ಗಂಭೀರ್‌ ಪಡೆಗೆ ನಿರಾಸೆ

ಮುಂಬೈಗೆ ಶರಣಾದ ನೈಟ್‌ರೈಡರ್ಸ್‌

ಈಡನ್ ಗಾರ್ಡನ್ಸ್ ಅಂಗಳದಲ್ಲಿ ಶನಿವಾರ ನಡೆದ ಐಪಿಎಲ್ ಹತ್ತನೇ ಆವೃತ್ತಿಯ ತನ್ನ ಕೊನೆಯ ಲೀಗ್‌ ಪಂದ್ಯದಲ್ಲಿ 9 ರನ್‌ಗಳ ಜಯ ಸಾಧಿಸಿದ ಮುಂಬೈ ಇಂಡಿಯನ್ಸ್‌ ಪಾಯಿಂಟ್ಸ್‌ ಪಟ್ಟಿಯ ಅಗ್ರಸ್ಥಾನ ಉಳಿಸಿಕೊಂಡಿತು.

ವಿನಯ್‌ ಕುಮಾರ್ (ಎಡ) ರೋಹಿತ್‌ ಶರ್ಮಾ ಜೊತೆ ಸಂಭ್ರಮಿಸಿದ ಕ್ಷಣ

ಕೋಲ್ಕತ್ತ: ಪ್ರಮುಖ ಆಟ ಗಾರರಿಗೆ ವಿಶ್ರಾಂತಿ ನೀಡಿದರೂ ಆತ್ಮ ವಿಶ್ವಾಸದ ಅಲೆಯಲ್ಲಿ ತೇಲುತ್ತಿದ್ದ ಮುಂಬೈ ಇಂಡಿಯನ್ಸ್‌ ತಂಡ ಗೆಲುವಿನ ನಗೆ ಸೂಸಿತು. ಕೊಲ್ಕತ್ತ ನೈಟ್‌ರೈಡರ್ಸ್‌ನ ಜಯದ ಆಸೆಗೆ ಇದರಿಂದ ಭಂಗ ಉಂಟಾಯಿತು.

ಈಡನ್ ಗಾರ್ಡನ್ಸ್ ಅಂಗಳದಲ್ಲಿ ಶನಿವಾರ ನಡೆದ ಐಪಿಎಲ್ ಹತ್ತನೇ ಆವೃತ್ತಿಯ ತನ್ನ ಕೊನೆಯ ಲೀಗ್‌ ಪಂದ್ಯದಲ್ಲಿ 9 ರನ್‌ಗಳ ಜಯ ಸಾಧಿಸಿದ ಮುಂಬೈ ಇಂಡಿಯನ್ಸ್‌ ಪಾಯಿಂಟ್ಸ್‌ ಪಟ್ಟಿಯ ಅಗ್ರಸ್ಥಾನ ಉಳಿಸಿಕೊಂಡಿತು. 

ಆರಂಭಿಕ ಬ್ಯಾಟ್ಸ್‌ಮನ್‌ ಸೌರಭ್‌ ತಿವಾರಿ ಮತ್ತು ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿದ ಅಂಬಟಿ ರಾಯುಡು ಅವರ ಅರ್ಧಶತಕಗಳ ಬಲ, ಕನ್ನಡಿಗ ವಿನಯ್‌ಕುಮಾರ್‌ ಸೇರಿದಂತೆ ವೇಗಿಗಳ ಪರಿಣಾಮಕಾರಿ ಬೌಲಿಂಗ್‌ ದಾಳಿ ಇಂಡಿಯನ್ಸ್ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿತು. 

174 ರನ್‌ಗಳ ಗುರಿ ಬೆನ್ನಟ್ಟಿದ ನೈಟ್‌ ರೈಡರ್ಸ್‌ ಸ್ಫೋಟಕ ಬ್ಯಾಟ್ಸ್‌ಮನ್‌ ಸುನಿಲ್ ನಾರಾಯಣ್‌ ಅವರ ವಿಕೆಟ್ ಅನ್ನು ಮೊದಲ ಓವರ್‌ನಲ್ಲೇ ಕಳೆದು ಕೊಂಡಿತು. ಕ್ರಿಸ್ ಲಿನ್‌ ಮತ್ತು ನಾಯಕ ಗೌತಮ್ ಗಂಭೀರ್ ಎರಡನೇ ವಿಕೆಟ್‌ಗೆ 41 ರನ್‌ ಸೇರಿಸಿ ತಂಡವನ್ನು ಕಾಪಾ ಡಲು ಶ್ರಮಿಸಿದರು. ಐದನೇ ಓವರ್‌ನಲ್ಲಿ ಗಂಭೀರ್‌ ಔಟಾದಾಗ ತಂಡ ಸಂಕಷ್ಟಕ್ಕೆ ಸಿಲುಕಿತು. ನಂತರದ ಎರಡು ಓವರ್‌ಗಳಲ್ಲಿ ರಾಬಿನ್ ಉತ್ತಪ್ಪ ಮತ್ತು ಕ್ರಿಸ್ ಲಿನ್‌ ಅವರ ವಿಕೆಟ್ ಕಬಳಿಸಿದ ಇಂಡಿಯನ್ಸ್ ಬೌಲರ್‌ಗಳು ಕೇಕೆ ಹಾಕಿದರು.

