ಚಾಕುವಿನಿಂದ ತಾಯಿ, ತಂಗಿಯ ಹತ್ಯೆ: ಹೊಣೆ ಹೊತ್ತ ಐಎಸ್

ಆರೋಪಿಯು ಮಾನಸಿಕ ಅಸ್ವಸ್ಥನಾಗಿದ್ದು, ಈತನ ಹೆಸರು 2016ರಲ್ಲಿ ಉಗ್ರರ ನಿಗಾಪಟ್ಟಿಯಲ್ಲಿ ಇತ್ತು ಎಂದು ಅಂತರಿಕ ಇಲಾಖೆ ಸಚಿವ ಗೆರಾರ್ಡ್ ಕೊಲ್ಲಂಬ್ ಹೇಳಿದ್ದಾರೆ.

ಘಟನೆಯ ಹೊಣೆಯನ್ನು ಐಎಸ್ ಉಗ್ರಗಾಮಿ ಸಂಘಟನೆ ಹೊತ್ತುಕೊಂಡಿದೆ. ಆದರೆ ಹತ್ಯೆಗೆ ಕಾರಣ ಏನೆಂದು ಸದ್ಯಕ್ಕೆ ತಿಳಿದುಬಂದಿಲ್ಲ. ಭಯೋತ್ಪಾದನಾ ನಿಗ್ರಹ ತಜ್ಞರ ಬದಲು, ಪೊಲೀಸರು ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ. ಆರೋಪಿಯ ಫೋನ್ ಹಾಗೂ ಕಂಪ್ಯೂಟರ್‌ಗಳನ್ನು ತಪಾಸಣೆಗೆ ಒಳಪಡಿಸಲಾಗಿದೆ. ಈತ ಮದ್ಯ ಹಾಗೂ ಮಾದಕವಸ್ತುಗಳ ವ್ಯಸನಕ್ಕೆ ಒಳಗಾಗಿದ್ದ ಎಂದು ಬಿಎಫ್ಎಂ ಸುದ್ದಿವಾಹಿನಿ ವರದಿ ಮಾಡಿದೆ.

ಸ್ಥಳೀಯರ ಮಾಹಿತಿ ಮೇರೆಗೆ ಸ್ಥಳಕ್ಕೆ ಬಂದ ಪೊಲೀಸರು, ಆರೋಪಿಯ ಮೇಲೆ ಗುಂಡು ಹಾರಿಸಿದರು. ಪೊಲೀಸರ ಕಡೆಗೆ ಚಾಕು ಹಿಡಿದು ಬಂದಿದ್ದರಿಂದ ಆತನ ಮೇಲೆ ದಾಳಿ ನಡೆಸಬೇಕಾಯಿತು ಎಂದು ಕೊಲ್ಲಂಬ್ ಹೇಳಿದ್ದಾರೆ.

ಮುಸ್ಲಿಂ ಬಾಹುಳ್ಯದ ಈ ಪಟ್ಟಣವು, ಇಸ್ಲಾಂನ ತೀವ್ರಗಾಮಿತನ, ಬಡತನ ಹಾಗೂ ಡ್ರಗ್ಸ್ ವ್ಯಸನದಂತಹ ಸಮಸ್ಯೆಗಳನ್ನು ಎದುರಿಸತ್ತಿದೆ. ಸಿರಿಯಾ ಹಾಗೂ ಇರಾಕ್‌ನಲ್ಲಿ ಐಎಸ್‌ ಪರವಾಗಿ ಹೋರಾಡಲು 50ಕ್ಕೂ ಹೆಚ್ಚು ಜನರು ಫ್ರಾನ್ಸ್ ತೊರೆದಿರುವ ಶಂಕೆಯಿದೆ ಎಂದು ಭದ್ರತಾ ಪಡೆಗಳು ತಿಳಿಸಿವೆ.