ಬೆಂಗಳೂರು: ನೆಕ್ಸ್‌ಟೀರ್‌ ಆಟೊಮೋಟಿವ್‌, ತನ್ನ ಜಾಗತಿಕ ಸಾಫ್ಟ್ವೇರ್ ತಂಡದ ವಿಸ್ತರಣೆ ಮತ್ತು ಸಾಫ್ಟ್ವೇರ್ ಕ್ಷೇತ್ರದಲ್ಲಿ ಹೂಡಿಕೆ ಹೆಚ್ಚಿಸುವ ಕಾರ್ಯತಂತ್ರದ ಅಂಗವಾಗಿ ಬೆಂಗಳೂರಿನಲ್ಲಿ ಸಾಫ್ಟ್ವೇರ್ ಕೇಂದ್ರ ಆರಂಭಿಸಿದೆ.
ಸಂಸ್ಥೆಯ ಜಾಗತಿಕ ಸಾಫ್ಟ್ವೇರ್ ತಂಡಗಳಿಗೆ ಈ ಹೊಸ ಕೇಂದ್ರವು ಪೂರಕವಾಗಿ ಕಾರ್ಯನಿರ್ವಹಿಸಲಿದೆ. ನೆಕ್ಸ್‌ಟೀರ್‌ ಆಟೊಮೊಟಿವ್‌ ಸದ್ಯಕ್ಕೆ ಪುಣೆ ಮತ್ತು ಗುರು ಗ್ರಾಮಗಳಲ್ಲಿ ಕೇಂದ್ರಗಳನ್ನು ಹೊಂದಿದೆ. ಚೆನ್ನೈನಲ್ಲಿ ಎಲೆಕ್ಟ್ರಾನಿಕ್‌ ಪವರ್‌ ಸ್ಟೀರಿಂಗ್‌ಗಳ ತಯಾರಿಕಾ ಘಟಕ ಸ್ಥಾಪಿಸಲೂ ಸಂಸ್ಥೆ ಉದ್ದೇಶಿಸಿದೆ.
‘ಬೆಂಗಳೂರಿನಲ್ಲಿ ಕಾರ್ಯಾರಂಭ ಮಾಡಿರುವ ಈ ಸಾಫ್ಟ್ವೇರ್ ಕೇಂದ್ರವು ಸಾಫ್ಟ್ವೇರ್ ಉತ್ಪನ್ನಗಳ ತಯಾರಿಕೆಗೆ ಗಮನ ನೀಡಲಿದೆ. ಈ ಉತ್ಪನ್ನಗಳು ಗುಣಮಟ್ಟ ಮತ್ತು ನಿಯಂತ್ರಣ ಕ್ರಮಗಳಿಗೆ ಪೂರಕವಾಗಿ ಇರುವುದನ್ನು ಖಾತರಿಪಡಿಸಲಿದೆ.
ಸಂಸ್ಥೆಯು 2019ರ ಹಣಕಾಸು ವರ್ಷದಲ್ಲಿ ಈ ಎಲ್ಲ ವಿಸ್ತರಣಾ ಚಟುವಟಿಕೆಗಳಿಗಾಗಿ ಒಟ್ಟು ರೂ 13 ಕೋಟಿಗಳಷ್ಟು ಬಂಡವಾಳ ತೊಡಗಿಸಲು ಉದ್ದೇಶಿಸಿದೆ’ ಎಂದು ಕಾರ್ಯನಿರ್ವಾಹಕ ನಿರ್ದೇಶಕ ಜೆಫ್‌ ಕ್ರೀಗರ್‌ ಹೇಳಿದ್ದಾರೆ.
