ಮದ್ಯದ ಅಂಗಡಿಗೆ ಪರವಾನಗಿ: ಒಕ್ಕೊರಲ ಖಂಡನೆ

ಸಮಾನಾಂತರ ವೇದಿಕೆ (ರಾಯಚೂರು:) ರಾಜ್ಯದಲ್ಲಿ ಹೊಸದಾಗಿ 900 ಮದ್ಯದ ಅಂಗಡಿಗಳ ಆರಂಭಕ್ಕೆ ಅನುಮತಿ ನೀಡಿರುವುದನ್ನು ಇಲ್ಲಿನ ಸಮಾನಾಂತರ ವೇದಿಕೆಯಲ್ಲಿ ಶುಕ್ರವಾರ ನಡೆದ ಮಹಿಳಾ ಗೋಷ್ಠಿ ಒಕ್ಕೊರಲಿನಿಂದ ಖಂಡಿಸಿತು.

. ‘ಮದ್ಯದ ಅಂಗಡಿಗಳನ್ನು ಮುಚ್ಚುವಂತೆ ಈ ಜಿಲ್ಲೆಯ ಮಹಿಳೆಯರು ನಡೆಸಿದ ಬೃಹತ್ ಹೋರಾಟವನ್ನು ಅವಮಾನಿಸುವ ರೀತಿಯಲ್ಲಿ ಸರ್ಕಾರ ಇಂಥ ನಿರ್ಧಾರ ಕೈಗೊಂಡಿದೆ. ಇದು ಆಗದಂತೆ ತಡೆಯಬೇಕು’ ಎಂದು ಆಗ್ರಹಿಸಿದ ವೇದಿಕೆಯಲ್ಲಿ ಸಮ್ಮೇಳನಾಧ್ಯಕ್ಷ ಡಾ.ಬರಗೂರು ರಾಮಚಂದ್ರಪ್ಪ ಕೂಡ ಉಪಸ್ಥಿತರಿದ್ದರು.

. ‘ಮಹಿಳೆ: ಆಧುನಿಕತೆಗೆ ಮುಖಾಮುಖಿ' ಗೋಷ್ಠಿಯ ಆರಂಭದಲ್ಲೇ ಈ ಕುರಿತು ಆಕ್ಷೇಪ ಎತ್ತಿದ ಡಾ. ಎಚ್.ಎಲ್. ಪುಷ್ಪ, ಹಿಂದೊಮ್ಮೆ ವಿದ್ಯಾರ್ಥಿಗಳಿಗೆ ನೋಟ್ಬುಕ್ ವಿತರಿಸುತ್ತಿದ್ದ ಎಂಎಸ್ಐಎಲ್ನಿಂದ ಬದುಕನ್ನು ಅಧೋಗತಿಗೆ ತರುವ ಇಂಥ ಕೆಲಸ ಆಗಬಾರದು’ ಎಂದರು. ಗೋಷ್ಠಿಯಲ್ಲಿ ಭಾಗವಹಿಸಿದ್ದ ಎಲ್ಲ ಉಪನ್ಯಾಸಕರ ಮಾತಿನಲ್ಲೂ ಈ ವಿಷಯ ಪ್ರಸ್ತಾಪವಾಯಿತು.

. ಅಧ್ಯಕ್ಷತೆ ವಹಿಸಿದ್ದ ಹೇಮಲತಾ ಮಹಿಷಿ, ‘ಒಂದು ಕೈಯಲ್ಲಿ ಭಾಗ್ಯಗಳನ್ನು ಕೊಟ್ಟ ಸರ್ಕಾರ ಇನ್ನೊಂದು ಕೈಯಲ್ಲಿ ಅವುಗಳನ್ನು ಕಸಿದುಕೊಳ್ಳುವ ಕೆಲಸಕ್ಕೆ ಮುಂದಾಗುತ್ತಿದೆ. ಇದು ಸಲ್ಲ. ಎಷ್ಟು ಬೇಕಿದ್ದರೂ ತೆರಿಗೆ ಕಟ್ಟುತ್ತೇವೆ. ಆದರೆ ಸರ್ಕಾರ ಮದ್ಯ ಮಾರಾಟದಿಂದ ಮಾತ್ರ ಆದಾಯ ನಿರೀಕ್ಷಿಸುವುದು ತರವಲ್ಲ' ಎಂದರು.

