<p><strong>ಭಾರತದಲ್ಲಿ</strong> ‘66ಎ’ಯ ಸಮಸ್ಯೆ ಇದ್ದರೆ ವಿಶ್ವದ ಉಳಿದೆಡೆ ಇನ್ನೂ ಹೆಚ್ಚು ಸಂಕೀರ್ಣವಾದ ಇಂಟರ್ನೆಟ್ ಸಂಬಂಧಿ ಸಮಸ್ಯೆಗಳಿವೆ. ಅಂತರ್ಜಾಲ ಸ್ವಾತಂತ್ರ್ಯವನ್ನು ಕಿತ್ತುಕೊಂಡಿರುವ ವಿಶ್ವದ ಹತ್ತು ದೇಶಗಳ ಪಟ್ಟಿ ಹೀಗಿದೆ:<br /> <br /> <strong>ಉತ್ತರ ಕೊರಿಯ: </strong>ಇಲ್ಲಿ ಶೇ 4ರಷ್ಟು ನಾಗರಿಕರು ಇಂಟರ್ನೆಟ್ ಬಳಸುತ್ತಾರೆ. ಇವರು ನೋಡುವ ಎಲ್ಲ ವೆಬ್ಸೈಟ್ಗಳೂ ಸರ್ಕಾರಿ ನಿಯಂತ್ರಣದಲ್ಲಿ ಇರುತ್ತವೆ.<br /> <br /> <strong>ಬರ್ಮಾ: </strong>ಸರ್ಕಾರ ಹೊರಹೋಗುವ ಮತ್ತು ಒಳಬರುವ ಎಲ್ಲ ಇ–ಮೇಲ್ಗಳನ್ನೂ ಪರಿಶೀಲಿಸುವ ವ್ಯವಸ್ಥೆಯೊಂದನ್ನು ರೂಪಿಸಿಕೊಂಡಿದೆ. ಸರ್ಕಾರವನ್ನು ವಿರೋಧಿಸುವ, ಮಾನವ ಹಕ್ಕು ಉಲ್ಲಂಘನೆಗಳನ್ನು ವರದಿ ಮಾಡುವ ಜಾಲತಾಣಗಳು ಮತ್ತು ಇ–ಮೇಲ್ಗಳನ್ನು ತಡೆಹಿಡಿಯುವ ವ್ಯವಸ್ಥೆ ಇದೆ.<br /> <br /> <strong>ಕ್ಯೂಬ:</strong> ಸರ್ಕಾರ ನಿಗದಿಪಡಿಸಿರುವ ಆಕ್ಸೆಸ್ ಪಾಯಿಂಟ್ಗಳ ಮೂಲಕವಷ್ಟೇ ಇಂಟರ್ನೆಟ್ ಲಭ್ಯ. ಪ್ರತಿಯೊಂದು ಅಂತರ್ಜಾಲ ಚಟುವಟಿಕೆಯ ಮೇಲೂ ಸರ್ಕಾರದ ನಿಗಾ ಇರುತ್ತದೆ. ಕೇವಲ ಆಡಳಿತದ ಪರವಾದ ಮಾಹಿತಿ ಮಾತ್ರ ಇಲ್ಲಿಂದ ಹೊರಹೋಗಲು ಸಾಧ್ಯವಿದೆ.<br /> <br /> <strong>ಸೌದಿ ಅರೇಬಿಯ: </strong>ಸುಮಾರು ನಾಲ್ಕು ಲಕ್ಷ ವೆಬ್ಸೈಟುಗಳನ್ನು ಬ್ಲಾಕ್ ಮಾಡಲಾಗಿದೆ. ಸೌದಿಯ ರಾಜಪ್ರಭುತ್ವ ಮತ್ತು ಅದು ನಂಬಿರುವ ಇಸ್ಲಾಮನ್ನು ವಿರೋಧಿಸುವ ಅಥವಾ ಅದನ್ನು ವಿಮರ್ಶಾತ್ಮಕವಾಗಿ ನೋಡುವ ಯಾವುದೂ ಇಲ್ಲಿ ಕಾಣಿಸಿಕೊಳ್ಳಲು ಸಾಧ್ಯವಿಲ್ಲ.<br /> <br /> <strong>ಇರಾನ್:</strong> ಬ್ಲಾಗರ್ಗಳು ಕಲೆ ಮತ್ತು ಸಂಸ್ಕೃತಿ ಸಚಿವಾಲಯದಲ್ಲಿ ತಮ್ಮನ್ನು ನೋಂದಾಯಿಸಿಕೊಳ್ಳಬೇಕು. ಸರ್ಕಾರಿ ಧರ್ಮ ಪಂಡಿತರನ್ನು ಟೀಕಿಸುವವರಿಗೆ ಬಹುದೊಡ್ಡ ಶಿಕ್ಷೆಗಳಿವೆ. ಅನೇಕರು ಇದೇ ಕಾರಣದಿಂದ ದೇಶ ತೊರೆದಿದ್ದಾರೆ.