ಭಾರತ- ದಕ್ಷಿಣ ಆಫ್ರಿಕಾದ ಮುಂಬರುವ ಕ್ರಿಕೆಟ್ ಸರಣಿಗೆ ‘ದ ಮಹಾತ್ಮ ಗಾಂಧಿ- ನೆಲ್ಸನ್ ಮಂಡೇಲಾ ಸರಣಿ’ ಎಂದು ಹೆಸರಿಡಲು ಎರಡೂ ರಾಷ್ಟ್ರಗಳ ಕ್ರೀಡಾ ಸಂಸ್ಥೆಗಳು ನಿರ್ಧರಿಸಿರುವುದು ಸ್ವಾಗತಾರ್ಹ.
ಇದೇ ಅಕ್ಟೋಬರ್ನಿಂದ ನಡೆಯಲಿರುವ ಈ ಕ್ರಿಕೆಟ್ ಸರಣಿಗೆ ಇಂಥ ಪಿತಾಮಹರ ಹೆಸರಿಡುವುದು ಹೆಮ್ಮೆಯ ವಿಚಾರ. ಇಬ್ಬರೂ ನಾಯಕರು ಅಹಿಂಸೆ ಮತ್ತು ಅಸಹಕಾರ ತತ್ವದ ಮೂಲಕ ತಮ್ಮ ದೇಶಗಳಿಗೆ ಸ್ವಾತಂತ್ರ್ಯ ತಂದುಕೊಟ್ಟವರು. ಶಾಂತಿಯುತ ಮಾದರಿಯಲ್ಲಿ ಬೇಡಿಕೆಯನ್ನು ಈಡೇರಿಸಿಕೊಳ್ಳುವಲ್ಲಿ ಇಡೀ ವಿಶ್ವಕ್ಕೆ ದಾರಿದೀಪವಾದವರು.
ಉಭಯ ತಂಡಗಳ ಟೆಸ್ಟ್ ಸರಣಿ ವಿಜೇತರಿಗೆ ನೀಡಲಾಗುವ ಟ್ರೋಫಿಯನ್ನು ‘ಫ್ರೀಡಂ ಟ್ರೋಫಿ’ ಎಂದು ಕರೆಯಲಿರುವುದು ಸಹ ಸೂಕ್ತವಾಗಿದೆ. ಆದರ್ಶ ನಾಯಕರ ಹೆಸರಿಡುವುದರಿಂದ, ಕ್ರೀಡೆಗಳು ಇನ್ನಷ್ಟು ಜನಪ್ರಿಯಗೊಳ್ಳಲು ಸಾಧ್ಯ.