ಕೇರಳದ ಸ್ಟಾರ್ ಚೇರ್ ಕಂಪನಿ ನಿರ್ಮಿಸಿರುವ 7 ಅಡಿ ಉದ್ದ ಹಾಗೂ 4 ಅಡಿ ಅಗಲದ ಸ್ಟೀಲ್ನ ಉರುವಲು ಒಲೆಯಂತೆ ಕಾಣುವ ಯಂತ್ರದಲ್ಲಿ ಅಡುಗೆ ಅನಿಲ ಬಳಸಿ ದಹನ ಕ್ರಿಯೆ ನಡೆಸಲಾಗುತ್ತದೆ. ಒಂದು ಶವ ದಹಿಸಲು ಎರಡು ಗ್ಯಾಸ್ ಸಿಲಿಂಡರ್ ಬೇಕಾಗಬಹುದು. ಈ ಯಂತ್ರಕ್ಕೆ ₹4.80ಲಕ್ಷ ವೆಚ್ಚ ಮಾಡಿದ್ದು, ಸಂಘದ ಮರಣ ನಿಧಿಯಿಂದ ಶವ ಸಂಸ್ಕಾರ ಯಂತ್ರದ ಸಾಗಣೆ, ಗ್ಯಾಸ್ ಸಹಿತ ಇತರ ಖರ್ಚು ನಿಭಾಯಿಸಲಾಗುತ್ತಿದೆ ಎಂದು ಮುದೂರು ವ್ಯವಸಾಯ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ವಿಜಯ್ ಶಾಸ್ತ್ರಿ ಹೇಳಿದರು.