ಸಿಬಿಐ ತನಿಖಾಧಿಕಾರಿಗೆ ಛೀಮಾರಿ

ನವದೆಹಲಿ (ಪಿಟಿಐ):  ಕಲ್ಲಿದ್ದಲು ನಿಕ್ಷೇಪ ಹಂಚಿಕೆ ಹಗರಣ ತನಿಖಾ ಪ್ರಗತಿ ವರದಿ ನೀಡದ ಸಿಬಿಐ ತನಿಖಾಧಿಕಾರಿಗೆ ಸಿಬಿಐ ವಿಶೇಷ ನ್ಯಾಯಾಲ­ಯ ಸೋಮವಾರ ಛೀಮಾರಿ ಹಾಕಿತು.

ಕಲ್ಲಿದ್ದಲು ನಿಕ್ಷೇಪ ಹಂಚಿಕೆ ಅವ್ಯವಹಾರ ಹಗರಣದ ಬಗ್ಗೆ ಹೆಚ್ಚಿನ ತನಿಖೆ ನಡೆಸಿ ಪ್ರಗತಿ ವರದಿ ಸಲ್ಲಿಸುವಂತೆ  ಆದೇಶಿಸಿ 46 ದಿನ ಕಳೆದರೂ ಇನ್ನೂ ಏಕೆ ವರದಿ ಸಲ್ಲಿಸಿಲ್ಲ ಎಂದು ಪ್ರಶ್ನಿಸಿದ ನ್ಯಾಯಾಧೀಶರು, ಈ ರೀತಿಯ ತಾತ್ಸಾರ ಸರಿಯಲ್ಲ ಎಂದು ತರಾಟೆಗೆ ತೆಗೆದುಕೊಂಡರು.