ಟ್ರುಬ್ಯಾಂ ಟ್ರುಬ್ಯಾಂ ಟ್ರುಬ್ಯಾಂ
ದರ್ವೇಶಿ ಊರಿನ
ಆಪೇಶಿ ರಾಜನ ಹತ್ರ
ಇತ್ತು ಒಂದು ಎಮ್ಮೆ ...!
ಒಂದು ಬಣಿವೆ ಹುಲ್ಲು
ತಿನ್ನುತ್ತಿತ್ತು ಒಮ್ಮೆ ...!
ಅದು ಕೊಡ್ತಿರಲಿಲ್ಲ ಹಾಲು
ಕೊಟ್ಟಿಗೆ ತುಂಬ ಸೆಗಣಿ ಸಾಲು...!
ಟ್ರುಬ್ಯಾಂ ಟ್ರುಬ್ಯಾಂ ಟ್ರುಬ್ಯಾಂ
ಖರ್ ಖರ್ ಖರ್ ಖರ್
ದರ್ವೇಶಿ ಊರಿನ
ಆಪೇಶಿ ರಾಜನ ಹತ್ರ
ಇತ್ತು ಒಂದು ಖುರ್ಚಿ...!
ಕಾಲು ಇಲ್ಲ... ಕೈಯೂ ಇಲ್ಲ..
ಬರೀ ಫಳಿ... ಫರ್ಶಿ...!
ಆದರೂ ರಾಜನ ಡೌಲು
ಕಿರಿಟಕ್ಕೊಂದು ನವಿಲು...!
ಖರ್ ಖರ್ ಖರ್ ಖರ್
ಬೌ ಬೌ ಬೌ ಬೌ
ದರ್ವೇಶಿ ಊರಿನ
ಆಪೇಶಿ ರಾಜನ ಹತ್ರ
ಇತ್ತು ಒಂದು ನಾಯಿ...!
ವಂಕ ಅದರ ಬಾಯಿ...!
ಕಳ್ಳರು ಬಂದ್ರೂ ಬೊಗಳೊದಿಲ್ಲ
ಕದ್ಕೊಂಡು ಹೋದ್ರೂ ಕಚ್ಚೋದಿಲ್ಲ...!
ರಾಜನ ಬೆನ್ನು ಬಿಡೋದಿಲ್ಲ...!
ಬೌ ಬೌ ಬೌ ಬೌ
ಖಡರ್ ಖಡರ್ ಖಡರ್ ಖಡರ್
ದರ್ವೇಶಿ ಊರಿನ
ಆಪೇಶಿ ರಾಜನ ಹತ್ರ
ಇತ್ತು ಒಂದು ಖಡ್ಗ ...!
ಅದ್ಕೂ ಹತ್ತಿತ್ತು ಜಂಗ...!
ಅಯ್ಯೋ ಎಂಥಾ ಮೊಂಡು ?
ಬಾಳೆಗೊನೆ ಕತ್ತರಿಸೋದಿಲ್ಲ...!
ಇಲಿಯೂ ಅದಕ್ಕೆ ಹೆದರೋದಿಲ್ಲ...!
ಖಡರ್ ಖಡರ್ ಖಡರ್ ಖಡರ್
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.