ಶಿರಸಿ

‘ಬಾಪೂಜಿ ನಗರದಲ್ಲಿ ಓಲ್ಡ್ ಮ್ಯಾನ್’ ಪ್ರತ್ಯಕ್ಷ !

ಕ್ಯಾಲೆಂಡರ್ ಹೊಸ ವರ್ಷದ ಸ್ವಾಗತಕ್ಕೆ ನಗರ ಅಣಿಗೊಳ್ಳುತ್ತಿದೆ. ಅಲ್ಲಲ್ಲಿ ಬಣ್ಣ ಬದಲಾಯಿಸುವ ಮಿಣುಕು ಬೆಳಕುಗಳು ಬೆಳಗುತ್ತಿವೆ, ಪೋಸ್ಟರ್‌ಗಳು ಮೇಲೆದ್ದಿವೆ, ಕೆಲವರು ‘ಓಲ್ಡ್ ಮ್ಯಾನ್’ ಸುಟ್ಟು ಹೊಸವರ್ಷದ ಶುಭಾಶಯ ಕೋರಲು ಸಿದ್ಧತೆ ನಡೆಸಿದ್ದಾರೆ.

ಶಿರಸಿ: ಕ್ಯಾಲೆಂಡರ್ ಹೊಸ ವರ್ಷದ ಸ್ವಾಗತಕ್ಕೆ ನಗರ ಅಣಿಗೊಳ್ಳುತ್ತಿದೆ. ಅಲ್ಲಲ್ಲಿ ಬಣ್ಣ ಬದಲಾಯಿಸುವ ಮಿಣುಕು ಬೆಳಕುಗಳು ಬೆಳಗುತ್ತಿವೆ, ಪೋಸ್ಟರ್‌ಗಳು ಮೇಲೆದ್ದಿವೆ, ಕೆಲವರು ‘ಓಲ್ಡ್ ಮ್ಯಾನ್’ ಸುಟ್ಟು ಹೊಸವರ್ಷದ ಶುಭಾಶಯ ಕೋರಲು ಸಿದ್ಧತೆ ನಡೆಸಿದ್ದಾರೆ.

ಇಲ್ಲಿನ ಬಾಪೂಜಿ ನಗರದ ಯುವಕರು ‘2017’ ಅನ್ನು ಕಳುಹಿಸಿ ‘2018’ ಅನ್ನು ಸ್ವಾಗತಿಸಲು ದೊಡ್ಡ ಓಲ್ಡ್ ಮ್ಯಾನ್ ಅನ್ನು ರಚಿಸುತ್ತಿದ್ದಾರೆ. ‘ಹೊಸ ವರ್ಷ ಬರಮಾಡಿಕೊಳ್ಳಲು ಮಕ್ಕಳು ನಡೆಸುತ್ತಿರುವ ತಯಾರಿಗೆ ಹಿರಿಯರು, ಹೆಂಗಸರು ಸಹಕಾರ ನೀಡಿದ್ದಾರೆ. ವಾಟ್ಸ್‌ ಆ್ಯಪ್‌ನಲ್ಲಿ ಹರಿದಾಡುತ್ತಿರುವ ಗುಜರಾತಿ ದೆವ್ವದ ಮಾದರಿಯ 25 ಅಡಿ ಎತ್ತರದ ಆಕೃತಿಯನ್ನು ಸಿದ್ಧಪಡಿಸಲಾಗುತ್ತಿದೆ.

ಸುರೇಶ ಜೋಗಳೇಕರ, ಸಂಕೇತ ಜೋಗಳೇಕರ, ಶಿರಾಲಿ ಕುಟುಂಬದ ಸಚಿನ್, ಸುಂದರ, ಸಹನಾ, ವಾಣಿ, ರಾಧಾ ಸಿರ್ಸಿಕರ್ ಈ ಕಾರ್ಯದಲ್ಲಿ ನಿರತರಾಗಿದ್ದಾರೆ’ ಎಂದು ಸ್ಥಳೀಯ ಜೆ.ಆರ್. ಸಂತೋಷಕುಮಾರ್ ತಿಳಿಸಿದರು. ‘ಬಾಪೂಜಿ ನಗರ ಯುವಕ ಮಂಡಳ 20 ವರ್ಷಗಳಿಂದ ಪ್ರತಿ ವರ್ಷ ಡಿ.31ರ ರಾತ್ರಿ ಓಲ್ಡ್ ಮ್ಯಾನ್ ಸುಟ್ಟು, ಸೇರಿದವರಿಗೆ ಸಿಹಿ ಹಂಚಿ ಹೊಸ ವರ್ಷ ಸ್ವಾಗತಿಸುವ ಆಚರಣೆ ರೂಢಿಸಿಕೊಂಡು ಬಂದಿದೆ.