<br /> <br /> <strong>ಚೀನಾ:</strong> ಅತ್ಯಂತ ‘ದಕ್ಷ’ ಮತ್ತು ‘ಸುಧಾರಿತ’ ಇಂಟರ್ನೆಟ್ ಸೆನ್ಸಾರಿಂಗ್ ವ್ಯವಸ್ಥೆ ಇಲ್ಲಿದೆ. ಸರ್ಕಾರಕ್ಕೆ ಇರುಸುಮುರುಸುಂಟು ಮಾಡುವ ಯಾವುದನ್ನೂ ನಾಗರಿಕರು ಕಾಣಲಾಗದು. ಥೈವಾನ್ ಸ್ವಾತಂತ್ರ್ಯ ಅಥವಾ ತಿಯಾನನ್ಮನ್ ಚೌಕದ ದುರಂತಕ್ಕೆ ಸಂಬಂಧಿಸಿದಂತೆ ಹುಡುಕಾಡಿದರೆ ಎಲ್ಲ ಫಲಿತಾಂಶಗಳೂ ಸರ್ಕಾರದ ಪರ ವೆಬ್ಸೈಟಿಗೇ ಹೋಗುತ್ತವೆ!<br /> <br /> <strong>ಸಿರಿಯಾ: </strong>‘ರಾಷ್ಟ್ರೀಯ ಏಕತೆ’ಗೆ ವಿರುದ್ಧವಾಗಿರುವ ಏನನ್ನು ನಡೆಸಿದರೂ ಬಂಧನಕ್ಕೆ ಒಳಗಾಗಬೇಕಾಗುತ್ತದೆ. ಸೈಬರ್ ಕೆಫೆಗಳು ತಮ್ಮ ಗ್ರಾಹಕರ ಗುರುತನ್ನು ಇಟ್ಟುಕೊಂಡು ಅಧಿಕಾರಿಗಳು ಕೇಳಿದಾಗ ಒದಗಿಸಬೇಕು.<br /> <br /> <strong>ಟ್ಯುನೀಶಿಯಾ:</strong> ಇಲ್ಲಿನ ಎಲ್ಲ ಇಂಟರ್ನೆಟ್ ಸೇವಾದಾತರೂ ದೇಶದ ಎಲ್ಲ ಬ್ಲಾಗರ್ಗಳ ವಿವರವನ್ನೂ ಸರ್ಕಾರಕ್ಕೆ ಒದಗಿಸಬೇಕು. ಸರ್ಕಾರ ಇ–ಮೇಲ್ ಸೇರಿದಂತೆ ಎಲ್ಲ ಮಾಹಿತಿಗಳ ಮೇಲೆ ನಿಗಾ ಇಟ್ಟಿರುತ್ತದೆ.<br /> <br /> <strong>ವಿಯೆಟ್ನಾಮ್: </strong>ಯಾಹೂ, ಗೂಗಲ್ ಮೈಕ್ರೊಸಾಫ್ಟ್ ಕಂಪೆನಿಗಳು ತಮ್ಮ ಸೇವೆಗಳನ್ನು ಬಳಸುವ ಗ್ರಾಹಕರ ಮಾಹಿತಿಯನ್ನು ಸರ್ಕಾರಕ್ಕೆ ಒದಗಿಸುವುದು ಕಡ್ಡಾಯ. ಸರ್ಕಾರವನ್ನು ಟೀಕಿಸುವ ಎಲ್ಲಕ್ಕೂ ಇಲ್ಲಿ ನಿಷೇಧವಿದೆ.<br /> <br /> <strong>ತುರ್ಕ್ಮೆನಿಸ್ತಾನ್:</strong> ಇಲ್ಲಿನ ಏಕೈಕ ಇಂಟರ್ನೆಟ್ ಸೇವಾದಾತ ಸರ್ಕಾರ. ಹಲವಾರು ವೆಬ್ಸೈಟುಗಳಿಗೆ ಇಲ್ಲಿ ನಿಷೇಧವಿದೆ. ಯಾಹೂ, ಜಿಮೇಲ್, ಹಾಟ್ಮೇಲ್ಗಳಲ್ಲಿ ಸಾಗುವ ಎಲ್ಲವೂ ಸರ್ಕಾರದ ಪರಿಶೀಲನೆಗೆ ಒಳಪಟ್ಟೇ ಮುಂದುವರಿಯಬೇಕಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಭಾರತದಲ್ಲಿ</strong> ‘66ಎ’ಯ ಸಮಸ್ಯೆ ಇದ್ದರೆ ವಿಶ್ವದ ಉಳಿದೆಡೆ ಇನ್ನೂ ಹೆಚ್ಚು ಸಂಕೀರ್ಣವಾದ ಇಂಟರ್ನೆಟ್ ಸಂಬಂಧಿ ಸಮಸ್ಯೆಗಳಿವೆ. ಅಂತರ್ಜಾಲ ಸ್ವಾತಂತ್ರ್ಯವನ್ನು ಕಿತ್ತುಕೊಂಡಿರುವ ವಿಶ್ವದ ಹತ್ತು ದೇಶಗಳ ಪಟ್ಟಿ ಹೀಗಿದೆ:<br /> <br /> <strong>ಉತ್ತರ ಕೊರಿಯ: </strong>ಇಲ್ಲಿ ಶೇ 4ರಷ್ಟು ನಾಗರಿಕರು ಇಂಟರ್ನೆಟ್ ಬಳಸುತ್ತಾರೆ. ಇವರು ನೋಡುವ ಎಲ್ಲ ವೆಬ್ಸೈಟ್ಗಳೂ ಸರ್ಕಾರಿ ನಿಯಂತ್ರಣದಲ್ಲಿ ಇರುತ್ತವೆ.<br /> <br /> <strong>ಬರ್ಮಾ: </strong>ಸರ್ಕಾರ ಹೊರಹೋಗುವ ಮತ್ತು ಒಳಬರುವ ಎಲ್ಲ ಇ–ಮೇಲ್ಗಳನ್ನೂ ಪರಿಶೀಲಿಸುವ ವ್ಯವಸ್ಥೆಯೊಂದನ್ನು ರೂಪಿಸಿಕೊಂಡಿದೆ. ಸರ್ಕಾರವನ್ನು ವಿರೋಧಿಸುವ, ಮಾನವ ಹಕ್ಕು ಉಲ್ಲಂಘನೆಗಳನ್ನು ವರದಿ ಮಾಡುವ ಜಾಲತಾಣಗಳು ಮತ್ತು ಇ–ಮೇಲ್ಗಳನ್ನು ತಡೆಹಿಡಿಯುವ ವ್ಯವಸ್ಥೆ ಇದೆ.<br /> <br /> <strong>ಕ್ಯೂಬ:</strong> ಸರ್ಕಾರ ನಿಗದಿಪಡಿಸಿರುವ ಆಕ್ಸೆಸ್ ಪಾಯಿಂಟ್ಗಳ ಮೂಲಕವಷ್ಟೇ ಇಂಟರ್ನೆಟ್ ಲಭ್ಯ. ಪ್ರತಿಯೊಂದು ಅಂತರ್ಜಾಲ ಚಟುವಟಿಕೆಯ ಮೇಲೂ ಸರ್ಕಾರದ ನಿಗಾ ಇರುತ್ತದೆ. ಕೇವಲ ಆಡಳಿತದ ಪರವಾದ ಮಾಹಿತಿ ಮಾತ್ರ ಇಲ್ಲಿಂದ ಹೊರಹೋಗಲು ಸಾಧ್ಯವಿದೆ.<br /> <br /> <strong>ಸೌದಿ ಅರೇಬಿಯ: </strong>ಸುಮಾರು ನಾಲ್ಕು ಲಕ್ಷ ವೆಬ್ಸೈಟುಗಳನ್ನು ಬ್ಲಾಕ್ ಮಾಡಲಾಗಿದೆ. ಸೌದಿಯ ರಾಜಪ್ರಭುತ್ವ ಮತ್ತು ಅದು ನಂಬಿರುವ ಇಸ್ಲಾಮನ್ನು ವಿರೋಧಿಸುವ ಅಥವಾ ಅದನ್ನು ವಿಮರ್ಶಾತ್ಮಕವಾಗಿ ನೋಡುವ ಯಾವುದೂ ಇಲ್ಲಿ ಕಾಣಿಸಿಕೊಳ್ಳಲು ಸಾಧ್ಯವಿಲ್ಲ.<br /> <br /> <strong>ಇರಾನ್:</strong> ಬ್ಲಾಗರ್ಗಳು ಕಲೆ ಮತ್ತು ಸಂಸ್ಕೃತಿ ಸಚಿವಾಲಯದಲ್ಲಿ ತಮ್ಮನ್ನು ನೋಂದಾಯಿಸಿಕೊಳ್ಳಬೇಕು. ಸರ್ಕಾರಿ ಧರ್ಮ ಪಂಡಿತರನ್ನು ಟೀಕಿಸುವವರಿಗೆ ಬಹುದೊಡ್ಡ ಶಿಕ್ಷೆಗಳಿವೆ. ಅನೇಕರು ಇದೇ ಕಾರಣದಿಂದ ದೇಶ ತೊರೆದಿದ್ದಾರೆ.