. ‘ಮಹಿಳೆ ಮತ್ತು ಸಮಕಾಲೀನ ಸಮಸ್ಯೆಗಳು' ವಿಷಯವಾಗಿ ಮಾತನಾಡಿದ ಪುಷ್ಪ, ‘ದೇಹ ಮತ್ತು ದೇಹಮೂಲವಾದ ಸವಾಲುಗಳ ಕಾರಣದಿಂದಾಗಿ ಮಹಿಳೆ ಅವಮಾನಕ್ಕೀಡಾಗುತ್ತಿದ್ದಾಳೆ. ದುರ್ಬಲ ಎನಿಸುತ್ತಿದ್ದಾಳೆ. ಇದರ ನಡುವೆಯೇ ಆಕೆ ತನ್ನನ್ನು ತಾನು ಹೇಗೆ ಕಾಪಾಡಿಕೊಳ್ಳಬೇಕು ಎನ್ನುವ ನಿಟ್ಟಿನ ಪ್ರಯತ್ನವನ್ನೂ ನಡೆಸಿದ್ದಾಳೆ’ ಎಂದರು.

. 'ಸಾಹಿತ್ಯ: ಲಿಂಗ ರಾಜಕಾರಣ' ವಿಷಯವಾಗಿ ಮಾತನಾಡಿದ ಡಾ.ವಸುಂಧರಾ ಭೂಪತಿ, 'ಲಿಂಗ ರಾಜಕಾರಣ ಛದ್ಮವೇಷದಲ್ಲಿದ್ದು, ಅಮೂರ್ತ ನೆಲೆಗಳಲ್ಲಿ ನಮ್ಮನ್ನು ಬಾಧಿಸುತ್ತಿದೆ. ಪ್ರಶ್ನಿಸಲೂ ಆಗದಂಥ ಸ್ಥಿತಿಗೆ ತಂದೊಡ್ಡಿದೆ' ಎಂದು ವಿಷಾದಿಸಿದರು.

. ವಚನಕಾರ್ತಿಯರು. ಸ್ವಮರುಕದ ವ್ಯಕ್ತಿತ್ವದಿಂದ ಹೊರಬಂದು, ಆತ್ಮಘನತೆಯಿಂದ ಮಾತನಾಡಿದ ವ್ಯಕ್ತಿತ್ವಗಳು ಅವು ಎಂದು ಬಣ್ಣಿಸಿದರು. "ಕೌಟುಂಬಿಕ ವ್ಯವಸ್ಥೆಯೊಳಗ ಮಹಿಳೆ' ವಿಷಯವಾಗಿ ಡಾ. ಕಲಾವತಿ ಬಳ್ಳಾರಿ ಮಾತನಾಡಿದರು.

. ‘ವ್ಯಾಖ್ಯಾನಕ್ಕೆ ಸಿಗದ ಆಧುನಿಕತೆ ನಿತ್ಯವೂ ತನ್ನ ಸಂರಚನೆಯನ್ನು ಬದಲಿಸಿಕೊಳ್ಳುತ್ತಿರುವ "ಆಧುನಿಕತೆ'ಯನ್ನು ವ್ಯಾಖ್ಯಾನಿಸುವ, ಅದು ತಂದಿತ್ತ ಸಂಕಟಗಳ ಬಗ್ಗೆ ಗೋಷ್ಠಿಯಲ್ಲಿ ಇನ್ನಷ್ಟು ಚರ್ಚೆ ಆಗಬೇಕಿತ್ತು’ ಎಂದು ಡಾ. ಅನಸೂಯಾ ಕಾಂಬಳೆ ಪ್ರತಿಕ್ರಿಯೆ ವ್ಯಕ್ತಪಡಿಸಿದರು.

