ಅಧಿಕಾರಿಗಳು, ಮರಳು ಹರಾಜುದಾರರ ಸಭೆಯ ತಹಶೀಲ್ದಾರ್ ಸೂಚನೆ

ಷರತ್ತು ಉಲ್ಲಂಘಿಸದೆ ಮರಳು ಪೂರೈಸಿ

ತಾಲ್ಲೂಕಿನ ಹೂವಿನಹೊಳೆ ಗ್ರಾಮದಲ್ಲಿ 2, ಬಿದರಕೆರೆ 2, ಹೊಸಹಳ್ಳಿ 2 ಹಾಗೂ ಸಾಲುಹುಣಿಸೆ ಗ್ರಾಮದ ಸಮೀಪ 1 ಮರಳು ಬ್ಲಾಕ್ ಗಳನ್ನು ಇ–ಹರಾಜು ಹಾಕಲಾಗಿದೆ.

ಹಿರಿಯೂರು: ತಾಲ್ಲೂಕಿನಲ್ಲಿ ನಿರ್ಮಾಣ ಕಾಮಗಾರಿಗಳಿಗೆ ಮರಳಿನ ಬೇಡಿಕೆ ಹೆಚ್ಚಿದೆ. ಗ್ರಾಹಕರ ಅಗತ್ಯ ಪೂರೈಸಲು ಹಾಗೂ ಅಕ್ರಮ ಮರಳುದಂಧೆ ತಡೆಯಲು ವೇದಾವತಿ ನದೀ ಪಾತ್ರದಲ್ಲಿ ಇ–ಹರಾಜು ಮೂಲಕ ಗುತ್ತಿಗೆ ಪಡೆದಿರುವ ಹರಾಜುದಾರರು ಸರ್ಕಾರಿ ನಿಯಮಾನುಸಾರ ಮರಳು ಎತ್ತುವಳಿ ಮಾಡಬೇಕು ಎಂದು ತಹಶೀಲ್ದಾರ್ ಜೆ.ಸಿ. ವೆಂಕಟೇಶಯ್ಯ ತಾಕೀತು ಮಾಡಿದರು.

ನಗರದ ತಾಲ್ಲೂಕು ಕಚೇರಿ ಸಭಾಂಗಣದಲ್ಲಿ ಶುಕ್ರವಾರ ವೇದಾವತಿ ನದೀ ಪಾತ್ರದಲ್ಲಿನ ಮರಳು ಎತ್ತುವಳಿ ಮಾಡುವ ಕುರಿತು ನಡೆದ ಅಧಿಕಾರಿಗಳು ಹಾಗೂ ಹರಾಜುದಾರರ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ತಾಲ್ಲೂಕಿನ ಹೂವಿನಹೊಳೆ ಗ್ರಾಮದಲ್ಲಿ 2, ಬಿದರಕೆರೆ 2, ಹೊಸಹಳ್ಳಿ 2 ಹಾಗೂ ಸಾಲುಹುಣಿಸೆ ಗ್ರಾಮದ ಸಮೀಪ 1 ಮರಳು ಬ್ಲಾಕ್ ಗಳನ್ನು ಇ–ಹರಾಜು ಹಾಕಲಾಗಿದೆ. ತಾಲ್ಲೂಕಿನಲ್ಲಿ ಮರಳಿನ ಅಗತ್ಯ ಹೆಚ್ಚಿದ್ದು, ಸರ್ಕಾರಿ ನಿಯಮ ಹಾಗೂ ಜಿಲ್ಲಾ ಮರಳು ಉಸ್ತುವಾರಿ ಸಮಿತಿ ಆದೇಶ ಮತ್ತು ಷರತ್ತುಗಳನ್ನು ಯಾವುದೇ ರೀತಿಯಲ್ಲಿ ಉಲ್ಲಂಘಿಸದೆ ತುರ್ತಾಗಿ ಮರಳನ್ನು ಎತ್ತುವಳಿ ಮಾಡಬೇಕು. ನದೀ ದಂಡೆಯಿಂದ 200 ಮೀಟರ್ ಅಂತರದಲ್ಲಿರುವ ಮರಳು ಸ್ಟಾಕ್ ಯಾರ್ಡ್‌ನಲ್ಲಿ ಸಂಗ್ರಹಿಸಬೇಕು. ತಾಲ್ಲೂಕಿಗೆ ಪ್ರಥಮ ಆದ್ಯತೆ ನೀಡಿ ಮರಳು ವಿತರಣೆ ಮಾಡಬೇಕು ಎಂದು ಹರಾಜುದಾರರಿಗೆ ಸೂಚಿಸಿದರು.

