ಐಎಸ್‌ಎಲ್‌ ಟೂರ್ನಿ

ಜಯದ ವಿಶ್ವಾಸದಲ್ಲಿ ಎಟಿಕೆ

ಐಎಸ್‌ಎಲ್ ಟೂರ್ನಿಯಲ್ಲಿ ಯಶಸ್ವಿ ತಂಡ ಎನಿಸಿಕೊಂಡಿದ್ದ ಎಟಿಕೆ ಈ ಋತುವಿನಲ್ಲಿ ಆರಂಭದ ನಾಲ್ಕು ಪಂದ್ಯಗಳನ್ನು ಸತತವಾಗಿ ಸೋತಿತ್ತು. ಬಳಿಕ ಮುಂಬೈ ಸಿಟಿ ಹಾಗೂ ಡೆಲ್ಲಿ ಡೈನಮೋಸ್ ತಂಡಗಳನ್ನು ಮಣಿಸಿದೆ.

ಅಟ್ಲೆಟಿಕೊ ಡಿ ಕೋಲ್ಕತ್ತ ತಂಡ ಜಯದ ವಿಶ್ವಾಸದಲ್ಲಿದೆ.

ಕೋಲ್ಕತ್ತ: ತವರಿನಲ್ಲಿ ಜಯದ ಓಟ ಮುಂದುವರಿಸುವ ವಿಶ್ವಾಸದಲ್ಲಿರುವ ಹಾಲಿ ಚಾಂಪಿಯನ್ ಅಟ್ಲೆಟಿಕೊ ಡಿ ಕೋಲ್ಕತ್ತ (ಎಟಿಕೆ) ತಂಡ ಬುಧವಾರದ ಇಂಡಿಯನ್ ಸೂಪರ್ ಲೀಗ್‌ (ಐಎಸ್‌ಎಲ್‌) ಪಂದ್ಯದಲ್ಲಿ ಎಫ್‌ಸಿ ಗೋವಾ ಎದುರು ಆಡಲಿದೆ.

ಐಎಸ್‌ಎಲ್ ಟೂರ್ನಿಯಲ್ಲಿ ಯಶಸ್ವಿ ತಂಡ ಎನಿಸಿಕೊಂಡಿದ್ದ ಎಟಿಕೆ ಈ ಋತುವಿನಲ್ಲಿ ಆರಂಭದ ನಾಲ್ಕು ಪಂದ್ಯಗಳನ್ನು ಸತತವಾಗಿ ಸೋತಿತ್ತು. ಬಳಿಕ ಮುಂಬೈ ಸಿಟಿ ಹಾಗೂ ಡೆಲ್ಲಿ ಡೈನಮೋಸ್ ತಂಡಗಳನ್ನು ಮಣಿಸಿದೆ.

ಎರಡು ಬಾರಿ ಚಾಂಪಿಯನ್ ಆಗಿರುವ ಎಟಿಕೆ ತಂಡ ಈ ಋತುವಿನಲ್ಲಿ ಆಡಿದ ಆರು ಪಂದ್ಯಗಳಲ್ಲಿ ಎರಡರಲ್ಲಿ ಗೆದ್ದು ಎಂಟು ಪಾಯಿಂಟ್ಸ್‌ಗಳಿಂದ ಪಟ್ಟಿಯಲ್ಲಿ ಏಳನೇ ಸ್ಥಾನದಲ್ಲಿದೆ.

ತವರಿನ ಸಾಲ್ಟ್‌ಲೇಕ್‌ ಕ್ರೀಡಾಂಗಣದಲ್ಲಿ ಎಟಿಕೆ ತಂಡ ಎಫ್‌ಸಿ ಗೋವಾ ತಂಡದ ಸವಾಲನ್ನು ಮೀರಲು ಸಜ್ಜು ಗೊಂಡಿದೆ. ಇಲ್ಲಿ ಹಿಂದೆ ಆಡಿದ ಒಂದು ಪಂದ್ಯವನ್ನು ಗೆದ್ದಿರುವ ರೂಬಿ ಕೆನೆ ಬಳಗ ಮತ್ತೊಮ್ಮೆ ಇಲ್ಲಿ ಮಿಂಚುವ ವಿಶ್ವಾಸ ಹೊಂದಿದೆ. ಎಫ್‌ಸಿ ಗೋವಾ ತಂಡ ಕೂಡ ಪ್ರಬಲವಾಗಿದೆ. ಆಡಿದ ಆರು ಪಂದ್ಯಗಳಲ್ಲಿ ನಾಲ್ಕರಲ್ಲಿ ಜಯ ದಾಖಲಿಸಿದೆ. 12 ಪಾಯಿಂಟ್ಸ್‌ ಗಳಿಂದ ಪಟ್ಟಿಯಲ್ಲಿ ಐದನೇ ಸ್ಥಾನ ದಲ್ಲಿದೆ.

ಹಿಂದಿನ ಪಂದ್ಯದಲ್ಲಿ ಗೋವಾ ತಂಡ ಎಫ್‌ಸಿ ಪುಣೆ ಸಿಟಿ ಎದುರು ಸೋತಿದೆ. ಡೆಲ್ಲಿ ಡೈನಮೋಸ್‌ ವಿರುದ್ಧದ ಪಂದ್ಯದಲ್ಲಿ ಗೋವಾ ತಂಡ 5–1 ಗೋಲುಗಳ ಅಂತರದಲ್ಲಿ ಗೆದ್ದಿತ್ತು. ಈ ತಂಡದ ರಕ್ಷಣಾ ಪಡೆ ಬಲಿಷ್ಠವಾಗಿದೆ.

