ಶಾಲಾ ಸ್ವಚ್ಛತೆ, ಕುಡಿಯುವ ನೀರಿಗೆ ನೀಡುವ ಮೊತ್ತವನ್ನು ಪ್ರಸಕ್ತ ಶೈಕ್ಷಣಿಕ ಸಾಲಿನಿಂದ ಮೂರುಪಟ್ಟು ಹೆಚ್ಚಿಸಲಾಗಿತ್ತು. 2022–23ನೇ ಸಾಲಿನವರೆಗೂ ಪ್ರತಿ ಶಾಲೆಗೆ ಕನಿಷ್ಠ ₹6,350ರಿಂದ ಗರಿಷ್ಠ ₹9 ಸಾವಿರ ನೀಡಲಾಗುತ್ತಿತ್ತು. ಇದರಲ್ಲೇ ಕುಡಿಯುವ ನೀರು ಹಾಗೂ ಶೌಚಾಲಯಗಳ ಸ್ವಚ್ಛತಾ ಕಾರ್ಯ ಮಾಡಬೇಕಿತ್ತು. ಪ್ರಸಕ್ತ ವರ್ಷದಲ್ಲಿ ಪ್ರತಿ ಶಾಲೆಗೆ ₹20 ಸಾವಿರದಿಂದ ₹45 ಸಾವಿರ ನಿಗದಿ ಮಾಡಲಾಗಿದೆ. 2023–24ನೇ ಸಾಲಿನ ಕೊನೆಯ ಕಂತಿನ ಬಾಬ್ತು ₹18.93 ಕೋಟಿಯನ್ನು ಈಗ ಬಿಡುಗಡೆ ಮಾಡಲಾಗಿದೆ.