ಬೆಂಗಳೂರು: ಚಿಕ್ಕಬಳ್ಳಾಪುರದ ಬಿಜಿಎಸ್ ವರ್ಲ್ಡ್‌ ಸ್ಕೂಲ್, ಯುನೆಸ್ಕೊದ ಕನೆಕ್ಟೆಡ್ ಲರ್ನಿಂಗ್ ಕಮ್ಯುನಿಟಿ 2020’ ಯೋಜನೆ ಜಾರಿಗೊಳಿಸಿದೆ.
ದೇಶದಲ್ಲಿ ಈ ಕಾರ್ಯಕ್ರಮವನ್ನು ಅನುಷ್ಠಾನಕ್ಕೆ ತಂದ ಮೊದಲ ಗ್ರಾಮೀಣ ಶಾಲೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಬೆಂಗಳೂರಿನ ಟೆಕ್ ಅವಂತ್-ಗಾರ್ಡೆ ಮತ್ತು ಮೈಕ್ರೊಸಾಫ್ಟ್ ಸಹಯೋಗದಲ್ಲಿ ಬಿಜಿಎಸ್ ವರ್ಲ್ಡ್‌ ಸ್ಕೂಲ್‍ನ ಶಿಕ್ಷಕರಿಗೆ ತರಬೇತಿ ನೀಡಲಾಗಿದೆ.
‘ಹೊಸ ಶಿಕ್ಷಣ ಪದ್ಧತಿಗೆ ಪೂರಕವಾದ ತಂತ್ರಜ್ಞಾನ, ಮೂಲಸೌಕರ್ಯಗಳು ಮತ್ತು ಕಲಿಕಾ ಸೌಲಭ್ಯಗಳನ್ನು ಒದಗಿಸುವ ಅಗತ್ಯ ಹೆಚ್ಚಿದೆ’ ಎಂದು ಟೆಕ್ ಅವಂತ್-ಗಾರ್ಡೆ ಸಿಇಒ ಅಲಿ ಸೇಠ್ ಹೇಳಿದ್ದಾರೆ.
