ಔರಾದ್

ಸೌರಶಕ್ತಿ ವಿದ್ಯುತ್ ಬಳಕೆಯತ್ತ ‘ಚಿಂತಾಕಿ’ ಚಿತ್ತ

ಸ್ವಚ್ಛ ಭಾರತ ಅಭಿಯಾನ ಜಾರಿ, ಸೌರಶಕ್ತಿ ವಿದ್ಯುತ್ ಬಳಕೆ ಮತ್ತು ಉತ್ತಮ ಆಡಳಿತ ನಿರ್ವಹಣೆಯ ಮೂಲಕ ಚಿಂತಾಕಿ ಗ್ರಾಮ ಪಂಚಾಯಿತಿಯು ತಾಲ್ಲೂಕಿನಲ್ಲಿ ಗಮನ ಸೆಳೆದಿದೆ.

ಔರಾದ್ ತಾಲ್ಲೂಕಿನ ಚಿಂತಾಕಿ ಗ್ರಾಮ ಪಂಚಾಯಿತಿಯಲ್ಲಿ ಅಳವಡಿಸಲಾದ ಸೋಲಾರ್ ಘಟಕ

ಔರಾದ್: ಸ್ವಚ್ಛ ಭಾರತ ಅಭಿಯಾನ ಜಾರಿ, ಸೌರಶಕ್ತಿ ವಿದ್ಯುತ್ ಬಳಕೆ ಮತ್ತು ಉತ್ತಮ ಆಡಳಿತ ನಿರ್ವಹಣೆಯ ಮೂಲಕ ಚಿಂತಾಕಿ ಗ್ರಾಮ ಪಂಚಾಯಿತಿಯು ತಾಲ್ಲೂಕಿನಲ್ಲಿ ಗಮನ ಸೆಳೆದಿದೆ. ಜನರಿಗೆ ಅತ್ಯುತ್ತಮ ಸೇವೆ ನೀಡಿದ್ದಕ್ಕಾಗಿ ಕಳೆದ ಸಾಲಿನಲ್ಲಿ ಗಾಂಧಿ ಗ್ರಾಮ ಪುರಸ್ಕಾರ ಪಡೆದಿರುವ ಈ ಪಂಚಾಯಿತಿ ಈ ವರ್ಷ ಬಯಲು ಶೌಚಾಲಯ ಮುಕ್ತ ಗ್ರಾಮಗಳಿಗಾಗಿ ವಿನೂತನ ಅಭಿಯಾನ ಆರಂಭಿಸಿದೆ.

ಈಚೆಗೆ ಬೆಲ್ದಾಳ ಗ್ರಾಮದಲ್ಲಿ ‘ಶೌಚಾಲಯ ಸಂಭ್ರಮ’ ಎಂಬ ಕಾರ್ಯಕ್ರಮ ಹಾಕಿಕೊಂಡು ಇಡೀ ಊರು ಬಯಲು ಶೌಚಾಲಯದಿಂದ ಮುಕ್ತಿ ಪಡೆದಿದೆ. ಎಲ್ಲ 150 ಮನೆಯ ಸದಸ್ಯರು ಶೌಚಾಲಯ ಬಳಕೆ ಮಾಡಿಕೊಳ್ಳುತ್ತಿರುವುದು ಅಧಿಕಾರಿಗಳಲ್ಲಿ ಖುಷಿ ತಂದಿದೆ.

ಗ್ರಾಮ ಪಂಚಾಯಿತಿ ಅಧ್ಯಕ್ಷ ವೀರಾರೆಡ್ಡಿ ಮತ್ತು ಮೂವರು ಸದಸ್ಯರು ‘ಚಿಂತಾಕಿ’ ಗ್ರಾಮವನ್ನು ದತ್ತು ಪಡೆದು ಅಲ್ಲಿ ಬಯಲು ಮಲವಿಸರ್ಜನೆ ತೊಡೆದು ಹಾಕಲು ಸಂಕಲ್ಪ ಮಾಡಿದ್ದಾರೆ. ನಿಮ್ಮ ಮನೆಯಲ್ಲಿ ಶೌಚಾಲಯ ಆಗುವ ತನಕ ಚಪ್ಪಲಿ ತೊಡುವುದಿಲ್ಲ ಶಪಥ ಮಾಡಿದ್ದಾರೆ. ಜನ ಅವರ ಮಾತಿಗೆ ಬೆಲೆ ಕೊಟ್ಟು ಶೌಚಾಲಯ ಕಟ್ಟಿಕೊಳ್ಳಲು ಮುಂದಾಗಿದ್ದಾರೆ. 600 ಕುಟುಂಬಗಳ ಪೈಕಿ 500 ಮನೆಯಲ್ಲಿ ಶೌಚಾಲಯ ನಿರ್ಮಾಣ ಆಗಿವೆ. ಇನ್ನು ಒಂದು ತಿಂಗಳಲ್ಲಿ ಉಳಿದ ಮನೆಗಳಲ್ಲೂ ಶೌಚಾಲಯ ನಿರ್ಮಾಣ ಕಾಮಗಾರಿ ಪ್ರಗತಿಯಲ್ಲಿದೆ.