ಆಕ್ರಮಣಕಾರಿಯಾಗಿ ಆಡುವ ಎಟಿಕೆ ತಂಡದ ಗೋಲುಗಳನ್ನು ತಡೆ ಯಲು ಗೋವಾ ಸಜ್ಜುಗೊಂಡಿದೆ.

‘ಎಟಿಕೆ ತಂಡವನ್ನು ತಡೆಯಲು ಯೋಜನೆ ರೂಪಿಸಿದ್ದೇವೆ. ಉತ್ತಮ ತಂಡದ ಎದುರು ಆಟದ ಗುಣಮಟ್ಟ ಹೆಚ್ಚಿದರೆ ಮಾತ್ರ ಗೆಲ್ಲಲು ಸಾಧ್ಯ. ತವರಿನಲ್ಲಿ ಆಡುತ್ತಿರುವ ತಂಡವನ್ನು ಕಟ್ಟಿಹಾಕಲು ನಮ್ಮ ಆಟದ ವೇಗವನ್ನು ಹೆಚ್ಚಿಸಿಕೊಳ್ಳಬೇಕು’ ಎಂದು ಗೋವಾ ತಂಡದ ಕೋಚ್‌ ಸರ್ಜಿಯೊ ಲೊಬೇರಾ ಹೇಳಿದ್ದಾರೆ.

‘ಹಿಂದಿನ ಸೋಲುಗಳಲ್ಲಿ ಕಲಿತ ಪಾಠ ನಮ್ಮ ನೆರವಿಗೆ ಬರಲಿದೆ. ಸೋಲುನ್ನು ಮರೆತು ಆಡಬೇಕು. ಸಿಕ್ಕ ಅವಕಾಶಗಳನ್ನು ಬಳಸಿಕೊಳ್ಳುವ ಜಾಣ್ಮೆ ತಂಡದ ಆಟಗಾರರಲ್ಲಿ ಇದೆ. ಆದ್ದರಿಂದ ಜಯದ ವಿಶ್ವಾಸ ಕೂಡ ಹೆಚ್ಚಿದೆ’ ಎಂದು ಲೊಬೇರಾ ಹೇಳಿದ್ದಾರೆ.

Comments
ಈ ವಿಭಾಗದಿಂದ ಇನ್ನಷ್ಟು
ಸೆಮಿಫೈನಲ್‌ಗೆ ನಡಾಲ್‌

ಮಾಂಟೆ ಕಾರ್ಲೊ ಟೆನಿಸ್‌ ಟೂರ್ನಿ
ಸೆಮಿಫೈನಲ್‌ಗೆ ನಡಾಲ್‌

21 Apr, 2018
ಸೂಪರ್ ಕಪ್ ಗೆದ್ದ ಬಿಎಫ್‌ಸಿ

ಬೆಂಗಾಲ್‌ ತಂಡವನ್ನು 4–1 ಗೋಲುಗಳಿಂದ ಮಣಿಸಿದ ಚೆಟ್ರಿ ಬಳಗ
ಸೂಪರ್ ಕಪ್ ಗೆದ್ದ ಬಿಎಫ್‌ಸಿ

21 Apr, 2018

ಬೆಂಗಳೂರು
ರಾಷ್ಟ್ರೀಯ ತರಬೇತಿ ಶಿಬಿರಕ್ಕೆ ರಾಜ್ಯದ ಎಂಟು ಮಂದಿ

ಕರ್ನಾಟಕದ ಎಂಟು ಮಂದಿ ಅಥ್ಲೀಟ್‌ಗಳು ಏಷ್ಯಾ ಕ್ರೀಡಾಕೂ ಟಕ್ಕಾಗಿ ನಡೆಯುವ ರಾಷ್ಟ್ರೀಯ ತರಬೇತಿ ಶಿಬಿರಕ್ಕೆ ಆಯ್ಕೆಯಾಗಿದ್ದಾರೆ.

21 Apr, 2018

ಕೊಡವ ಕುಟುಂಬಗಳ ಕುಲ್ಲೇಟಿರ ಹಾಕಿ ಉತ್ಸವ
ಹಾಕಿ ಉತ್ಸವ: ಅಮ್ಮಾಟಂಡ ತಂಡಕ್ಕೆ ಜಯ

ಕೊಡವ ಕುಟುಂಬಗಳ ಕುಲ್ಲೇಟಿರ ಹಾಕಿ ಉತ್ಸವದಲ್ಲಿ ಶುಕ್ರವಾರ ಮಂಡೆಯಂಡ ತಂಡದ ವಿರುದ್ಧ ಅಮ್ಮಾಟಂಡ ತಂಡ 4–0 ಅಂತರದಲ್ಲಿ ಜಯ ಗಳಿಸಿತು.

21 Apr, 2018
‘ಕಾಮನ್‌ವೆಲ್ತ್‌ನಿಂದ ಶೂಟಿಂಗ್‌ ತೆಗೆದು ಹಾಕಿದರೆ ಭಾರತದ ಶೂಟರ್‌ಗಳಿಗೆ ಹಿನ್ನಡೆ’

ಶೂಟರ್‌ ಅಭಿನವ್‌ ಬಿಂದ್ರಾ ಅಭಿಪ್ರಾಯ
‘ಕಾಮನ್‌ವೆಲ್ತ್‌ನಿಂದ ಶೂಟಿಂಗ್‌ ತೆಗೆದು ಹಾಕಿದರೆ ಭಾರತದ ಶೂಟರ್‌ಗಳಿಗೆ ಹಿನ್ನಡೆ’

21 Apr, 2018