ವರ್ಲ್ಡ್ ಬ್ಯುಸಿನೆಸ್ ಅಸೆಂಬ್ಲಿಯು (ಡಬ್ಲ್ಯೂಬಿಎ) ಆರೋಗ್ಯ ಕ್ಷೇತ್ರದಲ್ಲಿ ಗುಣಮಟ್ಟ ಮತ್ತು ಉದ್ಯಮ ಘನತೆಗಾಗಿ ನೀಡುವ ಗೋಲ್ಡನ್ ಯುರೋಪಿಯನ್ ಪ್ರಶಸ್ತಿ ಈ ಬಾರಿ ಬನಿ ಆನಂದ್‌ ಅವರಿಗೆ ಲಭಿಸಿದೆ.
ಇವರು ಹೇರ್‌ಲೈನ್ ಇಂಟರ್‌ನ್ಯಾಶನಲ್ ಹೇರ್ ಅಂಡ್ ಸ್ಕಿನ್ ಕ್ಲಿನಿಕ್ನ ಸಂಸ್ಥಾಪಕಿಯಾಗಿದ್ದಾರೆ.
ಇತ್ತೀಚೆಗೆ ಟರ್ಕಿಯ ಇಸ್ತಾಂಬುಲ್‌ನಲ್ಲಿ ನಡೆದ ಡಬ್ಲ್ಯೂಬಿಎ ಶೃಂಗದ ಪ್ರತಿಷ್ಠಿತ ಅರಿಸ್ಟಾಟಲ್ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಅವರಿಗೆ ಈ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
‘ನಾವು ಮಾಡಿದ ಕೆಲಸವನ್ನು ಅಂತರರಾಷ್ಟ್ರೀಯ ವೇದಿಕೆಯಲ್ಲಿ ಗುರುತಿಸಿರುವುದು ಗೌರವದ ಸಂಗತಿಯಾಗಿದೆ. ಇದು ನಮ್ಮ ಕೆಲಸ ಮುಂದುವರಿಸಲು ಮತ್ತು ಈ ಕ್ಷೇತ್ರದಲ್ಲಿ ಹೊಸತನ್ನು ಸಾಧಿಸಲು ಸ್ಫೂರ್ತಿಯಾಗಲಿದೆ’ ಎಂದು ಬನಿ ತಮ್ಮ ಸಂತಸ ವ್ಯಕ್ತಪಡಿಸಿದ್ದಾರೆ.
