ಗುಂಡ್ಲುಪೇಟೆ: ಚಿರತೆ ಸೆರೆ

ಗುಂಡ್ಲುಪೇಟೆ: ತಾಲ್ಲೂಕಿನ ಬಂಡೀಪುರ ರಾಷ್ಟ್ರೀಯ ಉದ್ಯಾನದ  ಕುಂದಕೆರೆ ಅರಣ್ಯ ವಲಯದಲ್ಲಿ ಅರಣ್ಯ ಇಲಾಖೆಯ ಬೋನಿಗೆ 6 ವರ್ಷ ಪ್ರಾಯದ ಗಂಡು ಚಿರತೆ ಸೆರೆ ಸಿಕ್ಕಿದೆ.

ಏ.15ರಂದು ಕುನ್ನ ಮುಂಟಿ ಗುಡ್ಡದಲ್ಲಿ ಆಟವಾಡಲು ತೆರಳಿದ್ದ ಮೂವರು ಗಿರಿಜನ ಬಾಲಕರ ಮೇಲೆ ಚಿರತೆ ದಾಳಿ ನಡೆಸಿತ್ತು. ಈ ದಾಳಿಯಲ್ಲಿ ಇಬ್ಬರು ಗಾಯಗೊಂಡಿದ್ದರು.

ಅಪ್ಪು ಎಂಬ ಬಾಲಕ ಕಲ್ಲಿನಿಂದ ಚಿರತೆಯ ಮೇಲೆ ದಾಳಿ ನಡೆಸಿ ಸ್ನೇಹಿತರನ್ನು ಪಾರು ಮಾಡಿ ತಾನೂ ಪಾರಾಗಿದ್ದ. ಅದೇ ಚಿರತೆಯನ್ನು ಈಗ ಸೆರೆ ಹಿಡಿಯಲಾಗಿದೆ ಎಂದು ಅರಣ್ಯ ಇಲಾಖೆ ಸಿಬ್ಬಂದಿ ತಿಳಿಸಿದ್ದಾರೆ.