ಪಟ್ನಾ (ಐಎಎನ್ಎಸ್): ಇಲ್ಲಿಯ ಜಮಾತೆ ಇಸ್ಲಾಮಿ ಹಿಂದ್ ಸಂಘಟನೆಯ ಸದಸ್ಯರೊಬ್ಬರಿಗೆ ಪಾಕಿಸ್ತಾನದ ಐಎಸ್ಐ ನೌಕರಿ ಆಮಿಷ ಒಡ್ಡಿರುವ ಪ್ರಕರಣವನ್ನು ಪೊಲೀಸರು ತನಿಖೆ ಮಾಡುತ್ತಿದ್ದಾರೆ.
ರಿಜ್ವಾನ್ ಎಂಬುವರಿಗೆ ಐಎಸ್ಐ ಪತ್ರ ವೊಂದನ್ನು ಕಳುಹಿಸಿ ಉದ್ಯೋಗಕ್ಕೆ ಆಯ್ಕೆ ಮಾಡಲಾಗಿದೆ ಎಂದು ತಿಳಿಸಿದೆ. ರಿಜ್ವಾನ್ ಅವರು ಸುಲ್ತಾನ್ಗಂಜ್ ಪೊಲೀಸ್ ಠಾಣೆಯಲ್ಲಿ ದೂರು ಸಲ್ಲಿಸಿದ್ದು, ಪ್ರಕರಣದ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಡಿವೈಎಸ್ಪಿ ರಾಜೇಶ್ ಕುಮಾರ್ ತಿಳಿಸಿದ್ದಾರೆ.
