ಬಿಬಿಎಂಪಿಯಲ್ಲಿ 8 ಹಾಗೂ ಜಲಸಂಪನ್ಮೂಲ ಇಲಾಖೆಯಲ್ಲಿ 7 ಹುದ್ದೆಗಳು ಅಂಗವಿಕಲ ಅಭ್ಯರ್ಥಿಗಳಿಗೆ ಮೀಸಲಿವೆ. ಅವುಗಳಲ್ಲಿ ಸಾಮಾನ್ಯ ವರ್ಗದಲ್ಲಿ ತಲಾ ಒಂದು ಹುದ್ದೆ ಕೈ ಹಾಗೂ ಕಾಲು ಇಲ್ಲದವರಿಗೆ ಮೀಸಲಿದೆ. ಉಳಿದವು ದೃಷ್ಟಿದೋಷವುಳ್ಳವರಿಗೆ ಮೀಸಲಾಗಿವೆ. ಅವರಿಗೆ ಮೀಸಲಾದ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ತಾಂತ್ರಿಕ ತೊಂದರೆ ಇಲ್ಲ. ಆದರೆ, ಕೈ ಹಾಗೂ ಕಾಲು ಇಲ್ಲದ ಅಂಗವಿಕಲರಿಗೆ ಮೀಸಲಾದ 2 ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಆಗುತ್ತಿಲ್ಲ. ಅರ್ಜಿ ಸಲ್ಲಿಸಲು ಮೇ 15 ಕಡೇ ದಿನವಾಗಿದ್ದು, ಆಕಾಂಕ್ಷಿಗಳಿಗೆ ಆತಂಕ ಉಂಟಾಗಿದೆ.