. 'ಆಧುನಿಕತೆ ಎಂದರೆ ಹಳೆಯದೆಲ್ಲವನ್ನು ಬಿಟ್ಟುಬಿಡುವುದೇ? ಹೊಸದೆಲ್ಲವೂ ಒಳ್ಳೆಯದೇ?' ಎಂಬುದನ್ನು ವಿಚಾರ ಮಾಡಬೇಕು. ಗಾಬರಿ ಹುಟ್ಟಿಸುವ ರೀತಿಯಲ್ಲಿ ಶೀಘ್ರವಾಗಿ ಬದಲಾವಣೆಗಳಾಗುತ್ತಿದ್ದು, ನಮ್ಮ ಮನೆ, ಮಕ್ಕಳು, ನಮ್ಮೆಲ್ಲರಲ್ಲೂ ಬದಲಾವಣೆ ಕಾಣುತ್ತಿದೆ. ಪ್ರಗತಿಪರರು ಎನ್ನಿಸಿಕೊಂಡವರೇ ಹಳಬರಾಗುತ್ತಿದ್ದಾರೆ. ಈ ಬದಲಾವಣೆ ಪೀಳಿಗೆಯ ನಡುವಿನ ಅಂತರವನ್ನು ಹೆಚ್ಚಿಸಿದೆ' ಎಂದು ಗೋಷ್ಠಿಯ ಅಧ್ಯಕ್ಷತೆ ವಹಿಸಿದ್ದ ಹೇಮಲತಾ ಮಹಿಷಿ ಆತಂಕ ವ್ಯಕ್ತಪಡಿಸಿದರು. ಬದಲಾವಣೆಯೊಂದು ಮನುಷ್ಯ ಬದುಕಿನ ಘನತೆಯನ್ನು ಎತ್ತಿ ಹಿಡಿದರೆ ಅದನ್ನು ಮುಕ್ತವಾಗಿ ಸ್ವೀಕರಿಸಬೇಕು ಎಂದರು.

. ಡಾ. ಗಂಗಾಂಬಿಕಾ ಪಾಟೀಲ ಗೋಷ್ಠಿಗೆ ಪ್ರತಿಕ್ರಿಯಿಸಿದರು. ಡಾ. ಗೀತಾ ವಸಂತ ವಂದಿಸಿದರು.

* ಕುಟುಂಬ ವ್ಯವಸ್ಥೆಗೆ ಹೊರತಾದ ಲಿವ್ ಇನ್ ರಿಲೇಶನ್ ಹಾಗೂ ತೃತೀಯ ಲಿಂಗಿಗಳ ಸಂಬಂಧದ ನೆಲೆಯಲ್ಲೂ ಚರ್ಚೆ ಆಗಬೇಕು. –ಡಾ. ಕಲಾವತಿ ಬಳ್ಳಾರಿ, ಪ್ರಾಧ್ಯಾಪಕರು

. * ಕಾರ್ನಾಡರ 'ಆಡಾಡ್ತ ಆಯುಷ್ಯ' ಆತ್ಮಕತೆಗೆ ಸಿಗುವ ಪ್ರತಿಕ್ರಿಯೆಯೇ ಬೇರೆ. ಶಶಿಕಲಾ ವೀರಯ್ಯಸ್ವಾಮಿ ಅವರ 'ಇದ್ದೇನಯ್ಯಾ ಇಲ್ಲದಂತೆ'ಗೆ ಹಾಗೂ ಪ್ರತಿಭಾ ನಂದಕುಮಾರ ಅವರ ಆತ್ಮಕತೆಗೆ ಸಿಗುವ ಪ್ರತಿಕ್ರಿಯೆಯೇ ಬೇರೆ –ವಸುಂಧರಾ ಭೂಪತಿ, ಬರಹಗಾರ್ತಿ

. * ಮನುಷ್ಯ ಮನುಷ್ಯನಾಗಿ ಘನತೆಯ ಬದುಕು ಬದುಕಲು ಅವಕಾಶ ಇರುವಂಥ ಬದಲಾವಣೆಯನ್ನು ಆಧುನಿಕತೆ ಎನ್ನಬೇಕು. – ಹೇಮಲತಾ ಮಹಿಷಿ, ವಕೀಲರು, ಬರಹಗಾರರು

. * ಆಧುನಿಕತೆ ತಂದ ಬದಲಾವಣೆಯಿಂದ ಮರುಗಟ್ಟಿದ ಹೆಣ್ಣು ಶರೀರಗಳಲ್ಲಿ ಜೀವ ಸಂಚಾರವಾಗಿ ಅವು ತಮ್ಮ ನೋವು ಹೇಳಿಕೊಳ್ಳುತ್ತಿವೆ. –ಎಚ್.ಎಲ್. ಪುಷ್ಪ, ಲೇಖಕರು

