ಅಷ್ಟೇ ನೋಡಿ... ಹಾರಿದೆ ಮೂಲೆಯಲ್ಲಿದ್ದ
ದೀಪದ ಮಲ್ಲಿಯ ದೀಪದೊಳಕ್ಕೆ
ಚಿಟ್ಟೆಯಾದ ಸುಖವಿತ್ತು ಅದಕ್ಕೆ
ಕಂದುಬಣ್ಣದ ಮೇಲೆ ಕಪ್ಪುಚುಕ್ಕೆ
‘ಬೇಸರವಾಯಿತೆ? ನಿಲ್ಲು ನಿಲ್ಲು
ನಿನ್ನನೇ ನೀನು ಸುಟ್ಟುಕೊಳ್ಳುವಿಯೇಕೆ?’
ಬಳಿಸಾರಿ ತಡವಿದೆ ಮತ್ತೊಮ್ಮೆ ಮಗದೊಮ್ಮೆ
ಕಾಣುತ್ತಿಲ್ಲವಲ್ಲ ಚಿಟ್ಟೆ, ಇಲ್ಲೇ ಅವಿತಿದ್ದಲ್ಲವೇ?
ಹೋಗಿದ್ದೆಲ್ಲಿಗೆ?
ಇದೇನು ಜಾದೂವೆ? ಕಣ್ಣಾಮುಚ್ಚಾಲೆಯೇ?
ಮಾಯೆಯೇ?
ಒಳಬಂದ ಚಿಟ್ಟೆ ಹೊರಗೆ ಹಾರಲಿಲ್ಲವಲ್ಲ
ಒಳಗೂ ಇಲ್ಲ, ಓಹ್!
ಹಾಗಾದರೆ ಚಿಟ್ಟೆ ಬಂದದ್ದು ಸುಳ್ಳೇ?