‘45 ನಿಮಿಷದ ಯೋಗಕ್ಕೆ ₹ 45 ಲಕ್ಷ!’ ಸುದ್ದಿ (ಪ್ರ.ವಾ., ಜುಲೈ 7) ಓದಿ ‘ಯಾರದೋ ದುಡ್ಡು ಯಲ್ಲಮ್ಮನ ಜಾತ್ರೆ’ ಎಂಬ ಗಾದೆ ನೆನಪಾಯಿತು.
ಸರ್ಕಾರದ ಅಭಿವೃದ್ಧಿ ಕಾಮಗಾರಿಗಳಲ್ಲಿ ಖಜಾನೆ ಲೂಟಿಯ ಉದ್ದೇಶ ಹೊಂದಿರುವಂಥವೇ ಹೆಚ್ಚು ಎಂಬುದು ಬಹುಜನರಿಗೆ ಗೊತ್ತು.
ಆದರೆ ಈಗ ಈ ಸಾಲಿಗೆ ಸರ್ಕಾರ ಆಯೋಜಿಸುವ ಸಾಂಸ್ಕೃತಿಕ ಕಾರ್ಯಕ್ರಮಗಳೂ ಸೇರಿ ಹೋಗುತ್ತಿರುವುದಕ್ಕೆ ಏನೆನ್ನಬೇಕು? ಅದೂ ಯೋಗ ಪ್ರಚುರಪಡಿಸುವಂಥ ಕಾರ್ಯಕ್ರಮಗಳು. ಜೂನ್ 21ರಂದು ಆಯೋಜಿಸಲಾಗಿದ್ದ ಆ ಕಾರ್ಯಕ್ರಮವನ್ನು ಟಿ.ವಿ.ಯಲ್ಲಿ ಜನ ನೋಡಿದ್ದಾರೆ.
ಲಕ್ಷಾಂತರ ರೂಪಾಯಿ ವೆಚ್ಚವಾಗುವಂತಹದ್ದು ಅಲ್ಲೇನಿತ್ತು? ಸರ್ಕಾರ ಇನ್ನು ಮುಂದಾದರೂ ದುಡ್ಡು ಕೊಟ್ಟು ಮಾಡಿಕೊಳ್ಳುವ ಇಂಥ ಸಹಯೋಗಗಳನ್ನು ನಿಲ್ಲಿಸಬೇಕು. ಸಾಮಾನ್ಯ ಜನರಿಗೆ ಚಿಕ್ಕಾಸಿನ ಪ್ರಯೋಜನವೂ ಇಲ್ಲದ, ಸರ್ಕಾರದ ಬೊಕ್ಕಸಕ್ಕೆ ಭಾರಿ ತೂತು ಕೊರೆಯುವ ಕಾರ್ಯಕ್ರಮಗಳಿಂದ ಯಾರಿಗೂ ಲಾಭವಿಲ್ಲ.