<br /> <br /> <strong>ಚೀನಾ:</strong> ಅತ್ಯಂತ ‘ದಕ್ಷ’ ಮತ್ತು ‘ಸುಧಾರಿತ’ ಇಂಟರ್ನೆಟ್ ಸೆನ್ಸಾರಿಂಗ್ ವ್ಯವಸ್ಥೆ ಇಲ್ಲಿದೆ. ಸರ್ಕಾರಕ್ಕೆ ಇರುಸುಮುರುಸುಂಟು ಮಾಡುವ ಯಾವುದನ್ನೂ ನಾಗರಿಕರು ಕಾಣಲಾಗದು. ಥೈವಾನ್ ಸ್ವಾತಂತ್ರ್ಯ ಅಥವಾ ತಿಯಾನನ್ಮನ್ ಚೌಕದ ದುರಂತಕ್ಕೆ ಸಂಬಂಧಿಸಿದಂತೆ ಹುಡುಕಾಡಿದರೆ ಎಲ್ಲ ಫಲಿತಾಂಶಗಳೂ ಸರ್ಕಾರದ ಪರ ವೆಬ್ಸೈಟಿಗೇ ಹೋಗುತ್ತವೆ!<br /> <br /> <strong>ಸಿರಿಯಾ: </strong>‘ರಾಷ್ಟ್ರೀಯ ಏಕತೆ’ಗೆ ವಿರುದ್ಧವಾಗಿರುವ ಏನನ್ನು ನಡೆಸಿದರೂ ಬಂಧನಕ್ಕೆ ಒಳಗಾಗಬೇಕಾಗುತ್ತದೆ. ಸೈಬರ್ ಕೆಫೆಗಳು ತಮ್ಮ ಗ್ರಾಹಕರ ಗುರುತನ್ನು ಇಟ್ಟುಕೊಂಡು ಅಧಿಕಾರಿಗಳು ಕೇಳಿದಾಗ ಒದಗಿಸಬೇಕು.<br /> <br /> <strong>ಟ್ಯುನೀಶಿಯಾ:</strong> ಇಲ್ಲಿನ ಎಲ್ಲ ಇಂಟರ್ನೆಟ್ ಸೇವಾದಾತರೂ ದೇಶದ ಎಲ್ಲ ಬ್ಲಾಗರ್ಗಳ ವಿವರವನ್ನೂ ಸರ್ಕಾರಕ್ಕೆ ಒದಗಿಸಬೇಕು. ಸರ್ಕಾರ ಇ–ಮೇಲ್ ಸೇರಿದಂತೆ ಎಲ್ಲ ಮಾಹಿತಿಗಳ ಮೇಲೆ ನಿಗಾ ಇಟ್ಟಿರುತ್ತದೆ.<br /> <br /> <strong>ವಿಯೆಟ್ನಾಮ್: </strong>ಯಾಹೂ, ಗೂಗಲ್ ಮೈಕ್ರೊಸಾಫ್ಟ್ ಕಂಪೆನಿಗಳು ತಮ್ಮ ಸೇವೆಗಳನ್ನು ಬಳಸುವ ಗ್ರಾಹಕರ ಮಾಹಿತಿಯನ್ನು ಸರ್ಕಾರಕ್ಕೆ ಒದಗಿಸುವುದು ಕಡ್ಡಾಯ. ಸರ್ಕಾರವನ್ನು ಟೀಕಿಸುವ ಎಲ್ಲಕ್ಕೂ ಇಲ್ಲಿ ನಿಷೇಧವಿದೆ.<br /> <br /> <strong>ತುರ್ಕ್ಮೆನಿಸ್ತಾನ್:</strong> ಇಲ್ಲಿನ ಏಕೈಕ ಇಂಟರ್ನೆಟ್ ಸೇವಾದಾತ ಸರ್ಕಾರ. ಹಲವಾರು ವೆಬ್ಸೈಟುಗಳಿಗೆ ಇಲ್ಲಿ ನಿಷೇಧವಿದೆ. ಯಾಹೂ, ಜಿಮೇಲ್, ಹಾಟ್ಮೇಲ್ಗಳಲ್ಲಿ ಸಾಗುವ ಎಲ್ಲವೂ ಸರ್ಕಾರದ ಪರಿಶೀಲನೆಗೆ ಒಳಪಟ್ಟೇ ಮುಂದುವರಿಯಬೇಕಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
