<p><strong>ಸಿದ್ದಾಪುರ: </strong>ತಾಲ್ಲೂಕಿನ ಗಡಿಭಾಗದಲ್ಲಿರುವ ನಿಸರ್ಗ ನಿರ್ಮಿತ ಶಿಲಾ ಸೇತುವೆ(ಕಲ್ಲುಸಂಕ)ಯನ್ನು ಅಭಿವೃದ್ಧಿ ಪಡಿಸುವ ಭರವಸೆಯನ್ನು ವಿಧಾನ ಸಭಾಧ್ಯಕ್ಷ ಕಾಗೋಡು ತಿಮ್ಮಪ್ಪ ನೀಡಿದ್ದಾರೆ.<br /> <br /> ಮಂಗಳವಾರ ಸಂಜೆ ಈ ಅಪರೂಪದ ನಿಸರ್ಗ ಕಲಾಕೃತಿ ಯನ್ನು ವೀಕ್ಷಿಸಿದ ನಂತರ ಸುದ್ದಿಗಾರರೊಂದಿಗೆ ಅವರು ಮಾತನಾಡಿದರು. ‘ಇದು ನಿಸರ್ಗದ ಅಪರೂಪದ ನಿರ್ಮಾಣ. ಇಂತಹ ಸ್ಥಳವನ್ನು ಮುಂದಿನ ತಲೆಮಾರಿಗೆ ಉಳಿಸುವ ಜವಾಬ್ದಾರಿ ಸಮಾಜದ್ದು. ಜೋಗ ಜಲಪಾತಕ್ಕೆ ಸಮೀಪ ವಿರುವ ಈ ಸ್ಥಳ, ಪ್ರವಾಸಿ ತಾಣವಾಗಿ ಅಭಿವೃದ್ಧಿ ಗೊಳ್ಳಲು ಪೂರಕ ವಾತಾವರಣ ಹೊಂದಿದೆ. ಇಲ್ಲಿ ಮೂಲ ಸೌಕರ್ಯ ಕಲ್ಪಿಸಬೇಕಾಗಿದೆ. ಜೋಗ ಹಾಗೂ ಸುತ್ತಲಿನ ಪ್ರೇಕ್ಷಣೀಯ ಸ್ಥಳಗಳನ್ನು ಅಭಿವೃದ್ಧಿಪಡುತ್ತಿರುವ ಈ ಸಂದರ್ಭದಲ್ಲಿ ಕಲ್ಲುಸಂಕವನ್ನೂ ಅಭಿವೃದ್ಧಿಗೊಳಿಸಬೇಕಿದೆ’ ಎಂದರು.<br /> <br /> ಈ ಸಂದರ್ಭದಲ್ಲಿ ಜಿಲ್ಲಾ ಪಂಚಾಯ್ತಿ ಸದಸ್ಯೆ ಲಲಿತಾ ನಾರಾಯಣ, ಉಪತಹಶೀಲ್ದಾರ್ ಕಲ್ಲಪ್ಪ ಮೆಣಸಿನಹಾಳ್, ಸ್ಥಳೀಯರಾದ ಕಲಗಾರು ಲಕ್ಷ್ಮೀನಾರಾಯಣ ಹೆಗಡೆ, ಮಲವಳ್ಳಿ ಗುರುಮೂರ್ತಿ ಹೆಗಡೆ, ಸುಧಾಕರ ಕೊಳಗದ್ದೆ ಮತ್ತಿತರರು ಉಪಸ್ಥಿತರಿದ್ದರು.<br /> <br /> <strong>ವಿಸ್ಮಯದ ರಚನೆ: </strong>ಸ್ಥಳೀಯರು ‘ಕಲ್ಲುಸಂಕ’ ಎಂದು ಕರೆಯುವ ಈ ಶಿಲಾ ಸೇತುವೆ ವಿಸ್ಮಯಕಾರಕ ರಚನೆ ಎಂದೇ ಪರಿಗಣಿಸಲ್ಪಟ್ಟಿದೆ. ತಾಲ್ಲೂಕಿನ ಕಲಗಾರಿನಲ್ಲಿ ಹುಟ್ಟಿ,ಅಲ್ಲಿಂದ ವರದಾನದಿಗೆ ಸೇರುವ ಹೊಳೆಗೆ ಪ್ರಕೃತಿಯೇ ನಿರ್ಮಿಸಿದ ನೈಸರ್ಗಿಕ ಸೇತುವೆಯೇ ಈ ಕಲ್ಲುಸಂಕ. ಹೊಳೆಗೆ ಅಡ್ಡವಾಗಿರುವ ಶಿಲಾ ಪದರದ ತಳಭಾಗದ ಮಣ್ಣು ಸ್ವಾಭಾವಿಕವಾಗಿ ಕೊಚ್ಚಿ ಹೋಗಿದ್ದರಿಂದ ಈ ರೀತಿ ಸೇತುವೆಯ ರಚನೆ ಇಲ್ಲಿ ಉಂಟಾಗಿದೆ. ಈ ಶಿಲಾ ಸೇತುವೆ ಸಾಕಷ್ಟು ಭದ್ರವಾಗಿ ನಿರ್ಮಿಸಲ್ಪಟ್ಟಿದ್ದು, ಜಾನುವಾರುಗಳಲ್ಲದೆ ಜನರು ಎಷ್ಟೋ ವರ್ಷಗಳಿಂದ ಇದರ ಮೇಲೆ ಓಡಾಡುತ್ತಿದ್ದಾರೆ. ದೇಶದ ಭೂರೂಪಶಾಸ್ತ್ರದ ನಕ್ಷೆಯಲ್ಲಿ ಈ ಶಿಲಾಸೇತುವೆ ನಮೂದಾಗಿದ್ದು, ವಿಶ್ವದಲ್ಲಿರುವ ಎರಡೇ ಪ್ರಕೃತಿ ನಿರ್ಮಿತ ಸೇತುವೆಗಳಲ್ಲಿ ಇದೂ ಒಂದು ಎನ್ನಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಿದ್ದಾಪುರ: </strong>ತಾಲ್ಲೂಕಿನ ಗಡಿಭಾಗದಲ್ಲಿರುವ ನಿಸರ್ಗ ನಿರ್ಮಿತ ಶಿಲಾ ಸೇತುವೆ(ಕಲ್ಲುಸಂಕ)ಯನ್ನು ಅಭಿವೃದ್ಧಿ ಪಡಿಸುವ ಭರವಸೆಯನ್ನು ವಿಧಾನ ಸಭಾಧ್ಯಕ್ಷ ಕಾಗೋಡು ತಿಮ್ಮಪ್ಪ ನೀಡಿದ್ದಾರೆ.<br /> <br /> ಮಂಗಳವಾರ ಸಂಜೆ ಈ ಅಪರೂಪದ ನಿಸರ್ಗ ಕಲಾಕೃತಿ ಯನ್ನು ವೀಕ್ಷಿಸಿದ ನಂತರ ಸುದ್ದಿಗಾರರೊಂದಿಗೆ ಅವರು ಮಾತನಾಡಿದರು. ‘ಇದು ನಿಸರ್ಗದ ಅಪರೂಪದ ನಿರ್ಮಾಣ. ಇಂತಹ ಸ್ಥಳವನ್ನು ಮುಂದಿನ ತಲೆಮಾರಿಗೆ ಉಳಿಸುವ ಜವಾಬ್ದಾರಿ ಸಮಾಜದ್ದು. ಜೋಗ ಜಲಪಾತಕ್ಕೆ ಸಮೀಪ ವಿರುವ ಈ ಸ್ಥಳ, ಪ್ರವಾಸಿ ತಾಣವಾಗಿ ಅಭಿವೃದ್ಧಿ ಗೊಳ್ಳಲು ಪೂರಕ ವಾತಾವರಣ ಹೊಂದಿದೆ. ಇಲ್ಲಿ ಮೂಲ ಸೌಕರ್ಯ ಕಲ್ಪಿಸಬೇಕಾಗಿದೆ. ಜೋಗ ಹಾಗೂ ಸುತ್ತಲಿನ ಪ್ರೇಕ್ಷಣೀಯ ಸ್ಥಳಗಳನ್ನು ಅಭಿವೃದ್ಧಿಪಡುತ್ತಿರುವ ಈ ಸಂದರ್ಭದಲ್ಲಿ ಕಲ್ಲುಸಂಕವನ್ನೂ ಅಭಿವೃದ್ಧಿಗೊಳಿಸಬೇಕಿದೆ’ ಎಂದರು.