ಗಂಡ ಶಫೀನ್‌ ಜತೆ ಬದುಕಲು ಹಾದಿಯಾ ಸ್ವತಂತ್ರಳು: ಸುಪ್ರೀಂ

ನವದೆಹಲಿ: ಕೇರಳದ ಯುವತಿ ಹಾದಿಯಾ (24) ಮದುವೆಯನ್ನು ರದ್ದು ಮಾಡಿದ್ದ ಕೇರಳ ಹೈಕೋರ್ಟ್ನ ಆದೇಶವನ್ನು ಸುಪ್ರೀಂ ಕೋರ್ಟ್ ಗುರುವಾರ ವಜಾ ಮಾಡಿದೆ.

. ತಮ್ಮ ಗಂಡನ ಜತೆ ಬದುಕಲು ಹಾದಿಯಾಗೆ ಸಂಪೂರ್ಣ ಸ್ವಾತಂತ್ರ್ಯ ಇದೆ. ಅವರ ಮದುವೆ ವಿಚಾರದಲ್ಲಿ ಹೈಕೋರ್ಟ್ ಮಧ್ಯಪ್ರವೇಶಿಸಬಾರ ದಿತ್ತು ಎಂದು ಮುಖ್ಯ ನ್ಯಾಯಮೂರ್ತಿ ದೀಪಕ್ ಮಿಶ್ರಾ ನೇತೃತ್ವದ ಪೀಠ ಹೇಳಿದೆ.

. ಹಾದಿಯಾ ಅವರು ಇಸ್ಲಾಂ ಧರ್ಮಕ್ಕೆ ಮತಾಂತರಗೊಂಡ ಬಳಿಕ ಶಫೀನ್ ಜಹಾನ್ ಎಂಬ ಮುಸ್ಲಿಂ ಯುವಕನನ್ನು ಕಳೆದ ವರ್ಷ ಮದುವೆಯಾಗಿದ್ದರು.

. ‘ಬಲವಂತದಿಂದ ಮತಾಂತರ ಮಾಡಲಾಗಿದೆ’ ಎಂದು ಆರೋಪಿಸಿ ಹಾದಿಯಾ ತಂದೆ ಕೆ.ಎಂ. ಅಶೋಕನ್ ಹೈಕೋರ್ಟ್ಗೆ ದೂರು ನೀಡಿದ್ದರು. ಅದರ ವಿಚಾರಣೆ ನಡೆಸಿದ್ದ ಹೈಕೋರ್ಟ್, ಮದುವೆಯನ್ನು ರದ್ದು ಮಾಡಿತ್ತು. ಹೆತ್ತವರ ಮನೆಗೆ ಹಿಂದಿರುಗುವಂತೆ ಹಾದಿಯಾಗೆ ಆದೇಶಿಸಿತ್ತು.

. ಹೈಕೋರ್ಟ್ ಆದೇಶವನ್ನು ಪ್ರಶ್ನಿಸಿ ಶಫೀನ್ ಸುಪ್ರೀಂ ಕೋರ್ಟ್ಗೆ ಅರ್ಜಿ ಸಲ್ಲಿಸಿದ್ದರು. ಹಾದಿಯಾ ಅವರನ್ನು ಕರೆಸಿಕೊಂಡಿದ್ದ ಸುಪ್ರೀಂ ಕೋರ್ಟ್ ಅವರ ಹೇಳಿಕೆ ಪಡೆದುಕೊಂಡಿತ್ತು. ಸ್ವ ಇಚ್ಛೆಯಿಂದ ಶಫೀನ್ರನ್ನು ಮದುವೆ ಆಗಿರುವುದಾಗಿಯೂ, ಅವರ ಜತೆಯೇ ಬದುಕಲು ಬಯಸುವುದಾಗಿಯೂ ನ್ಯಾಯಪೀಠದ ಮುಂದೆ ಹಾದಿಯಾ ಹೇಳಿದ್ದರು.