ಸೋಲಾರ್ ದೀಪ ವ್ಯವಸ್ಥೆ: ನಿರಂತರ ವಿದ್ಯುತ್ ಸಿಗದೆ ಜನರ ಕೆಲಸ ಕಾರ್ಯಗಳಿಗೆ ಆಗುವ ಅಡಚಣೆ ತಪ್ಪಿಸುವ ಸಲುವಾಗಿ ಗ್ರಾಮ ಪಂಚಾಯಿತಿಯು ಕಚೇರಿಯ ಕೆಲಸ ಕಾರ್ಯಗಳಿಗೆ ಸೋಲಾರ್‌ ಬಳಕೆ ಮಾಡಿಕೊಳ್ಳುವ ಮೂಲಕ ತಾಲ್ಲೂಕಿನಲ್ಲೇ ಗಮನ ಸೆಳೆದಿದೆ.

ಗ್ರಾಮ ಪಂಚಾಯಿತಿಗೆ ಸೇರಿದ ಕಟ್ಟಡವೊಂದರ ಬಾಡಿಗೆ ಹಣ ಬಳಸಿಕೊಂಡು 150 ಲಕ್ಷ ವೆಚ್ಚದಲ್ಲಿ ಸೋಲಾರ್ ಘಟಕ ಅಳವಡಿಸಿಕೊಂಡು ವಿದ್ಯುತ್ ಪಡೆಯಲಾಗುತ್ತಿದೆ. 2 ಕಿಲೊ ವ್ಯಾಟ್ ವಿದ್ಯುತ್ ಉತ್ಪಾದಿಸಿ 3 ಕಂಪ್ಯೂಟರ್‌, 12 ದೀಪ, 6 ಫ್ಯಾನ್ ನಿರಂತರವಾಗಿ ಬಳಕೆಯಾಗುತ್ತಿವೆ. ‘ಈಗ ನಮಗೆ ಜೆಸ್ಕಾಂ ವಿದ್ಯುತ್ ಅವಶ್ಯಕತೆ ಬೇಕಾಗಿಲ್ಲ. ಹೀಗಾಗಿ ಮಾಸಿಕ ₹1,500 ರಿಂದ ₹ 2,000 ಪಂಚಾಯಿತಿಗೆ ಉಳಿತಾಯವಾಗುತ್ತಿದೆ’ ಎಂದು ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಶಿವಾನಂದ ಔರಾದೆ ಹೇಳುತ್ತಾರೆ.

‘ಚುನಾಯಿತ ಸದಸ್ಯರು ಮತ್ತು ಜನರ ಸಹಕಾರದಿಂದ ಹಿಂದುಳಿದ ಪ್ರದೇಶದಲ್ಲಿ ಉತ್ತಮ ಕೆಲಸ ಮಾಡುತ್ತಿದ್ದೇವೆ. ₹ 10 ಲಕ್ಷ ವೆಚ್ಚದಲ್ಲಿ ಪಂಚಾಯಿತಿ ಕಟ್ಟಡ ಕಟ್ಟಿಸಲಾಗಿದೆ. ₹ 5 ಲಕ್ಷ ಖರ್ಚು ಮಾಡಿ ಸುತ್ತಗೋಡೆ, ಉದ್ಯಾನ ಮತ್ತು ನೀರಿನ ವ್ಯವಸ್ಥೆ ಮಾಡಿಕೊಳ್ಳಲಾಗಿದೆ. ಸರ್ಕಾರ ನಮ್ಮ ಕೆಲಸ ಗುರುತಿಸಿ ಗಾಂಧಿ ಗ್ರಾಮ ಪುರಸ್ಕಾರ ನೀಡಿದೆ. ಮಾರ್ಚ್ ವೇಳೆಗೆ ನಮ್ಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಬರುವ ಎಲ್ಲ ಐದು ಗ್ರಾಮಗಳಲ್ಲಿ 1,700 ಶೌಚಾಲಯ ಕಟ್ಟುವ ಗುರಿ ಸಾಧಿಸುತ್ತೇವೆ’ ಎಂದು ಅವರು ಆತ್ಮವಿಶ್ವಾಸ ವ್ಯಕ್ತಪಡಿಸುತ್ತಾರೆ.

