ಕಪ್ಪೆಯಮ್ಮನ ಸಂಸಾರ

ಮಕ್ಕಳ ಪದ್ಯ

Last Updated 27 ಜೂನ್ 2015, 19:30 IST

ಅಕ್ಷರ ಗಾತ್ರ

ವಟವಟಗುಟ್ಟೋ ಕಪ್ಪೆ ರಾಯಗೆ
ಟ್ರೊಂಯ್ ಟ್ರೊಂಯ್ ಅನ್ನೋ ಹೆಂಡತಿ
ಮೂರು ಮಕ್ಕಳು ಕಪ್ಪೆಯಮ್ಮನಿಗೆ
ಈಗ ಅವಳು ಬಾಣಂತಿ

‘ಟುಣುಕ್’ ಮೊದಲ ಮಗ, ‘ಪುಣುಕ್’ ಎರಡನೆಯವ
ಮೂರನೇಯನನೇ ‘ಗೊದಮೊಟ್ಟೆ’
ತಿಂಡಿಪೋತರು ಮೂರೂ ಮಕ್ಕಳು
ಹಸಿವೆಂದರೆ ಕಂಡಾಪಟ್ಟೆ!

ಮೊದಲನೆಯವನಿಗೆ ಹಾರುವ ಚಿಟ್ಟೆ
ಎರಡನೆಯಾತನಿಗೆ ಬಿಳಿ ಜಿರಳೆ
ಏನಾದರೂ ಸರಿ ಮೂರನೆಯಾತಗೆ
ಆದರೆ ಅವನೋ ಬಲು ತರಳೆ!

ಮೂರೂ ಹೊತ್ತು ಕಪ್ಪೆಯಮ್ಮನಿಗೆ
ಅಡುಗೆ ಮನೆಯಲ್ಲೇ ದುಡಿತ
ತುರಿಸಿಕೊಳ್ಳಲೂ ಪುರುಸೊತ್ತಿಲ್ಲ
ಮರೆತೇ ಹೋಗಿದೆ ಸಂಗೀತ!
ಎನ್.ಶ್ರೀನಿವಾಸ ಉಡುಪ

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.