ಒತ್ತಡದಿಂದ ನಮ್ಮ ಗಮನವನ್ನು ಬೇರೆಡೆ ಸೆಳೆಯುವ ಸುಲಭೋಪಾಯವಾಗಿ ಮೊದಲು ಕಂಡುಬಂದಿದ್ದು ಫಿಜೆಟ್ ಸ್ಪಿನ್ನರ್‌. ಸುಮ್ಮನೇ ಅದನ್ನು ಆಡಿಸುತ್ತಾ ನಮ್ಮ ಗಮನವನ್ನು ಅದರೆಡೆಗೆ ಕೇಂದ್ರೀಕರಿಸುವ ಮೂಲಕ ಒತ್ತಡವನ್ನು ಕಳೆಯುವ ಈ ‘ಫಿಜೆಟಿಂಗ್‌’ಗಾಗಿ ಈಗ ಸಾಕಷ್ಟು ಹೊಸ ಹೊಸ ಉತ್ಪನ್ನಗಳು ಹೊರಬರುತ್ತಿವೆ. ಒತ್ತಡ ಅಥವಾ ಬೇಜಾರು ಕಳೆಯಲು ಆಟದ ಸಾಮಗ್ರಿಯಂತೆ ಇವನ್ನು ಕೊಂಡೊಯ್ಯಬಹುದು.
ಆದರೆ ಎಲ್ಲಿಗೇ ಹೋದರೂ ಜೊತೆಗೇ ಇವುಗಳನ್ನು ತೆಗೆದುಕೊಂಡು ಹೋಗುವುದೂ ಬೇಜಾರು. ಅದಕ್ಕೆ, ಸದಾ ನಮ್ಮ ಜೊತೆಗೇ ಇರುವ ವಸ್ತುಗಳನ್ನೇ ಫಿಜೆಟಿಂಗ್‌ಗೂ ಬಳಸಿದರೆ?
ಇದೇ ಹಿನ್ನೆಲೆಯಲ್ಲೇ ಪರಿಚಿತಗೊಂಡಿರುವುದು ಫಿಜೆಟ್ ಪೆನ್‌ಗಳು. ಇನ್ಯೋಪ್ ಬೀಕ್ ಕಂಪನಿ ಇದನ್ನು ಮೊದಲು ವಿನ್ಯಾಸಗೊಳಿಸಿದೆ. ಬರೆಯುವಾಗ ಪೆನ್ ಆಗಿಯೂ, ಬೋರ್‌ ಹೊಡೆದರೆ, ಅದನ್ನು ತಿರುಗಿಸುವ ವಸ್ತುವಾಗಿಯೂ ಬಳಸಿಕೊಳ್ಳಬಹುದು.
ಫಿಂಗರ್ ಫಿಜೆಟ್ ತಂತ್ರದ ಮೇಲೆ ಇದು ರೂಪಿತಗೊಂಡಿದೆ. ಪೆನ್‌ನ ತುದಿಯಲ್ಲಿರುವ ಒಂದು ಬಟನ್ ಒತ್ತಿದರೆ ಸಾಕು, ಅದರ ಪಕ್ಕದಲ್ಲೇ ನೀಡಲಾದ ಚಕ್ರ ತಿರುಗಲು ಆರಂಭಿಸುತ್ತದೆ. ಹಾಗೆ ಮಾಡುತ್ತಲೇ ಮನಸ್ಸೂ ರಿಲ್ಯಾಕ್ಸ್ ಆಗುತ್ತದೆ.
ಹಲವು ದೇಶಗಳಲ್ಲಿ ಕೆಲವು ಕಚೇರಿಗಳೇ ತಮ್ಮ ಕೆಲಸಗಾರರಿಗೆ ಈ ಪೆನ್‌ಗಳನ್ನು ನೀಡುತ್ತಿವೆಯಂತೆ.