<br /> <br /> ಈ ಸಂದರ್ಭದಲ್ಲಿ ಜಿಲ್ಲಾ ಪಂಚಾಯ್ತಿ ಸದಸ್ಯೆ ಲಲಿತಾ ನಾರಾಯಣ, ಉಪತಹಶೀಲ್ದಾರ್ ಕಲ್ಲಪ್ಪ ಮೆಣಸಿನಹಾಳ್, ಸ್ಥಳೀಯರಾದ ಕಲಗಾರು ಲಕ್ಷ್ಮೀನಾರಾಯಣ ಹೆಗಡೆ, ಮಲವಳ್ಳಿ ಗುರುಮೂರ್ತಿ ಹೆಗಡೆ, ಸುಧಾಕರ ಕೊಳಗದ್ದೆ ಮತ್ತಿತರರು ಉಪಸ್ಥಿತರಿದ್ದರು.<br /> <br /> <strong>ವಿಸ್ಮಯದ ರಚನೆ: </strong>ಸ್ಥಳೀಯರು ‘ಕಲ್ಲುಸಂಕ’ ಎಂದು ಕರೆಯುವ ಈ ಶಿಲಾ ಸೇತುವೆ ವಿಸ್ಮಯಕಾರಕ ರಚನೆ ಎಂದೇ ಪರಿಗಣಿಸಲ್ಪಟ್ಟಿದೆ. ತಾಲ್ಲೂಕಿನ ಕಲಗಾರಿನಲ್ಲಿ ಹುಟ್ಟಿ,ಅಲ್ಲಿಂದ ವರದಾನದಿಗೆ ಸೇರುವ ಹೊಳೆಗೆ ಪ್ರಕೃತಿಯೇ ನಿರ್ಮಿಸಿದ ನೈಸರ್ಗಿಕ ಸೇತುವೆಯೇ ಈ ಕಲ್ಲುಸಂಕ. ಹೊಳೆಗೆ ಅಡ್ಡವಾಗಿರುವ ಶಿಲಾ ಪದರದ ತಳಭಾಗದ ಮಣ್ಣು ಸ್ವಾಭಾವಿಕವಾಗಿ ಕೊಚ್ಚಿ ಹೋಗಿದ್ದರಿಂದ ಈ ರೀತಿ ಸೇತುವೆಯ ರಚನೆ ಇಲ್ಲಿ ಉಂಟಾಗಿದೆ. ಈ ಶಿಲಾ ಸೇತುವೆ ಸಾಕಷ್ಟು ಭದ್ರವಾಗಿ ನಿರ್ಮಿಸಲ್ಪಟ್ಟಿದ್ದು, ಜಾನುವಾರುಗಳಲ್ಲದೆ ಜನರು ಎಷ್ಟೋ ವರ್ಷಗಳಿಂದ ಇದರ ಮೇಲೆ ಓಡಾಡುತ್ತಿದ್ದಾರೆ. ದೇಶದ ಭೂರೂಪಶಾಸ್ತ್ರದ ನಕ್ಷೆಯಲ್ಲಿ ಈ ಶಿಲಾಸೇತುವೆ ನಮೂದಾಗಿದ್ದು, ವಿಶ್ವದಲ್ಲಿರುವ ಎರಡೇ ಪ್ರಕೃತಿ ನಿರ್ಮಿತ ಸೇತುವೆಗಳಲ್ಲಿ ಇದೂ ಒಂದು ಎನ್ನಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