. ಬಳಿಕ, ಹೆತ್ತವರ ಮನೆಯಿಂದ ಅವರನ್ನು ಬಿಡುಗಡೆ ಮಾಡಿ ತಮಿಳುನಾಡಿನ ಸೇಲಂನಲ್ಲಿರುವ ಕಾಲೇಜಿನಲ್ಲಿ ಹೋಮಿಯೋಪಥಿ ಶಿಕ್ಷಣ ಮುಂದುವರಿಸಲು ನ್ಯಾಯಾಲಯ ಸೂಚಿಸಿತ್ತು. ಗಂಡನ ಜತೆಗೆ ಇರುವುದಕ್ಕೆ ತಮಗೆ ಸಂಪೂರ್ಣ ಸ್ವಾತಂತ್ರ್ಯ ಬೇಕು ಎಂದು ಹಾದಿಯಾ ಆಗ ಕೋರಿದ್ದರು.

. ಒಮಾನ್ನಲ್ಲಿ ಕೆಲಸ ಮಾಡುತ್ತಿದ್ದ ಶಫೀನ್ ಇತ್ತೀಚೆಗೆ ಭಾರತಕ್ಕೆ ಮರಳಿದ್ದರು. ಸಂಘಟನೆಯೊಂದಕ್ಕೆ ಸೇರಿದ ವೈವಾಹಿಕ ವೆಬ್ಸೈಟ್ ಮೂಲಕ ಹಾದಿಯಾಗೆ ಶಫೀನ್ ಪರಿಚಯವಾಗಿದ್ದರು. ಈ ಸಂಘಟನೆಯ ಹಿನ್ನೆಲೆ ಬಗ್ಗೆ ಎನ್ಐಎ ತನಿಖೆ ನಡೆಸುತ್ತಿದೆ.

. ಹಾದಿಯಾ ಪ್ರೌಢ ವಯಸ್ಕರಾಗಿರುವುದರಿಂದ ಶಫೀನ್ ಜತೆಗಿನ ಅವರ ಮದುವೆಯನ್ನು ಯಾರೂ ಪ್ರಶ್ನಿಸುವಂತಿಲ್ಲ ಎಂದು ವಿಚಾರಣೆ ಸಂದರ್ಭದಲ್ಲಿ ಸುಪ್ರೀಂ ಕೋರ್ಟ್ ಹೇಳಿತ್ತು. ಶಫೀನ್ ಬಗೆಗಿನ ತನಿಖೆಯನ್ನು ಎನ್ಐಎಮುಂದುವರಿಸಬಹುದು, ಆದರೆ ಅವರ ಮದುವೆಯ ಸಿಂಧುತ್ವವನ್ನು ಪ್ರಶ್ನಿಸಲು ಅಧಿಕಾರ ಇಲ್ಲ ಎಂದು ಸುಪ್ರೀಂ ಕೋರ್ಟ್ ಹೇಳಿದೆ.

. ‘ಮದುವೆ ಬೋಗಸ್’

. ಶಫೀನ್ ಜತೆಗೆ ಹಾದಿಯಾ ಮದುವೆ ‘ಬೋಗಸ್’. ಶಫೀನ್ ವಿರುದ್ಧದ ತಮ್ಮ ಆರೋಪಗಳನ್ನು ಸುಪ್ರೀಂ ಕೋರ್ಟ್ ರದ್ದು ಮಾಡಿಲ್ಲ ಎಂದು ಹಾದಿಯಾ ತಂದೆ ಕೆ.ಎಂ. ಅಶೋಕನ್ ಹೇಳಿದ್ದಾರೆ.

. ‘ನಾನು ಹೇಬಿಯಸ್ ಕಾರ್ಪಸ್ ಅರ್ಜಿ ಸಲ್ಲಿಸಿದ್ದರಿಂದ ನಮ್ಮ ಮನೆಗೆ ಬಂದು ಇರುವಂತೆ ಹಾದಿಯಾಗೆ ಹೈಕೋರ್ಟ್ ಆದೇಶ ಕೊಟ್ಟಿತು. ಆದರೆ ಮದುವೆ ಆದ ಬಳಿಕವೇ ಆಕೆಯನ್ನು ಹೈಕೋರ್ಟ್ಗೆ ಹಾಜರುಪಡಿಸಲಾಯಿತು. ಹಾಗಾಗಿ ಈ ಮದುವೆ ಸುಳ್ಳು ಎಂಬುದರಲ್ಲಿ ನನಗೆ ಅನುಮಾನವೇ ಇಲ್ಲ’ ಎಂದು ಅಶೋಕನ್ ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗಂಡ ಶಫೀನ್‌ ಜತೆ ಬದುಕಲು ಹಾದಿಯಾ ಸ್ವತಂತ್ರಳು: ಸುಪ್ರೀಂ

ಚಿನಕುರುಳಿ: ಗುರುವಾರ, 16 ಅಕ್ಟೋಬರ್ 2025

ಸಚಿವ ಪ್ರಿಯಾಂಕ್ ಖರ್ಗೆಗೆ ಬೆದರಿಕೆ ಕರೆ: ಸೊಲ್ಲಾಪುರ ಮೂಲದ ವ್ಯಕ್ತಿ ಬಂಧನ

Ranji Trophy: ಶ್ರೇಯಸ್ ಆಲ್‌ರೌಂಡ್ ಆಟ

ಚುರುಮುರಿ: ಸರ್ಕಾರದ ಕೆಲಸ...

Women’s ODI WC: ಬಾಂಗ್ಲಾ ಎದುರು 10 ವಿಕೆಟ್ ಜಯ; ಸೆಮಿಫೈನಲ್‌ಗೆ ಆಸಿಸ್

ಪ್ರೊ ಕಬಡ್ಡಿ ಲೀಗ್: ಟೈಬ್ರೇಕರ್‌ನಲ್ಲಿ ಮತ್ತೆ ಬುಲ್ಸ್‌ಗೆ ನಿರಾಸೆ

ಡೆನ್ಮಾರ್ಕ್ ಓಪನ್ ಬ್ಯಾಡ್ಮಿಂಟನ್: ಕ್ವಾರ್ಟರ್‌ಫೈನಲ್‌ಗೆ ಲಕ್ಷ್ಯ

ರಾಜ್ಯ ಬ್ಯಾಡ್ಮಿಂಟನ್‌ ಚಾಂಪಿಯನ್‌ಷಿಪ್‌: ಗೌತಮ್‌ಗೆ ಆಘಾತ

ಒಳನೋಟ | ಭೂಮಾಫಿಯಾದ ಮಾಯಾಜಾಲ: ನಿಮ್ಮ ಮನೆಯನ್ನೂ ಕಸಿದಾರು ಹುಷಾರು

ಒಳನೋಟ | ಉದ್ಯೋಗಕ್ಕೆ ನಿತ್ಯ ವಲಸೆ

ಒಳನೋಟ | ಮದ್ಯ ತಯಾರಿಕಾ ಉದ್ಯಮ ‘ಬಂದಿ’

ಒಳನೋಟ | ಶುಲ್ಕ ಹೆಚ್ಚಳ: ಹಗಲು ದರೋಡೆ

ಚಿನಕುರುಳಿ: ಗುರುವಾರ, 16 ಅಕ್ಟೋಬರ್ 2025

ಸಚಿವ ಪ್ರಿಯಾಂಕ್ ಖರ್ಗೆಗೆ ಬೆದರಿಕೆ ಕರೆ: ಸೊಲ್ಲಾಪುರ ಮೂಲದ ವ್ಯಕ್ತಿ ಬಂಧನ

Ranji Trophy: ಶ್ರೇಯಸ್ ಆಲ್‌ರೌಂಡ್ ಆಟ

ಚುರುಮುರಿ: ಸರ್ಕಾರದ ಕೆಲಸ...