, ಶಾಸಕ ಮುನಿರತ್ನ ಬೆಂಬಲಿಗರು ನನ್ನ ಜಡೆ, ಸೀರೆ ಎಳೆದಾಡಿದರು: ಬಿಬಿಎಂಪಿ ಸದಸ್ಯೆ ಮಂಜುಳಾ ಆರೋಪ | ಪ್ರಜಾವಾಣಿ
ಬೆಂಗಳೂರು

ಶಾಸಕ ಮುನಿರತ್ನ ಬೆಂಬಲಿಗರು ನನ್ನ ಜಡೆ, ಸೀರೆ ಎಳೆದಾಡಿದರು: ಬಿಬಿಎಂಪಿ ಸದಸ್ಯೆ ಮಂಜುಳಾ ಆರೋಪ

‘ಮುನಿರತ್ನ ಅವರು ನನ್ನನ್ನು ಕಡೆಗಣಿಸುತ್ತಿದ್ದಾರೆ. ಅಲ್ಲದೆ, ಅವರು ಹಾಗೂ ಅವರ ಬೆಂಬಲಿಗರು ನನಗೆ ಪ್ರಾಣ ಬೆದರಿಕೆ ಹಾಕುತ್ತಿದ್ದಾರೆ’ ಎಂದು ಬಿಬಿಎಂಪಿಯ ಜೆಡಿಎಸ್‌ ಸದಸ್ಯೆ ಮಂಜುಳಾ ಆರೋಪಿಸಿದರು...

ಬೆಂಗಳೂರು: ನಗರದ ಲಗ್ಗೆರೆಯಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ ಮುಖ್ಯಮಂತ್ರಿ ಅವರ ನಗರೋತ್ಥಾನ ಯೋಜನೆ ಅನುದಾನದಡಿ ಬೃಹತ್‌ ನೀರುಗಾಲುವೆ ಕಾಮಗಾರಿಗಳ ಶಂಕುಸ್ಥಾಪನೆ ಕಾರ್ಯಕ್ರಮದಲ್ಲಿ ಕೆಲವು ಕಿಡಿಗೇಡಿಗಳು ಸ್ಥಳೀಯ ವಾರ್ಡ್‌ ಸದಸ್ಯೆ ಮಂಜುಳ ನಾರಾಯಣಸ್ವಾಮಿ ಅವರ ಜಡೆ, ಸೀರೆ ಎಳೆದಾಡಿದ ಪ್ರಸಂಗ ನಡೆಯಿತು.

‘ಇದು ಶಾಸಕ ಮುನಿರತ್ನ ಅವರ ಬೆಂಬಲಿಗರ ಕೃತ್ಯ’ ಎಂದು ಬಿಬಿಎಂಪಿಯ ಜೆಡಿಎಸ್‌ ಸದಸ್ಯೆ ಮಂಜುಳಾ ಆರೋಪಿಸಿದರು.

‘ನನಗೆ ಕಾರ್ಯಕ್ರಮದ ಆಹ್ವಾನ ಪತ್ರಿಕೆ ನೀಡಿಲ್ಲ. ಮುಖ್ಯಮಂತ್ರಿ ಬರುವ ಮಾಹಿತಿಯೂ ನನಗಿರಲಿಲ್ಲ. ಅವರಿಗೆ ಗೌರವ ನೀಡುವ ಉದ್ದೇಶದಿಂದ ಕಾರ್ಯಕ್ರಮದಲ್ಲಿ ಭಾಗವಹಿಸಿದೆ. ವೇದಿಕೆ ಮೇಲೆ ನಾನೂ ಮಾತನಾಡಬೇಕು. ಅವಕಾಶ ಮಾಡಿಕೊಡಿ ಎಂದು ಮುಖ್ಯಮಂತ್ರಿ, ಮೇಯರ್‌ ಅವರ ಬಳಿ ಕೇಳಿಕೊಂಡೆ. ಆದರೆ, ಅವರು ನನ್ನನ್ನು ಸುಮ್ಮನಿರಿಸಲು ಪ್ರಯತ್ನಿಸಿದರು’ ಎಂದು ಬೇಸರ ವ್ಯಕ್ತಪಡಿಸಿದರು.

‘ನಾಮ ನಿರ್ದೇಶಿತ ಸದಸ್ಯೆ ಸುನಂದಮ್ಮ ಅವರು ನನ್ನ ಮೇಲೆ ಹಲ್ಲೆ ನಡೆಸಿದವರು. ಈ ಕೃತ್ಯಕ್ಕೆ ನಾಮನಿರ್ದೇಶಿತ ಸದಸ್ಯ ಎಚ್‌.ಎಸ್‌. ಸಿದ್ದೇಗೌಡ ಕಾರಣ’ ಎಂದು ದೂರಿದರು.

