‘ಪಾಕಿಸ್ತಾನ ಮತ್ತು ಆಫ್ಘಾನಿಸ್ತಾನದಲ್ಲಿ ಶಾಂತಿಗೆ ಭಂಗವುಂಟಾಗುವ ಸಾಧ್ಯತೆ ಜಾಸ್ತಿ ಮತ್ತು ಆ ರಾಷ್ಟ್ರಗಳು ಭಯೋತ್ಪಾದಕರ ತವರು ಮನೆಗಳಾಗುತ್ತಿವೆ. ಇಂತಹ ಚಟುವಟಿಕೆಗಳಿಗೆ ಅಲ್ಲಿನ ಸರ್ಕಾರಗಳು ಆಸ್ಪದ ನೀಡಬಾರದು’ ಎಂದು ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮ ಈ ಹಿಂದೆ ಹೇಳಿದ್ದರು.
ಹಾಗೆಯೇ ಪಾಕಿಸ್ತಾನಕ್ಕೆ ಯುದ್ಧ ವಿಮಾನಗಳ ರಪ್ತು ಒಪ್ಪಂದ ನಿಷೇಧಿಸಬೇಕೆಂದು ಒಬಾಮ ಅವರ ಮೇಲೆ ಅಮೆರಿಕದ ಕೆಲ ಸಂಸದರು ಒತ್ತಡ ಹಾಕಿದ್ದರು. ಇದಕ್ಕೆ ಮಣಿದಿದ್ದ ಒಬಾಮ ಎಫ್- 16 ಯುದ್ಧ ವಿಮಾನಗಳ ರಫ್ತನ್ನು ನಿಷೇಧಿಸಿ, ವಿಶ್ವ ಶಾಂತಿ ಬಗ್ಗೆ ಮಾತನಾಡಿದ್ದರು. ಆದರೆ, ಈಗ ಒಬಾಮ ಆ ಹಳೆಯ ಒಪ್ಪಂದವನ್ನು ಮುರಿದು ಎಫ್- 16 ಯುದ್ಧ ವಿಮಾನಗಳನ್ನು ಪಾಕಿಸ್ತಾನಕ್ಕೆ ಪೂರೈಸಲು ಒಪ್ಪಿಕೊಂಡಿದ್ದಾರೆ. ಇದು ಭಾರತಕ್ಕೆ ಆತಂಕವನ್ನು ಹೆಚ್ಚಿಸಿದೆ. ಭಾರತವು ಜಗತ್ತಿನ ತುಂಬಾ ಶಾಂತಿ ಮಂತ್ರದ ಬೀಜವನ್ನು ಬಿತ್ತುವ ಬಗ್ಗೆ ಮಾತನಾಡುತ್ತಿದೆ. ಅಮೆರಿಕ ಯುದ್ಧವಿಮಾನಗಳಿಗೆ ಸಂಬಂಧಿಸದಂತೆ ಮತ್ತೆ ತನ್ನ ಹಳೇ ಚಾಳಿಯನ್ನೇ ಮುಂದುವರಿಸಿದೆ.