ಸಾಮರ್ಥ್ಯ ಪರೀಕ್ಷಿಸಲು ಭಾರತಕ್ಕೆ ಸ್ವಾಗತ: ಪಾಕ್ ವಿದೇಶಾಂಗ ಸಚಿವ ಸವಾಲು

‘ಬಿಪಿನ್ ರಾವತ್ ಹೇಳಿಕೆ ಪರಮಾಣು ಸಮರಕ್ಕೆ ನೀಡಿದ ಕರೆ’ ಎಂದು ಪಾಕಿಸ್ತಾನದ ವಿದೇಶಾಂಗ ಸಚಿವ ಖ್ವಾಜಾ ಮೊಹಮ್ಮದ್ ಆಸಿಫ್ ಹೇಳಿದ್ದಾರೆ.

ಬಿಪಿನ್ ಹೇಳಿಕೆಗೆ ಟ್ವಿಟರ್‌ನಲ್ಲಿ ಪ್ರತಿಕ್ರಿಯೆ ನೀಡಿರುವ ಖ್ವಾಜಾ, ‘ಭಾರತೀಯ ಸೇನಾ ಮುಖ್ಯಸ್ಥರ ಬೇಜವಾಬ್ದಾರಿಯುತ ಮತ್ತು ಅವರ ಘನತೆಗೆ ತಕ್ಕುದಲ್ಲದ ಹೇಳಿಕೆ ಇದಾಗಿದೆ. ಇದರಿಂದ ಪರಮಾಣು ಸಮರಕ್ಕೆ ಕರೆ ನೀಡಿದಂತೆ. ಇದನ್ನೇ ಅವರು ಬಯಸುತ್ತಾರೆ ಎಂದಾದಲ್ಲಿ ನಮ್ಮನ್ನು ಪರೀಕ್ಷಿಸಲು ಅವರಿಗೆ ಸ್ವಾಗತವಿದೆ. ಅವರ ಅನುಮಾನವನ್ನು ಪರಿಹರಿಸಲಾಗುವುದು, ಇನ್‌ಶಾಲ್ಲಾಹ್’ ಎಂದು ಉಲ್ಲೇಖಿಸಿದ್ದಾರೆ.