ಇದನ್ನು ನೋಡಲು ಸುತ್ತಲಿನ ಬಡಾವಣೆಗಳ ನೂರಾರು ಜನರು ಸೇರುತ್ತಾರೆ. ಆರೇಳು ವರ್ಷದ ಹಿಂದೆ ಅಮೆರಿಕದಿಂದ ಬಂದಿದ್ದ ಪ್ರವಾಸಿಯೊಬ್ಬರು ನಮ್ಮ ಕಾರ್ಯಕ್ರಮ ಉದ್ಘಾಟಿಸಿ, ಸಂಭ್ರಮಾಚಣೆಯಲ್ಲಿ ಪಾಲ್ಗೊಂಡಿದ್ದರು’ ಎಂದು ಅವರು ಪ್ರತಿಕ್ರಿಯಿಸಿದರು.

Comments
ಈ ವಿಭಾಗದಿಂದ ಇನ್ನಷ್ಟು
ಅಂತೂ ಆರಂಭವಾಯ್ತು ಬಂದರಿನಲ್ಲಿ ಹೂಳೆತ್ತುವ ಕಾರ್ಯ!

ಕಾರವಾರ
ಅಂತೂ ಆರಂಭವಾಯ್ತು ಬಂದರಿನಲ್ಲಿ ಹೂಳೆತ್ತುವ ಕಾರ್ಯ!

16 Jan, 2018

ಕಾರವಾರ
ಪಕ್ಷಿ ವೀಕ್ಷಣೆ ಕಾರ್ಯಾಗಾರ; 31 ಪ್ರಬೇಧಗಳ ಗುರುತು

ತಾಲ್ಲೂಕಿನ ಮಲ್ಲಾಪುರದ ಆದರ್ಶ ವಿದ್ಯಾಲಯ ಪ್ರೌಢಶಾಲೆ ವಿದ್ಯಾರ್ಥಿಗಳಿಗಾಗಿ ಸುತ್ತಮುತ್ತಲಿನ ಜೀವಿ ಸಂಕುಲಗಳನ್ನು ಪರಿಚಯಿಸಲು ಇತ್ತೀಚಿಗೆ ನಡೆಸಿದ ಪಕ್ಷಿ ವೀಕ್ಷಣೆ ಕಾರ್ಯಾಗಾರದಲ್ಲಿ ಒಟ್ಟು 31 ಪ್ರಬೇಧಗಳನ್ನು ಗುರುತಿಸಲಾಗಿದೆ. ...

16 Jan, 2018

ಉತ್ತರ ಕನ್ನಡ
ತಾತ್ಕಾಲಿಕವಾಗಿ ಬಾಗಿಲುಮುಚ್ಚಿದ ಪ್ರಯೋಗಾಲಯ

‘ಬೇಸಿಗೆ ಕಾಲ ನಮ್ಮ ಕಣ್ಣೆದುರೇ ಇದೆ. ಬಾವಿ, ಕೆರೆಗಳಲ್ಲಿ ನೀರಿನ ಮಟ್ಟ ಕಡಿಮೆಯಾಗುತ್ತಿದೆ. ಇಂತಹ ಸಂದರ್ಭದಲ್ಲಿ ನೀರಿನ ಗುಣಮಟ್ಟ ತಿಳಿದುಕೊಳ್ಳುವುದು ಅತ್ಯಗತ್ಯ. ಆದ್ದರಿಂದ ಅಗತ್ಯ...

16 Jan, 2018

ದಾಂಡೇಲಿ
ಫೆ. 2 ರಿಂದ ಹಾರ್ನ್‌ಬೆಲ್‌ ಹಕ್ಕಿ ಹಬ್ಬ

ಎಲ್ಲ ವರ್ಗದ ಜನರಿಗೂ ಅದರಲ್ಲಿಯೂ ಯುವ ಪೀಳಿಗೆಗೆ ಹಾರ್ನಬಿಲ್ ಹಕ್ಕಿಯ ಮಹತ್ವ ಕುರಿತು ಅರಿವು ಮೂಡಿಸುವುದು ಹಬ್ಬದ ಉದ್ದೇಶ.

15 Jan, 2018
ಪ್ರಯಾಣಿಕರ ಸ್ವಾಗತಿಸಲಿದೆ ಪುಷ್ಪಲೋಕ!

ಕಾರವಾರ
ಪ್ರಯಾಣಿಕರ ಸ್ವಾಗತಿಸಲಿದೆ ಪುಷ್ಪಲೋಕ!

15 Jan, 2018