‘ಮುನಿರತ್ನ ಅವರು ನನ್ನನ್ನು ಕಡೆಗಣಿಸುತ್ತಿದ್ದಾರೆ. ಅಲ್ಲದೆ, ಅವರು ಹಾಗೂ ಅವರ ಬೆಂಬಲಿಗರು ನನಗೆ ಪ್ರಾಣ ಬೆದರಿಕೆ ಹಾಕುತ್ತಿದ್ದಾರೆ’ ಎಂದು ಆರೋಪಿಸಿದರು.

‘ಘಟನೆ ಬಗ್ಗೆ ಪೊಲೀಸರಿಗೆ ದೂರು ನೀಡುತ್ತೇನೆ. ಜತೆಗೆ ಜೆಡಿಎಸ್‌ ರಾಷ್ಟ್ರೀಯ ಅಧ್ಯಕ್ಷ ಎಚ್‌.ಡಿ.ದೇವೇಗೌಡ, ರಾಜ್ಯ ಘಟಕದ ಅಧ್ಯಕ್ಷ ಎಚ್‌.ಡಿ.ಕುಮಾರಸ್ವಾಮಿ ಅವರ ಗಮನಕ್ಕೆ ತರುತ್ತೇನೆ’ ಎಂದು ಹೇಳಿದರು.

ಈ ಬಗ್ಗೆ ಪ್ರತಿಕ್ರಿಯಿಸಿದ ಮುನಿರತ್ನ ಅವರು, ‘ಮಂಜುಳಾ ಅವರ ಜಡೆ ಎಳೆದವರು ನನ್ನ ಬೆಂಬಲಿಗರಲ್ಲ. ಯಾರೋ ಮಾಡಿದ ಕೃತ್ಯಕ್ಕೆ ನಾನು ಜವಾಬ್ದಾರನಲ್ಲ’ ಎಂದರು.

Comments
ಈ ವಿಭಾಗದಿಂದ ಇನ್ನಷ್ಟು

ಜಯನಗರ
ಬಿಜೆಪಿ ಟಿಕೆಟ್‌ಗಾಗಿ ಭೋಜನಕೂಟ; ಎಫ್‌ಐಆರ್‌

ಜಯನಗರದ ಮೂರನೇ ಹಂತದಲ್ಲಿರುವ ‘ಪೈ ವೈಸ್‌ ರಾಯ್‌’ ಹೋಟೆಲ್‌ನಲ್ಲಿ ಸಾಮೂಹಿಕ ಭೋಜನ ಕೂಟ ಆಯೋಜಿಸಿ ಚುನಾವಣಾ ನೀತಿ ಸಂಹಿತೆ ಉಲ್ಲಂಘಿಸಿದ ಆರೋಪದಡಿ ಪಾಲಿಕೆ ಸದಸ್ಯ...

28 May, 2018
ಬಾರ್ ತೆಗೆಸಿ ಮಾಂಗಲ್ಯ ಉಳಿಸಿ: ಮಾರುತಿ ನಗರದ ಮಹಿಳೆಯರ ಮನವಿ

ಚಿಕ್ಕಬಾಣಾವರ
ಬಾರ್ ತೆಗೆಸಿ ಮಾಂಗಲ್ಯ ಉಳಿಸಿ: ಮಾರುತಿ ನಗರದ ಮಹಿಳೆಯರ ಮನವಿ

28 May, 2018
ಕಾಂಗ್ರೆಸ್‌ ಜತೆ ಮೈತ್ರಿ ಇಲ್ಲ: ಜೆಡಿಎಸ್‌ ಅಭ್ಯರ್ಥಿ

ಜಯನಗರ ಕ್ಷೇತ್ರ
ಕಾಂಗ್ರೆಸ್‌ ಜತೆ ಮೈತ್ರಿ ಇಲ್ಲ: ಜೆಡಿಎಸ್‌ ಅಭ್ಯರ್ಥಿ

28 May, 2018

ಬೆಂಗಳೂರು
ಗಮನ ಬೇರೆಡೆ ಸೆಳೆದು ಕಳವು

ಬ್ಯಾಂಕ್‌ನಿಂದ ಹಣ ಪಡೆದು ಹೋಗುತ್ತಿದ್ದ ವ್ಯಕ್ತಿಯೊಬ್ಬರ ಗಮನ ಬೇರೆಡೆ ಸೆಳೆದು ₹40 ಸಾವಿರ, ಮೊಬೈಲ್‌ ಫೋನ್‌, ಬ್ಯಾಂಕ್‌ನ ದಾಖಲೆಗಳನ್ನು ಕಳವು ಮಾಡಿದ ಪ್ರಕರಣ ಜಯನಗರದ...

28 May, 2018
ಅವಕಾಶಗಳ ಮಳೆಯಲ್ಲಿ ಮಿಂದ ವಿದ್ಯಾರ್ಥಿಗಳು

‘ಪ್ರಜಾವಾಣಿ’, ‘ಡೆಕ್ಕನ್‌ ಹೆರಾಲ್ಡ್‌’ ಶೈಕ್ಷಣಿಕ ಮೇಳ
ಅವಕಾಶಗಳ ಮಳೆಯಲ್ಲಿ ಮಿಂದ ವಿದ್ಯಾರ್ಥಿಗಳು

28 May, 2018