ಈ ಸಂದರ್ಭದಲ್ಲಿ ಮನೀಷ್‌ ಪಾಂಡೆ ಮತ್ತು ಯೂಸುಫ್ ಪಠಾಣ್‌ ವೇಗವಾಗಿ ರನ್ ಗಳಿಸಿ ತಂಡವನ್ನು ಮೂರಂಕಿ ಸಮೀಪ ಕೊಂಡೊಯ್ದರು. ಆದರೆ ಪಟ್ಟು ಬಿಡದ ಬೌಲರ್‌ಗಳು ರನ್‌ ಗಳಿಕೆಗೆ ಕಡಿ ವಾಣ ಹಾಕುವುದರ ಜೊತೆಯಲ್ಲಿ ವಿಕೆಟ್‌ ಗಳನ್ನು ಕಬಳಿಸುತ್ತ ಸಾಗಿದರು. ಕೊನೆಯ ಓವರ್‌ಗಳಲ್ಲಿ ಪಂದ್ಯದ ಮೇಲೆ ಹಿಡಿತ ಬಿಗಿ ಮಾಡಿ ಗೆಲುವು ಸಾಧಿಸಿದರು.

ತಿವಾರಿ, ರಾಯುಡು ಅಮೋಘ ಬ್ಯಾಟಿಂಗ್‌: ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ಇಂಡಿಯನ್ಸ್‌ ಇನಿಂಗ್ಸ್‌ಗೆ ಅರಂಭಿಕ ಬ್ಯಾಟ್ಸ್‌ಮನ್‌ ಮನೋಜ್‌ ತಿವಾರಿ ಮತ್ತು ನಾಲ್ಕನೇ ಕ್ರಮಾಂಕದಲ್ಲಿ ಕ್ರೀಸ್‌ಗೆ ಬಂದ ಅಂಬಟಿ ರಾಯುಡು ಬಲ ತುಂಬಿದರು. ಅಮೋಘ ಬ್ಯಾಟಿಂಗ್ ಮಾಡಿದ ಇವರಿಬ್ಬರು ಕ್ರಮವಾಗಿ 52 ಮತ್ತು 63 ರನ್ ಸಿಡಿಸಿ ತಂಡ ಸ್ಪರ್ಧಾತ್ಮಕ ಮೊತ್ತ ಗಳಿಸಲು ನೆರವಾದರು.

ಆರಂಭಿಕ ಜೊತೆಗಾರ ಲೆಂಡ್ಲ್‌ ಸಿಮನ್ಸ್ ಶೂನ್ಯಕ್ಕೆ ಔಟಾದರೂ ಎದೆ ಗುಂದದೆ ಬ್ಯಾಟ್ ಬೀಸಿದ ತಿವಾರಿ 43 ಎಸೆತಗಳಲ್ಲಿ 52 ರನ್ ಸಿಡಿಸಿದರು. ಅವರ ಬ್ಯಾಟ್‌ನಿಂದ 9 ಬೌಂಡರಿಗಳು ಸಿಡಿದವು. ನಾಯಕ ರೋಹಿತ್ ಶರ್ಮಾ ಅವರೊಂದಿಗೆ ಎರಡನೇ ವಿಕೆಟ್‌ಗೆ 57 ರನ್ ಜೋಡಿಸಿದರು. ರೋಹಿತ್‌ ಬ್ಯಾಟಿಂಗ್‌ನಲ್ಲಿ ಹೆಚ್ಚು ಮಿಂಚಲಿಲ್ಲ. 21 ಎಸೆತಗಳಲ್ಲಿ ಅವರು ಗಳಿಸಿದ್ದು ಕೇವಲ 27 ರನ್ ಮಾತ್ರ. ಅವರು ಔಟಾದ ನಂತರ ಅಂಬಟಿ ರಾಯುಡು ರನ್ ಗಳಿಕೆಯ ವೇಗ ಹೆಚ್ಚಿಸಿದರು. ತಿವಾರಿ ಮತ್ತು ರಾಯುಡು ಮೂರನೇ ವಿಕೆಟ್‌ಗೆ 61 ರನ್ ಸೇರಿಸಿ ತಂಡವನ್ನು 150ರ ಸನಿಹ ತಲುಪಿಸಿದರು. 37 ಎಸೆತಗಳಲ್ಲಿ 63 ರನ್‌ ಗಳಿಸಿದ ರಾಯುಡು 3 ಸಿಕ್ಸರ್‌ ಮತ್ತು 6 ಬೌಂಡರಿಯೊಂದಿಗೆ ಮಿಂಚಿದರು.

ಪಾಯಿಂಟ್ಸ್‌ ಪಟ್ಟಿಯಲ್ಲಿ ಸುಲಭ ವಾಗಿ ಎರಡನೇ ಸ್ಥಾನಕ್ಕೆ ಏರುವ ನೈಟ್‌ ರೈಡರ್ಸ್ ಕನಸಿಗೆ ಈ ಸೋಲಿನೊಂದಿಗೆ ಪೆಟ್ಟು ಬಿತ್ತು.

