ಜಿಲ್ಲಾ ಕೇಂದ್ರಲ್ಲಿಯೇ ಕ್ರೀಡಾಂಗಣದ ಕೊರತೆ

ಜಿಲ್ಲೆಯಲ್ಲಿ ಶಾಲಾ ಹಂತದಲ್ಲಿ ಫುಟ್‌­ಬಾಲ್‌ ಆಡುವ ತಂಡಗಳು ಕಡಿಮೆ ಇವೆ. ಹಾಗಾಗಿ ಕೆಲ ತಾಲ್ಲೂಕು ಮಟ್ಟದಲ್ಲಿ ಫುಟ್‌ಬಾಲ್‌ ಪಂದ್ಯ­ಗಳೇ ನಡೆಯುವುದಿಲ್ಲ. ಹೇಗಾದರೂ ಮಾಡಿ ತಾಲ್ಲೂಕಿನಿಂದ ಒಂದೊಂದು ತಂಡ­ವನ್ನು ಜಿಲ್ಲಾ ಮಟ್ಟಕ್ಕೆ ಕಳುಹಿಸಲಾ­ಗು­ತ್ತದೆ. ಜಿಲ್ಲಾ ಮಟ್ಟದ ಫುಟ್‌ಬಾಲ್‌ ಪಂದ್ಯಗಳನ್ನು ಆಡಿಸಲು ಮೈದಾನ­ಕ್ಕಾಗಿ ಖಾಸಗಿ ಎಂಜಿನಿಯರ್‌ ಕಾಲೇಜುಗಳನ್ನು ಕೋರಬೇಕಾದ ದುಸ್ಥಿತಿ ಇದೆ.
ಅಧಿಕಾರಿ ಹೇಳುವುದೇನು : ‘ಜಿಲ್ಲಾ ಕೇಂದ್ರದಲ್ಲಿ ಕ್ರೀಡೆಗೆ ಸೂಕ್ತ ಸೌಲಭ್ಯಗಳು ಇಲ್ಲವಾಗಿದೆ. ಆಟದ ಮೈದಾನ, ಒಳಾಂ­ಗಣ ಮತ್ತು ಹೊರಾಂಗಣ ಕ್ರೀಡಾಂ­­ಗಣ ಇಲ್ಲದ ಕಾರಣಕ್ಕೆ ಕ್ರೀಡಾಪಟುಗಳು ತೊಂದರೆ ಅನುಭವಿಸುತ್ತಿದ್ದಾರೆ.

ಸೂಕ್ತ ತರಬೇತಿ ಪಡೆಯುವಲ್ಲಿಯೂ ವಿಫಲ­ರಾ­­ಗು­ತ್ತಿದ್ದಾರೆ. ಕ್ರೀಡಾ­ಕೂಟಗಳನ್ನು ಆಯೋ­ಜನೆ ಮಾಡುವಾ­ಗಲೂ ಸಾಕಷ್ಟು ಕಷ್ಟ ಎದುರಾಗುತ್ತಿದೆ’ ಎಂದು ಜಿಲ್ಲಾ ಕ್ರೀಡಾ ಅಧೀಕ್ಷಕ ನಾಗರಾಜು  ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.

‘ಜಿಲ್ಲೆಯಲ್ಲಿ ಸೌಲಭ್ಯಗಳಿಲ್ಲದ ಕಾರ­ಣಕ್ಕೆ ಸಾರ್ವಜನಿಕ ಶಿಕ್ಷಣ ಇಲಾಖೆ ನಡೆ­ಸುವ ತಾಲ್ಲೂಕು ಮತ್ತು ಜಿಲ್ಲಾ ಮಟ್ಟದ ಕ್ರೀಡಾ­ಕೂಟಗಳಲ್ಲಿ ಹಾಕಿ, ಬ್ಯಾಸ್ಕೆ­ಟ್‌ಬಾಲ್‌, ಈಜು, ಲಾನ್‌ ಟೆನಿಸ್‌, ಕರಾಟೆ, ಜೂಡೊ ಪಂದ್ಯಗಳು ನಡೆ­ಯುವುದೇ ಇಲ್ಲ. ಈ ಪಂದ್ಯಗಳಿಗೆ ತಂಡ­ಗಳು ಬರುವುದೂ ಇಲ್ಲ. ಬಂದರೆ ಆಡಿಸಲು ಸೂಕ್ತ ವ್ಯವಸ್ಥೆಯೂ ಇಲ್ಲ’ ಎಂದು ಅಸಮಾಧಾನ ವ್ಯಕ್ತಪ­ಡಿಸಿದರು.

ಸಾರ್ವಜನಿಕ ಶಿಕ್ಷಣ ಇಲಾಖೆ ಹೊರತು ಪಡಿಸಿ ನಡೆಯುವ ಪೈಕಾ, ದಸರಾ ಮತ್ತಿತರ ಕ್ರೀಡಾಕೂಟಗಳ ಸಂದ­ರ್ಭದಲ್ಲಿಯೂ ಈ ಪಂದ್ಯಗಳಿಗೆ ತಂಡಗಳ ಕೊರತೆ ಇರುತ್ತದೆ. ಒಂದೊಂದು ತಂಡ ಬಂದರೆ ಅವು­ಗ­ಳನ್ನೇ ವಿಭಾ­ಗೀಯ ಮಟ್ಟದ ಕ್ರೀಡಾ­ಕೂಟಕ್ಕೆ ಕಳುಹಿಸಲಾ­ಗುತ್ತದೆ. ಎರಡು–ಮೂರು ತಂಡಗಳು ಬಂದರೆ ಖಾಸಗಿ ಸಂಸ್ಥೆಗಳನ್ನು ಪರಿ ಪರಿಯಾಗಿ ಕೋರಿ­ಕೊಂಡು ಸ್ಪರ್ಧೆಗಳನ್ನು ಆಯೋಜಿಸಬೇ­ಕಾದ ಅನಿವಾರ್ಯತೆ ಇದೆ ಎಂದು ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾ­ಖೆಯ ಅಧಿಕಾರಿಯೊಬ್ಬರು ತಿಳಿಸಿದರು.