ಮುಷ್ಕರ ಮಾಡುವವರು ವೈದ್ಯರು, ಉಪನ್ಯಾಸಕರು, ಉದ್ಯಮಿಗಳು ಯಾರೇ ಆಗಿರಲಿ, ಅಭಿವ್ಯಕ್ತಿ ಸ್ವಾತಂತ್ರ್ಯ ಎಂಬ ಹೆಸರಿನಲ್ಲಿ ಮುಷ್ಕರನಿರತ ಕುಟುಂಬಗಳಿಗೆ ಮುಷ್ಕರ ನಿಲ್ಲುವವರೆಗೆ ಹಾಲಿನವರು, ತರಕಾರಿಯವರು, ದಿನಸಿ ಅಂಗಡಿಯವರು, ವೃತ್ತ ಪತ್ರಿಕೆಯವರು ತಮ್ಮ ಸರಕುಗಳನ್ನು ಕೊಡುವುದನ್ನು ನಿಲ್ಲಿಸಬೇಕು. ಮನುಷ್ಯತ್ವ ಇಲ್ಲದವರಿಗೆ ಹೀಗೂ ಪಾಠ ಕಲಿಸಬಹುದಲ್ಲವೇ? ವಿದೇಶಗಳಲ್ಲಿ ಮುಷ್ಕರ ಮಾಡುವವರು ‘ನಾವು ಮುಷ್ಕರ ಮಾಡುತ್ತಿದ್ದೇವೆ’ (We are on strike) ಎಂಬ ಚೀಟಿ ಅಂಟಿಸಿಕೊಂಡು ಮಾಮೂಲಿ ದಿನಕ್ಕಿಂತ ಎರಡು ಗಂಟೆಗಳ ಕಾಲ ಹೆಚ್ಚು ಕೆಲಸ ಮಾಡುತ್ತಾರೆ ಎಂಬುದು ಅನೇಕರಿಗೆ ತಿಳಿದ ವಿಷಯ.