ಅಂತಿಮ ಹಂತದಲ್ಲಿ ‘ಗ್ರಾಮ ಚರಿತ್ರೆ ಕೋಶ’

ಹುಬ್ಬಳ್ಳಿ: ಒಂದು ವರ್ಷದ ಹಿಂದೆ ಕರ್ನಾಟಕ ಜಾನಪದ ವಿಶ್ವವಿದ್ಯಾಲಯವು ಆರಂಭಿಸಿದ ‘ಕರ್ನಾಟಕ ಗ್ರಾಮ ಚರಿತ್ರೆ ಕೋಶ’ ಯೋಜನೆಯು ಅಂತಿಮ ಹಂತ ತಲುಪಿದ್ದು, ಹಳ್ಳಿ–ಹಳ್ಳಿಯ ಮಾಹಿತಿಯನ್ನು ಕಲೆಹಾಕುವ ಕಾರ್ಯವು ಭರದಿಂದ ಸಾಗಿದೆ.

ರಾಜ್ಯದಲ್ಲಿನ ಪ್ರತಿ ಹಳ್ಳಿಯ ಇತಿಹಾಸದ ಜೊತೆಗೆ ಆರ್ಥಿಕ ಹಾಗೂ ಸಾಮಾಜಿಕ ಸ್ಥಿತಿಗತಿಯ ಚಿತ್ರಣವನ್ನು ಕಟ್ಟಿಕೊಡು ವುದು ಇದರ ಉದ್ದೇಶ. ಪ್ರತಿ ಗ್ರಾಮಕ್ಕೆ ತೆರಳಿ ಅಲ್ಲಿ ಸಮೀಕ್ಷೆ ಕೈಗೊಂಡು ವರದಿ ಸಿದ್ಧಪಡಿಸಿ, ನಂತರ ಅದನ್ನು ಜಿಲ್ಲಾವಾರು ಗ್ರಂಥರೂಪದಲ್ಲಿ ಪ್ರಕಟಿಸುವ, ವೆಬ್‌ಸೈಟ್‌ ಮುಖೇನ ಅಂತರ್ಜಾಲದಲ್ಲಿ ಬಿತ್ತರಿಸುವ ಉದ್ದೇಶವನ್ನು ಈ ಯೋಜನೆಯು ಹೊಂದಿದೆ.

ಈ ಯೋಜನೆಯ ಮೊದಲ ಹಂತವಾಗಿ ಹಾವೇರಿ ಜಿಲ್ಲೆಯ 705 ಹಳ್ಳಿಗಳ ಸಮೀಕ್ಷೆ ಕಾರ್ಯವು ಮುಕ್ತಾಯಗೊಂಡಿದ್ದು, ವರದಿಯು ಪರಿಷ್ಕರಣೆಯ ಹಂತ ದಲ್ಲಿದೆ. ಇನ್ನೂ ಕೆಲವು ಜಿಲ್ಲೆಗಳ ಸಮೀಕ್ಷೆ ಸಹ ಮುಕ್ತಾಯ ಹಂತ ತಲುಪಿದೆ.

‘ಕಂದಾಯ ಇಲಾಖೆಯ ಪ್ರಕಾರ ರಾಜ್ಯದಲ್ಲಿ ಸುಮಾರು 29,000 ಹಳ್ಳಿಗಳಿವೆ. ಆದರೆ ಒಂದು ಅಂದಾಜಿನಂತೆ ಕರ್ನಾಟಕದಲ್ಲಿ 59,000 ವಾಸಸ್ಥಳಗಳಿವೆ. ಇಷ್ಟೂ ಪ್ರದೇಶ ಗಳನ್ನು ಬಿಡಿಬಿಡಿಯಾಗಿ ಅಧ್ಯಯನ ಮಾಡಿ ವರದಿ ಸಿದ್ಧಪ ಡಿಸುವುದು. ಅಲ್ಲಿನ ಚರಿತ್ರೆಯನ್ನು ದಾಖಲಿಸುವುದು ನಮ್ಮ ಉದ್ದೇಶ. ಇದಕ್ಕಾಗಿ ರಾಜ್ಯದಾದ್ಯಂತ 380 ಸ್ವಯಂ ಸೇವಕರು ಕಾರ್ಯ ನಿರತರಾಗಿದ್ದಾರೆ. ಇವರ ಉಸ್ತುವಾರಿಗಾಗಿ ಪ್ರತಿ ತಾಲ್ಲೂಕಿಗೆ ಇಬ್ಬರು ಕ್ಷೇತ್ರತಜ್ಞರು ಹಾಗೂ ಜಿಲ್ಲಾ ಮಟ್ಟದಲ್ಲಿ ಒಬ್ಬರು ಜಿಲ್ಲಾ ಸಂಪಾದಕರು ಕಾರ್ಯ ನಿರ್ವಹಿಸುತ್ತಿದ್ದಾರೆ.   ರಾಜ್ಯ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್‌ರಾಜ್‌ ಸಚಿವಾಲಯವು ನೆರವು ನೀಡುತ್ತಿದೆ. ಶೀಘ್ರದಲ್ಲಿಯೇ ಯೋಜನೆಯು ಮುಕ್ತಾಯ ಗೊಳ್ಳುವ ನಿರೀಕ್ಷೆ ಇದೆ’ ಎಂದು ವಿಶ್ವವಿದ್ಯಾಲಯದ ಹಿರಿಯ ಸಂಶೋಧನಾ ಅಧಿಕಾರಿ ಕೆ. ಪ್ರೇಮಕುಮಾರ್‌ ತಿಳಿಸಿದರು.

‘ಕರ್ನಾಟಕದ ಹಳ್ಳಿಗಳ ವಿಶ್ವಕೋಶದಂತೆ ಈ ವರದಿ ಸಿದ್ಧವಾಗಲಿದೆ. ಸಾಮಾನ್ಯ ಜನರು ತಾವು ಬಯಸುವ ಗ್ರಾಮಗಳ ಮಾಹಿತಿಯನ್ನು