ಸಂಕ್ಷಿಪ್ತ ಸ್ಕೋರ್‌

ಮುಂಬೈ ಇಂಡಿಯನ್ಸ್‌: 20 ಓವರ್‌ಗಳಲ್ಲಿ 5 ವಿಕೆಟ್‌ ಗಳಿಗೆ 173 (ಸೌರಭ್‌ ತಿವಾರಿ 52, ರೋಹಿತ್ ಶರ್ಮಾ 27, ಅಂಬಟಿ ರಾಯುಡು 63; ಟ್ರೆಂಟ್‌ ಬೌಲ್ಟ್‌ 30ಕ್ಕೆ2); 

ಕೋಲ್ಕತ್ತ ನೈಟ್‌ ರೈಡರ್ಸ್‌: 20 ಓವರ್‌ಗಳಲ್ಲಿ 8 ವಿಕೆಟ್‌ಗಳಿಗೆ 164 (ಕ್ರಿಸ್ ಲಿನ್‌ 26, ಗೌತಮ್‌ ಗಂಭೀರ್ 21, ಮನೀಷ್‌ ಪಾಂಡೆ 33, ಯೂಸುಫ್ ಪಠಾಣ್‌ 20, ಕಾಲಿನ್ ಡಿ ಗ್ರ್ಯಾಂಡ್‌ ಹೋಮ್‌  29; ಟಿಮ್‌ ಸೌಥಿ 39ಕ್ಕೆ2, ಆರ್‌.ವಿನಯ್‌ ಕುಮಾರ್‌ 31ಕ್ಕೆ2, ಹಾರ್ದಿಕ್ ಪಾಂಡ್ಯ 22ಕ್ಕೆ2).

ಫಲಿತಾಂಶ:  ಮುಂಬೈ ಇಂಡಿಯನ್ಸ್‌ಗೆ 9 ರನ್‌ಗಳ ಜಯ.

Comments
ಈ ವಿಭಾಗದಿಂದ ಇನ್ನಷ್ಟು

ಕೊಲಂಬೊ
ಲಂಕಾ ಕ್ರಿಕೆಟ್‌ಗೆ ಹೊಸ ಆಯ್ಕೆ ಸಮಿತಿ

ಭಾರತ ವಿರುದ್ಧದ ಮೂರು ಪಂದ್ಯಗಳ ಟೆಸ್ಟ್ ಸರಣಿಯನ್ನು 3–0 ಅಂತರದಿಂದ ಸೋತ ನಂತರ ಸನತ್ ಜಯಸೂರ್ಯ ನೇತೃತ್ವದ ಆಯ್ಕೆ ಸಮಿತಿ ರಾಜೀನಾಮೆ ನೀಡಿತ್ತು.

20 Sep, 2017
ಜೂಲನ್‌ ಗೋಸ್ವಾಮಿ ಜೀವನಾಧಾರಿತ ಚಲನಚಿತ್ರಕ್ಕೆ ಸಿದ್ಧತೆ

ಭಾರತ ಮಹಿಳಾ ಕ್ರಿಕೆಟ್‌ ತಂಡದ ವೇಗಿ
ಜೂಲನ್‌ ಗೋಸ್ವಾಮಿ ಜೀವನಾಧಾರಿತ ಚಲನಚಿತ್ರಕ್ಕೆ ಸಿದ್ಧತೆ

20 Sep, 2017
ಕಬಡ್ಡಿ: ಪಲ್ಟನ್‌, ಪೈರೆಟ್ಸ್‌ಗೆ ಜಯ

ರಾಂಚಿ
ಕಬಡ್ಡಿ: ಪಲ್ಟನ್‌, ಪೈರೆಟ್ಸ್‌ಗೆ ಜಯ

20 Sep, 2017
ಅಭಿನಂದನೆ ಹೇಳಿಲ್ಲ: ಗ್ರ್ಯಾಂಡ್‌ಮಾಸ್ಟರ್‌ ತೇಜ್‌ಕುಮಾರ್‌ ಬೇಸರ

ರಾಜ್ಯ ಸರ್ಕಾರದಿಂದ ನಿರ್ಲಕ್ಷ್ಯ
ಅಭಿನಂದನೆ ಹೇಳಿಲ್ಲ: ಗ್ರ್ಯಾಂಡ್‌ಮಾಸ್ಟರ್‌ ತೇಜ್‌ಕುಮಾರ್‌ ಬೇಸರ

20 Sep, 2017
ಯುವಿ ‘ಸಿಕ್ಸರ್‌’ಗೆ ದಶಕದ ಸಂಭ್ರಮ

ಒಂದೇ ಓವರ್‌ನಲ್ಲಿ ಆರು ಸಿಕ್ಸರ್
ಯುವಿ ‘ಸಿಕ್ಸರ್‌’ಗೆ ದಶಕದ ಸಂಭ್ರಮ

20 Sep, 2017