ ಸಮುದಾಯದ ವ್ಯಕ್ತಿಗೆ ಪೇಟ ಕಳಚುವಂತೆ ಒತ್ತಾಯ

ಜನಾಂ ಗೀಯ ನಿಂದನೆ
ಸಿಖ್‌ ಸಮುದಾಯದ ವ್ಯಕ್ತಿಗೆ ಪೇಟ ಕಳಚುವಂತೆ ಒತ್ತಾಯ

22 Jan, 2018

ಲಂಡನ್‌
ಹಿಜಾಬ್‌ ನಿಷೇಧ ಆದೇಶವನ್ನು ಹಿಂಪಡೆದ ಸೇಂಟ್‌ ಸ್ಟೀಫನ್‌ ಶಾಲೆ

ಇಂಗ್ಲೆಂಡಿನ ಸೇಂಟ್‌ ಸ್ಟೀಫನ್‌ ಶಾಲೆಯಲ್ಲಿ ಎಂಟು ವರ್ಷದ ಒಳಗಿನ ವಿದ್ಯಾರ್ಥಿನಿಯರು ಹಿಜಾಬ್‌ ಧರಿಸುವುದನ್ನು ನಿಷೇಧಿಸಿದಕ್ಕೆ ತೀವ್ರ ಟೀಕೆ ವ್ಯಕ್ತವಾದ ಕಾರಣ ಆದೇಶವನ್ನು ಹಿಂಪಡೆಯಲು ನಿರ್ಧರಿಸಿದೆ. ...

22 Jan, 2018