ಮರಳು ಎತ್ತುವಳಿ ಮಾಡುವಾಗ ಸುತ್ತಮುತ್ತ ಗ್ರಾಮಗಳಲ್ಲಿನ ಕುಡಿಯುವ ನೀರಿಗೆ ತೊಂದರೆ ಆಗದಂತೆ ಎಚ್ಚರ ವಹಿಸಬೇಕು. ಮರಳು ಅವಶ್ಯಕತೆ ಇರುವ ಸಾರ್ವಜನಿಕರು ಮರಳು ಸ್ಟಾಕ್ ಯಾರ್ಡ್‌ನಲ್ಲಿ ಉತ್ತಮ ಗುಣಮಟ್ಟದ ಮರಳು ಪಡೆಯಬಹುದು ಎಂದು ವೆಂಕಟೇಶಯ್ಯ ತಿಳಿಸಿದರು.

ಸಭೆಯಲ್ಲಿ ವಿವಿಧ ಇಲಾಖೆಗಳ ಅಧಿಕಾರಿಗಳು ಹಾಜರಿದ್ದರು.

Comments
ಈ ವಿಭಾಗದಿಂದ ಇನ್ನಷ್ಟು
ಒಆರ್‌ಎಸ್, ಜಿಂಕ್ ಮಾತ್ರೆ ವಿತರಣೆಗೆ ಕ್ರಮ

ಚಿತ್ರದುರ್ಗ
ಒಆರ್‌ಎಸ್, ಜಿಂಕ್ ಮಾತ್ರೆ ವಿತರಣೆಗೆ ಕ್ರಮ

26 May, 2018

ಚಿತ್ರದುರ್ಗ
ನಿಫಾ ವೈರಸ್: ಮುಂಜಾಗ್ರತೆ ವಹಿಸಿ

ನಿಫಾ ವೈರಾಣು ಕೇರಳದಲ್ಲಿ ವ್ಯಾಪಕವಾಗಿ ಹರಡಿದ್ದು, 12 ಮಂದಿ ಈ ಕಾಯಿಲೆಯಿಂದ ಮೃತಪಟ್ಟಿರುವ ಕಾರಣ ಜಿಲ್ಲೆಯಲ್ಲಿ ರೋಗ ಹರಡದಂತೆ ಮುಂಜಾಗ್ರತಾ ಕ್ರಮ ವಹಿಸಬೇಕು ಎಂದು...

26 May, 2018
 ಜಾರಿಯಾಗುವುದೇ ಕೃಷಿ, ಕುಡಿವ ನೀರಿನ ಯೋಜನೆಗಳು

ಮೊಳಕಾಲ್ಮುರು
ಜಾರಿಯಾಗುವುದೇ ಕೃಷಿ, ಕುಡಿವ ನೀರಿನ ಯೋಜನೆಗಳು

25 May, 2018
 ಹೊಸದುರ್ಗ: ಕುರಿ ಖರೀದಿಯ ಭರಾಟೆ

ಹೊಸದುರ್ಗ
ಹೊಸದುರ್ಗ: ಕುರಿ ಖರೀದಿಯ ಭರಾಟೆ

25 May, 2018
ಆಡು ಮಲ್ಲೇಶ್ವರ ದರ್ಶನಕ್ಕೆ ಪ್ರತ್ಯೇಕ ಮಾರ್ಗ

ಚಿತ್ರದುರ್ಗ
ಆಡು ಮಲ್ಲೇಶ್ವರ ದರ್ಶನಕ್ಕೆ ಪ್ರತ್ಯೇಕ ಮಾರ್ಗ

25 May, 2018