ವಾಟ್ಸಾಪ್‌

ಹಸುರಿನ ವರ್ತುಲವೊಂದರ
ನಡುವೆ ಕಾಣುವ ಫೋನು
ಒಂದೆಡೆ ಮಾತ್ರ ಹನಿಯಾಕಾರ
ಇಷ್ಟೂ ನಿನ್ನದು ಐಕಾನು!

ಅಂತರ್ಜಾಲದ ತೆರೆ ಸರಿಸಿದರೆ
ಬೆರಳ ತುದಿಯಲೇ ಪ್ರತ್ಯಕ್ಷ
ಚಿತ್ರದ ನಡುವಣ ತ್ರಿಕೋನ ಮುಟ್ಟಲು
ತೆರೆಯುವುದಲ್ಲ ಅಂತರಿಕ್ಷ!

ಮಾತೇ ಚಿತ್ರವೊ ಚಿತ್ರವೆ ಮಾತೋ
ತಿಳಿಯುವುದಿಲ್ಲ ಅಂತರ
ಎರಡೂ ಸೇರಿ ಅದ್ಭುತವಾಯಿತು
ನೋಡಲುಬಹುದು ನಿರಂತರ!

ಬೇಕಾದ್ದನ್ನು ಬೇಕಾದವರಿಗೆ
ಮಾಡುತಲಿದ್ದರೆ ರವಾನೆ
ನಮಗೂ ಅವರಿಗು ಒಟ್ಟಿಗೆ
ತೆರೆವುದು ಅರಿವಿನ ಖಜಾನೆ!