‘ಅಂತರಜಾತಿ ವಿವಾಹವಾಗಿದ್ದ ಶಿಲ್ಪಾ ನಾಯಕ ಅವರ ಅಮಾನುಷ ಸಾವು ನಾಗರಿಕ ಸಮಾಜ ತಲೆತಗ್ಗಿಸುವಂತೆ ಮಾಡಿದೆ. ಇಂದಿನ ಅಧುನಿಕ ಜಗತ್ತಿನಲ್ಲಿ ತಂತ್ರಜ್ಞಾನವನ್ನು ಸಲೀಸಾಗಿ ಆಮಂತ್ರಿಸಿಕೊಂಡಿರುವ ನಾವು ಜಾತಿ ವ್ಯವಸ್ಥೆಯಲ್ಲಿ ಶತಮಾನಗಳಷ್ಟು ಹಿಂದೆ ಉಳಿದಿರುವುದು ನಿಜಕ್ಕೂ ಖೇದಕರ.
ಈ ಜಾತಿ ಪದ್ಧತಿಗೆ ಇನ್ನೆಷ್ಟು ಅಮಾಯಕ ಜೀವಗಳು ಬಲಿಯಾಗಬೇಕು? ಕುಟುಂಬದ ಗೌರವದ ಹೆಸರಿನಲ್ಲಿ ನಡೆಸುವ ಇಂತಹ ಹತ್ಯೆಗಳನ್ನು ಈ ಕೂಡಲೆ ತಡೆಗಟ್ಟಬೇಕು. ಇದಕ್ಕೆ ಪ್ರೋತ್ಸಾಹ ನೀಡುವ ವ್ಯಕ್ತಿಗಳಿಗೆ ಕಠಿಣ ಶಿಕ್ಷೆ ನೀಡಬೇಕು. ಸಮಾಜ ಈಗಲಾದರೂ ಎಚ್ಚೆತ್ತುಕೊಳ್ಳುವುದೆ?