* * 

ಬಾಡಿಗೆ ಕಟ್ಟಡವೊಂದರಿಂದ ಬಂದ ಬಾಡಿಗೆ ಹಣದಿಂದ ಸೋಲಾರ್‌ ಘಟಕ ನಿರ್ಮಿಸಲಾಗಿದೆ. ಅಲ್ಲದೇ ಗ್ರಾಮದ 50 ಮಕ್ಕಳಿಗೆ ಸೋಲಾರ್ ವಿದ್ಯುತ್‌ ದೀಪ ವಿತರಿಸಲಾಗಿದೆ.
ಶಿವಾನಂದ ಔರಾದೆ, ಚಿಂತಾಕಿ ಪಿಡಿಒ

 

Comments
ಈ ವಿಭಾಗದಿಂದ ಇನ್ನಷ್ಟು
ಹಾಳುಬಿದ್ದ ಶಿಕ್ಷಕರ ವಸತಿ ಗೃಹ

ಕಮಲನಗರ
ಹಾಳುಬಿದ್ದ ಶಿಕ್ಷಕರ ವಸತಿ ಗೃಹ

17 Jan, 2018

ಔರಾದ್
16 ವಿದ್ಯಾರ್ಥಿಗಳು ಅಸ್ವಸ್ಥ

‘ಇಬ್ಬರು ಮಕ್ಕಳನ್ನು ಹೊರತುಪಡಿಸಿ ಎಲ್ಲ ಮಕ್ಕಳು ಚಿಕಿತ್ಸೆ ಸ್ಪಂದಿಸುತ್ತಿದ್ದಾರೆ. ಆ ಇಬ್ಬರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಬೀದರ್ ಆಸ್ಪತ್ರೆಗೆ ಕಳುಹಿಸಲಾಗುವುದು

17 Jan, 2018
ಆಟ, ಪಾಠದಲ್ಲಿ ಗುತ್ತಿ ಶಾಲೆ ಸಾಧನೆ

ಬಸವಕಲ್ಯಾಣ
ಆಟ, ಪಾಠದಲ್ಲಿ ಗುತ್ತಿ ಶಾಲೆ ಸಾಧನೆ

17 Jan, 2018
ಬಸ್‌ ಸೌಲಭ್ಯ ಇಲ್ಲದೆ ಪರದಾಟ

ಭಾಲ್ಕಿ
ಬಸ್‌ ಸೌಲಭ್ಯ ಇಲ್ಲದೆ ಪರದಾಟ

16 Jan, 2018

ಬೀದರ್
ಕಾಯಕ ಪ್ರೀತಿ ಜಾಗೃತಗೊಳಿಸಿದ ಸಿದ್ಧರಾಮೇಶ್ವರ

‘ಇಷ್ಟಲಿಂಗ ಕಟ್ಟಿಕೊಂಡರೆ ಸಮಾಜದಲ್ಲಿ ದೊಡ್ಡವರಾಗಲು ಸಾಧ್ಯವಿಲ್ಲ. ಶರಣರ ತತ್ವ ಹಾಗೂ ವಿಚಾರಗಳನ್ನು ಅನುಷ್ಠಾನ ಗೊಳಿಸಿದವರು ಮಾತ್ರ ಉನ್ನತ ಸ್ಥಾನದಲ್ಲಿ ಗುರುತಿಸಿಕೊಳ್ಳಲು ಸಾಧ್ಯವಿದೆ

16 Jan, 2018