ಮೋದಿ: ‘ವಿಳಂಬ’ ಜ್ಞಾನೋದಯ

ಗುಜರಾತಿನ ರಾಜ್‌ಕೋಟ್‌ನಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಬೆಂಬಲಿಗರು ಮೋದಿ ಅವ­ರದ್ದೇ ಹೆಸರಿನಲ್ಲಿ ದೇವಾಲಯವೊಂದನ್ನು ನಿರ್ಮಿಸಿ­ದ್ದರು.  ಮೋದಿಯವರು ಇದಕ್ಕೆ ತಮ್ಮ ಅಸ­ಮಾ­ಧಾನ ವ್ಯಕ್ತಪಡಿಸಿದ ಮೇಲೆ ಅಲ್ಲಿನ ಜಿಲ್ಲಾಡಳಿತ  ಈಗ ಮಂದಿರವನ್ನು ತೆರವುಗೊ­ಳಿ­ಸಿದೆ. ಮೋದಿಯವರು ಬಹುಕಾಲ ಮುಖ್ಯಮಂತ್ರಿ ಯಾಗಿದ್ದ ರಾಜ್ಯದಲ್ಲಿ ಅವರಿಗೆ ಒಂದು ದೇವಾ­ಲಯ ಕಟ್ಟಿಸುವ ವರದಿಗಳು ಗುಪ್ತಚರ ದಳದ ಮೂಲಕ ಅವರಿಗೆ ಮೊದಲೇ ಬಂದಿರುತ್ತವೆ.

ಆದರೆ ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಮೋದಿಯವರ ಪಕ್ಷ ಹೀನಾಯ ಸೋಲನ್ನು ಉಂಡಮೇಲೆ, ಅವರು ಈ ದೇವಾಲಯ ನಿರ್ಮಿ­ಸಿರುವುದರ ಬಗ್ಗೆ ಅಸಮಾಧಾನ ಹಾಗೂ ಆಘಾತ­ಗಳನ್ನು ವ್ಯಕ್ತಪಡಿಸಿದ್ದಾರೆ. ಭಾರತೀಯ ಸಂಸ್ಕೃತಿ­ಯಲ್ಲಿ ಇಂಥದಕ್ಕೆ ಅವಕಾಶ ಇಲ್ಲವೆಂದೂ ಹೇಳಿದ್ದಾರೆ. ಅವರಿಗೆ ಈ ಕುರಿತು ತಡವಾಗಿ­ಯಾದರೂ ಜ್ಞಾನೋದಯವಾಗಿರುವುದು ಸಮಾ­ಧಾನದ ವಿಷಯ. ಇಲ್ಲಿವರೆಗೆ ‘ಕಣ್ಣು’, ‘ಕಿವಿ’ ಗಳನ್ನು ಮುಚ್ಚಿಕೊಂಡಿದ್ದ ರಾಜ್‌ಕೋಟ್‌ ಜಿಲ್ಲಾಡಳಿತವು ಬಹುಶಃ  ಕೇಂದ್ರದ ಸೂಚನೆಯ ಹಿನ್ನೆಲೆಯಲ್ಲಿ ಈಗ ಏನೋ ಸಬೂಬು ಹೇಳಿ, ಮೋದಿಯವರ ದೇವಾಲಯವನ್ನು ತೆಗೆಸಿದೆ. ಪ್ರಧಾನಿಯಾದವರಿಗೆ ಇಂಥ ‘ವಿಳಂಬ ಜ್ಞಾನೋದಯ’ ತರವಲ್ಲ.