ಪಲೆಂಬಂಗ್‌:ಇಂಡೋನೇಷ್ಯಾದಲ್ಲಿ ನಡೆಯುತ್ತಿರುವ ಪ್ರತಿಷ್ಠಿತ 18ನೇ ಏಷ್ಯನ್ ಕ್ರೀಡಾಕೂಟದಲ್ಲಿ ಭಾರತದ ಶೂಟರ್ ರಾಹಿ ಸರ್ನೋಬತ್ ಬುಧವಾರ ಚಿನ್ನದ ಪದಕ ಗೆದಿದ್ದಾರೆ.
ಮಹಿಳಾ ವಿಭಾಗದ 25 ಮೀಟರ್ ಪಿಸ್ತೂಲ್‌ನಲ್ಲಿ ಸರ್ನೋಬತ್ ಚಿನ್ನ ಗೆದ್ದರು. ಈ ಮೂಲಕ ಭಾರತಕ್ಕೆ ಮತ್ತೊಂದು ಚಿನ್ನದ ಪದಕ ಸಿಕ್ಕಿದೆ.
593 ಅಂಕಗಳನ್ನು ಸಂಪಾದಿಸುವ ಮೂಲಕ ರಾಹಿ ಮೊದಲ ಸ್ಥಾನ ಪಡೆದರು.ಎಲ್ಲಾ ಹಂತದಲ್ಲೂ ಒತ್ತಡ ರಹಿತವಾಗಿ ಗುರಿ ಇಟ್ಟಿದ್ದ ರಾಹಿಸರ್ನೋಬತ್ ಅವರ ವಿಶೇಷವಾಗಿತ್ತು.
ಇಲ್ಲಿಯ ತನಕ ಭಾರತದ ಒಟ್ಟು ಪದಕಗಳ ಸಂಖ್ಯೆ 11ಕ್ಕೆ ಏರಿಕೆಯಾಗಿದೆ. ನಾಲ್ಕು ಚಿನ್ನ, ಮೂರು ಬೆಳ್ಳಿ ಮತ್ತು ನಾಲ್ಕು ಕಂಚಿನ ಪದಕಗಳು ಸೇರಿವೆ. ಪದಕ ಪಟ್ಟಿಯಲ್ಲಿ ಭಾರತ ಆರನೇ ಸ್ಥಾನದಲ್ಲಿದೆ.
