ನವದೆಹಲಿ (ಪಿಟಿಐ): ಭಾರತಕ್ಕೆ ಭೇಟಿ ನೀಡುವ ಅಮೆರಿಕದ ಪ್ರವಾಸಿಗರಿಗೆ ಇಲ್ಲಿಗೆ ಬಂದಿಳಿಯುತ್ತಿದ್ದಂತೆಯೇ ವೀಸಾ ನೀಡುವ ವ್ಯವಸ್ಥೆ ಜಾರಿಗೊಳಿಸಲು ಕೇಂದ್ರ ಸರ್ಕಾರ ಉತ್ಸುಕವಾಗಿದ್ದು, ಪ್ರಧಾನಿ ನರೇಂದ್ರ ಮೋದಿ ಅವರ ಮುಂದಿನ ವಾರದ ಅಮೆರಿಕ ಭೇಟಿ ಸಂದರ್ಭದಲ್ಲಿ ಇದನ್ನು ಪ್ರಕಟಿಸುವ ನಿರೀಕ್ಷೆ ಇದೆ.
ಪ್ರಧಾನಿಯವರ ಅಮೆರಿಕ ಭೇಟಿ ವೇಳೆಗೆ ಈ ಸಂಬಂಧ ಎಲ್ಲಾ ವಿಧಿ ವಿಧಾನಗಳನ್ನು ಮುಗಿಸಲು ವಿದೇಶಾಂಗ ಸಚಿವಾಲಯ ಶತಾಯಗತಾಯ ಪ್ರಯತ್ನಿಸುತ್ತಿದೆ ಎಂದು ಮೂಲಗಳು ತಿಳಿಸಿವೆ.
ಭಾರತದಲ್ಲಿ ವಸತಿ ವ್ಯವಸ್ಥೆಗೆ ಮನೆಯನ್ನು ಹೊಂದಿಲ್ಲದ ಅಥವಾ ಇಲ್ಲಿ ಉದ್ಯೋಗವನ್ನೂ ಹೊಂದಿಲ್ಲದ ಪ್ರವಾಸದ ಏಕಮಾತ್ರ ಉದ್ದೇಶದಿಂದ ಬರುವ ಅಮೆರಿಕದ ಪ್ರವಾಸಿಗರಿಗೆ ಇದರಿಂದ ಅನುಕೂಲವಾಗಲಿದೆ.