ಅನುಕರಣೀಯ ನಡೆ

ದಲಿತರು, ಅದರಲ್ಲೂ ಮಹಿಳೆಯರು ಎಂದ ಮೇಲೆ ಕೇಳಬೇಕೇ? ಸಮಾನತೆ ಎಂಬುದು ಅವರಿಗೆ ಮರೀಚಿಕೆಯೇ ಸೈ ಎಂಬಂಥ ಪರಿಸ್ಥಿತಿ ಸಮಾಜದಲ್ಲಿದೆ. ಆಧುನಿಕ ಯುಗದಲ್ಲೂ ತಾಂಡವವಾಡುತ್ತಿರುವ ಇಂತಹ ಸ್ಥಿತಿಯಲ್ಲಿ, ದಲಿತ ಮಹಿಳೆಯರಿಬ್ಬರನ್ನು ಗರ್ಭಗುಡಿಗೆ ಕರೆತಂದು ಅವ­ರಿಂದಲೇ ಪೂಜೆ ಮಾಡಿಸಿರುವ ಮಂಗಳೂರಿನ ಕುದ್ರೋಳಿ ಗೋಕರ್ಣನಾಥ ದೇವಾಲಯ ನಿಜಕ್ಕೂ ಇತಿಹಾಸ ಬರೆದಿದೆ.

ಕೇಂದ್ರದ ಮಾಜಿ ಸಚಿವ ಜನಾರ್ದನ ಪೂಜಾರಿ ಅವರ ನೇತೃತ್ವದಲ್ಲಿ ನಡೆದಿರುವ ಈ ಕಾರ್ಯ, ಧಾರ್ಮಿಕ ಕೇಂದ್ರಗಳಲ್ಲಿ ಪಂಕ್ತಿಭೇದದಿಂದ ಹಿಡಿದು ಅರ್ಚನೆಯವರೆಗೂ ಢಾಳಾಗಿ ಕಾಣುವ ಜಾತೀಯತೆಗೆ  ಸವಾಲೆಸೆಯುವಂತಿದೆ. ಇದೊಂದು ಸಾಂಕೇ­ತಿಕ ಕಾರ್ಯಕ್ರಮವಾದರೂ ಸಾಮಾಜಿಕ ಜಾಗೃತಿ ಮೂಡಿಸುವ ನಿಟ್ಟಿ­ನಲ್ಲಿ ಮಹತ್ವದ ಹೆಜ್ಜೆಯೇ ಸರಿ. ಇದೇ ಸಂದರ್ಭದಲ್ಲಿ, ಅತ್ತ ಬಿಹಾರದ ದೇವ­ಸ್ಥಾನವೊಂದು ದಲಿತ ವರ್ಗಕ್ಕೆ ಸೇರಿದ ಮುಖ್ಯಮಂತ್ರಿ ಭೇಟಿ ನೀಡಿದ್ದಕ್ಕೆ ಶುದ್ಧೀಕರಣ ಕಾರ್ಯ ನಡೆಸಿರುವುದು ಬೆಳಕಿಗೆ ಬಂದಿದೆ.

ದಲಿತ ಸಚಿವರು, ಖ್ಯಾತ ಸಂಗೀತಗಾರರು ಜಾತಿ ಕಾರಣಕ್ಕೆ ಇಂತಹ ಅವಮಾನಕ್ಕೆ ಒಳಗಾಗುವುದು ಆಗಿಂದಾಗ್ಗೆ ವರದಿಯಾಗುತ್ತಲೇ ಇದೆ. ಖ್ಯಾತ­ನಾಮರು, ಅಧಿಕಾರಸ್ಥರಿಗೇ ಇಂತಹ ಸ್ಥಿತಿಯಾದರೆ ಇನ್ನು ಸಾಮಾನ್ಯ ಜನರ ಪಾಡನ್ನು ಊಹಿಸಿಕೊಳ್ಳುವುದೂ ಅಸಾಧ್ಯ. ಜಾತೀಯತೆಯು ಕೀಳ­ರಿಮೆ ಹುಟ್ಟಿಸಿ ಮಾನಸಿಕವಾಗಿ ಕೊಲ್ಲುವ ಅನಿಷ್ಟ ಪದ್ಧತಿ. ಅನಕ್ಷರಸ್ಥರಷ್ಟೇ ತೀವ್ರ­ವಾಗಿ ಸುಶಿಕ್ಷಿತರೂ ಇದನ್ನು ಪಾಲಿಸುತ್ತಿದ್ದಾರೆ. ದಿನದಿನಕ್ಕೆ ಕಡಿಮೆ­ಯಾಗುವ ಬದಲು ತನ್ನ ಬೇರನ್ನು ಗಟ್ಟಿಗೊಳಿಸಿಕೊಳ್ಳುತ್ತಲೇ ಹೋಗುತ್ತಿರುವ ಈ ಅಂಟುಜಾಡ್ಯಕ್ಕೆ ಧಾರ್ಮಿಕ ಕೇಂದ್ರಗಳು ವೇದಿಕೆಯಾಗುತ್ತಿರುವುದು ಜಗ­ಜ್ಜಾಹೀರು.

ಬದುಕಿನ ಜಂಜಾಟದಿಂದ ತಾತ್ಕಾಲಿಕ ನೆಮ್ಮದಿಗಾಗಿ ಜನ ಅರಸಿ ಹೋಗು­ವುದು ಶ್ರದ್ಧಾ ಕೇಂದ್ರಗಳನ್ನು. ಅವು ಧಾರ್ಮಿಕ ಅಂಧಶ್ರದ್ಧೆಯನ್ನು ತೊಡೆ­ಯುವುದಿರಲಿ ಸ್ವತಃ ಅಸ್ಪೃಶ್ಯತೆ, ಕಂದಾಚಾರದ ಗೂಡುಗಳಾಗಿ ಯಾವುದೇ ಧರ್ಮ ಅಥವಾ ಸಂವಿಧಾನದ ಮೂಲ ಆಶಯಕ್ಕೇ ಕೊಡಲಿ­ಪೆಟ್ಟು ನೀಡುವಂತಾದರೆ, ಅದನ್ನು ‘ಧಾರ್ಮಿಕ ದಿವಾಳಿತನ’ ಎನ್ನದೇ ವಿಧಿ­ಯಿಲ್ಲ. ದುರದೃಷ್ಟವಶಾತ್‌ ಇಂಥದ್ದೇ ಪರಿಸ್ಥಿತಿ ಇರುವ ರಾಜ್ಯದ ಬಹುತೇಕ ಧಾರ್ಮಿಕ ಕೇಂದ್ರಗಳ ನಡುವೆ ಗೋಕರ್ಣನಾಥೇಶ್ವರ ಕ್ಷೇತ್ರ ಭಿನ್ನವಾಗಿ ನಿಲ್ಲು­ತ್ತದೆ. ಪತಿಯನ್ನು ಕಳೆದುಕೊಂಡ ಮಹಿಳೆಯರಿಗೆ ಮಂಗಳದ್ರವ್ಯ ವಿತರಿಸಿ