<p><strong>ಕಲ್ಲಾದವರ ಮುಂದೆ ಕವಿತೆ</strong><br /> <br /> ಇಲ್ಲಿ ಮುಖದಿಂದ ಮುಖಕ್ಕೆ ನಗುವನು ದಾಟಿಸುವುದು ಎಷ್ಟೊಂದು ಕಷ್ಟ<br /> ಇಲ್ಲಿ ಹೃದಯದಿಂದ ಹೃದಯಕ್ಕೆ ಭಾವನೆಯನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಜೀವನಪೂರ ಹೊತ್ತುಕೊಂಡು ಓಡಾಡಿದರೂ ನಮ್ಮದೇ ಶಿಲುಬೆಗಳ<br /> ಇಲ್ಲಿ ಹೆಗಲಿನಿಂದ ಹೆಗಲಿಗೆ ಹೆಣವನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ನಿದಿರೆಯಲಿ ನಡೆದಾಡುವವರ ತಡೆದು ನಗೆಪಾಟಲಿಗೀಡು ಮಾಡದಿರಿ<br /> ಇಲ್ಲಿ ಕನಸಿನಿಂದ ಕನಸಿಗೆ ಹೂದೋಟವನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಸಾವಿರ ಬಾಯಾರಿದ ಮರುಭೂಮಿಗಳು ಮಲಗಿವೆ ನಿನ್ನ ಮೈಯೊಳಗೆ<br /> ಇಲ್ಲಿ ನೆತ್ತರಿನಿಂದ ನೆತ್ತರಿಗೆ ನದಿಯನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಹಂಚಿಕೊಂಡಂತೆ ದುಃಖವನು ಹಂಚಿಕೊಳ್ಳಲಾರರು ಜನರು ಸುಖವನು<br /> ಇಲ್ಲಿ ಕಣ್ಣಿನಿಂದ ಕಣ್ಣಿಗೆ ಬೆಳಕನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಹುಳುವೇನ ಬಲ್ಲದು ದೀಪವೆಂದರೆ ಬರೀ ಬೆಳಕಲ್ಲವೆಂಬುದ<br /> ಇಲ್ಲಿ ಬೆಂಕಿಯಿಂದ ಬೆಂಕಿಗೆ ಪತಂಗವನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಬುದ್ಧ ಬಂದು ಹೋದರೂ ನಿನ್ನೊಂದಿಗೆ ನೀನೇ ಇರಬೇಕು ಕೊನೆಗಾಲದಲಿ<br /> ಇಲ್ಲಿ ಮಾತಿನಿಂದ ಮಾತಿಗೆ ಸತ್ಯವನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಕುಡಿಯಲು ನೀರಿಲ್ಲದ ಊರಿನಲಿ ಶರಾಬಿನಂಗಡಿ ತೆರೆದು ಕುಂತವರು ನಾವು<br /> ಇಲ್ಲಿ ತುಟಿಯಿಂದ ತುಟಿಗೆ ಬಟ್ಟಲನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಕಲ್ಲಾದವರ ಮುಂದೆ ಅದೇನ ಕವಿತೆ ಒದರುವಿಯೋ ಹುಚ್ಚಪ್ಪ<br /> ಇಲ್ಲಿ ಕಲ್ಲಿನಿಂದ ಕಲ್ಲಿಗೆ ಸ್ಪಂದನವನು ದಾಟಿಸುವುದು ಎಷ್ಟೊಂದು ಕಷ್ಟ</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>
<p><strong>ಕಲ್ಲಾದವರ ಮುಂದೆ ಕವಿತೆ</strong><br /> <br /> ಇಲ್ಲಿ ಮುಖದಿಂದ ಮುಖಕ್ಕೆ ನಗುವನು ದಾಟಿಸುವುದು ಎಷ್ಟೊಂದು ಕಷ್ಟ<br /> ಇಲ್ಲಿ ಹೃದಯದಿಂದ ಹೃದಯಕ್ಕೆ ಭಾವನೆಯನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಜೀವನಪೂರ ಹೊತ್ತುಕೊಂಡು ಓಡಾಡಿದರೂ ನಮ್ಮದೇ ಶಿಲುಬೆಗಳ<br /> ಇಲ್ಲಿ ಹೆಗಲಿನಿಂದ ಹೆಗಲಿಗೆ ಹೆಣವನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ನಿದಿರೆಯಲಿ ನಡೆದಾಡುವವರ ತಡೆದು ನಗೆಪಾಟಲಿಗೀಡು ಮಾಡದಿರಿ<br /> ಇಲ್ಲಿ ಕನಸಿನಿಂದ ಕನಸಿಗೆ ಹೂದೋಟವನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಸಾವಿರ ಬಾಯಾರಿದ ಮರುಭೂಮಿಗಳು ಮಲಗಿವೆ ನಿನ್ನ ಮೈಯೊಳಗೆ<br /> ಇಲ್ಲಿ ನೆತ್ತರಿನಿಂದ ನೆತ್ತರಿಗೆ ನದಿಯನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಹಂಚಿಕೊಂಡಂತೆ ದುಃಖವನು ಹಂಚಿಕೊಳ್ಳಲಾರರು ಜನರು ಸುಖವನು<br /> ಇಲ್ಲಿ ಕಣ್ಣಿನಿಂದ ಕಣ್ಣಿಗೆ ಬೆಳಕನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಹುಳುವೇನ ಬಲ್ಲದು ದೀಪವೆಂದರೆ ಬರೀ ಬೆಳಕಲ್ಲವೆಂಬುದ<br /> ಇಲ್ಲಿ ಬೆಂಕಿಯಿಂದ ಬೆಂಕಿಗೆ ಪತಂಗವನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಬುದ್ಧ ಬಂದು ಹೋದರೂ ನಿನ್ನೊಂದಿಗೆ ನೀನೇ ಇರಬೇಕು ಕೊನೆಗಾಲದಲಿ<br /> ಇಲ್ಲಿ ಮಾತಿನಿಂದ ಮಾತಿಗೆ ಸತ್ಯವನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಕುಡಿಯಲು ನೀರಿಲ್ಲದ ಊರಿನಲಿ ಶರಾಬಿನಂಗಡಿ ತೆರೆದು ಕುಂತವರು ನಾವು<br /> ಇಲ್ಲಿ ತುಟಿಯಿಂದ ತುಟಿಗೆ ಬಟ್ಟಲನು ದಾಟಿಸುವುದು ಎಷ್ಟೊಂದು ಕಷ್ಟ</p>.<p>ಕಲ್ಲಾದವರ ಮುಂದೆ ಅದೇನ ಕವಿತೆ ಒದರುವಿಯೋ ಹುಚ್ಚಪ್ಪ<br /> ಇಲ್ಲಿ ಕಲ್ಲಿನಿಂದ ಕಲ್ಲಿಗೆ ಸ್ಪಂದನವನು ದಾಟಿಸುವುದು ಎಷ್ಟೊಂದು ಕಷ್ಟ</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>