ಚನ್ನಪಟ್ಟಣ: ತಾಲ್ಲೂಕಿನ ದೊಡ್ಡಮಳೂರು ಗ್ರಾಮದ ಶಿಶುವಿಹಾರ ಕೇಂದ್ರದ ಬಳಿ ಗುರುವಾರ ಸಂಜೆ ಎರಡು ವರ್ಷದ ಹೆಣ್ಣು ಮಗು ಬೆಂಕಿಯಲ್ಲಿ ದಹಿಸಿ ಹೋದ ಘಟನೆ ನಡೆದಿದೆ.
ಈ ಬಾಲಕಿಯನ್ನು ಬೆಂಕಿ ಹಚ್ಚಿ ಹತ್ಯೆ ಮಾಡಲಾಗಿದೆ ಎನ್ನಲಾಗಿದೆ. ಸಂಜೆ ರಸ್ತೆ ಪಕ್ಕದಲ್ಲಿ ಬೆಂಕಿ ಹೊತ್ತಿ ಉರಿಯುತ್ತಾ ವಿಚಿತ್ರ ವಾಸನೆ ಬರುತ್ತಿದ್ದುದ್ದನ್ನು ಗಮನಿಸಿದ ಗ್ರಾಮಸ್ಥರು ಪೊಲೀಸರಿಗೆ ಮಾಹಿತಿ ನೀಡಿದಾಗ ಘಟನೆ ಬೆಳಕಿಗೆ ಬಂದಿದೆ. ಪೊಲೀಸರು ಗ್ರಾಮಸ್ಥರ ಸಹಕಾರದೊಂದಿಗೆ ಬೆಂಕಿ ನಂದಿಸಿದರಾದರೂ ಅಷ್ಟರಲ್ಲಿ ಮಗು ಸುಟ್ಟು ಕರಕಲಾಗಿತ್ತು. ದಹಿಸಿಹೋದ ಮಗು ಯಾರದು ಎಂಬುದು ಗೊತ್ತಾಗಿಲ್ಲ.