. * ಮಹಿಳೆಯರು ಇಂತಿಷ್ಟು ಬಂಗಾರ ಇಟ್ಟುಕೊಳ್ಳಬಹುದು ಎಂದು ಹೇಳುತ್ತಿದ್ದಾರೆ. ಹಾಗಿದ್ದರೆ ಹೇಳಿ; ನಿಮ್ಮ ಗುಡಿ ಗುಂಡಾರಗಳಲ್ಲಿ ಇರುವ ಗಂಡು ದೇವರು ಎಷ್ಟು ಬಂಗಾರ ಹೇರಿಕೊಳ್ಳಬೇಕು? ಹೆಣ್ಣು ದೇವರುಗಳು ಎಷ್ಟು ಹೊರಬೇಕು? –ಅನಸೂಯಾ ಕಾಂಬಳೆ, ಬರಹಗಾರ್ತಿ

. * ಮಹಿಳೆಯರಷ್ಟೆ ಅಲ್ಲ ಮಹಿಳೆಯರು ರಚಿಸಿದ ಸಾಹಿತ್ಯವೂ ಅವಗಣನೆಗೆ, ಶೋಷಣೆಗೆ ಒಳಗಾಗುತ್ತಿದೆ. – ಡಾ. ಗಂಗಾಂಬಿಕಾ ಪಾಟೀಲ, ಚಿಂತಕಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮದ್ಯದ ಅಂಗಡಿಗೆ ಪರವಾನಗಿ: ಒಕ್ಕೊರಲ ಖಂಡನೆ

ಚಿನಕುರುಳಿ | ಶುಕ್ರವಾರ, 05 ಡಿಸೆಂಬರ್‌ ‌2025

ಬಿಗ್‌ಬಾಸ್ ವಿಜೇತ ಸೂರಜ್ ಚವಾಣ್ ಅದ್ಧೂರಿ ವಿವಾಹ; ಚಿತ್ರಗಳು ಇಲ್ಲಿವೆ

ಚುರುಮುರಿ: ಕೋಳಿ ರಾಜಕೀಯ!

ಕೆಂಗೇರಿ ಮೆಟ್ರೊ ನಿಲ್ದಾಣದಲ್ಲಿ ರೈಲಿನಡಿಗೆ ಹಾರಿ ಯುವಕ ಆತ್ಮಹತ್ಯೆ

ಏಷ್ಯನ್ ಗೇಮ್ಸ್: ಯಾದವ್ ಚೆಫ್ ಡಿ ಮಿಷನ್

ದ.ಆಫ್ರಿಕಾ ವಿರುದ್ಧ ಅಂತಿಮ ಏಕದಿನ ಪಂದ್ಯ ಇಂದು: ಸರಣಿ ಜಯದತ್ತ ಭಾರತ ತಂಡ ಚಿತ್ತ

ಐಸಿಸಿ ತಿಂಗಳ ಆಟಗಾರ್ತಿ ರೇಸ್‌ನಲ್ಲಿ ಶಫಾಲಿ ವರ್ಮಾ

ಟಿ–20 ಕ್ರಿಕೆಟ್‌ | 600 ವಿಕೆಟ್‌: ಸುನಿಲ್ ನಾರಾಯಣ್ ಮೈಲಿಗಲ್ಲು

ಒಳನೋಟ: ಖಾಲಿಯಿವೆ ಬಿ.ಇ ಸೀಟು!

ಒಳನೋಟ: ಶ್ರೀಗಂಧ ಕೃಷಿಗೆ ನೂರು ಕಷ್ಟ

ಒಳನೋಟ: ಕಮರಿತೆ 'ಉತ್ಕೃಷ್ಟ' ಶಿಕ್ಷಣದ ಕನಸು?

ಒಳನೋಟ | Bengaluru Tunnel Road: ಸುರಂಗ; ವಿ–ವಾದ ತರಂಗ

ಚಿನಕುರುಳಿ | ಶುಕ್ರವಾರ, 05 ಡಿಸೆಂಬರ್‌ ‌2025

ಬಿಗ್‌ಬಾಸ್ ವಿಜೇತ ಸೂರಜ್ ಚವಾಣ್ ಅದ್ಧೂರಿ ವಿವಾಹ; ಚಿತ್ರಗಳು ಇಲ್ಲಿವೆ

ಚುರುಮುರಿ: ಕೋಳಿ ರಾಜಕೀಯ!

ಕೆಂಗೇರಿ ಮೆಟ್ರೊ ನಿಲ್ದಾಣದಲ್ಲಿ ರೈಲಿನಡಿಗೆ ಹಾರಿ ಯುವಕ ಆತ್ಮಹತ್ಯೆ